نـــوووووف قام بنشر June 24, 2003 ارسل تقرير Share قام بنشر June 24, 2003 مواقف عرسان , منها المضحك والمحزن والغريب : فتحة المكيف : استعدت البنت حتى تشوف خطيبها لكن احتارت كيف راح تشوفه عن كثب , فوجدت ان فتحت المكيف هي أنسب مكان لترى زوج المستقبل من خلالها .....!!! ( طبعا تستغربون و تقولون فتحة مكيف ! ,, يعني أكيد فيها مكيف !! , صح ؟ ) لكن راح اطمنكم انه كان خربان والدنيا شتاء لهذا شايلينه أهل العروس ..... الزبده , لما جاء زوج المستقبل وجلس بالمجلس مع أخوها , والبنت جايه تركض 240 تبي تطلع عليه , وطلعت فوق كرسي وطلت !!! لكن ماشافته زين حاولت تتشعمط وتدخل راسها زين عشان تشوفه ,,, وأثناء هذي المحاولات اهتز الكرسي , وفوجىء الاخ والخطيب بالبنت قالطه عليهم من فتحة المكيف !! ( منظر يفشل , بس اللي نفسي أعرفه لما طاحت وش شعورها ؟؟!! ) ------------------------------------------------------------------------------------------- وش ذنب البنت : أثناء زفة العريس عند الحريم ليصل لعروسته بالكوشه , والعريس >>>> لم ينتبه بوجود درجتين أمامه , مما أسفر عن سقوطه سقطه شنيعه قدام الناس , وقدام زوجته وأهلها وعاد الناس ماصدقو خبر ولم يستحمل العريس هذا المنظر فهرب تاركا زوجته وأهله والدنيا كلها , ولا أحد شافه إلا بعد يومين , بعد زوال الصدمه !! ( عاد وش ذنب البنيه تخرب عليها ليلة عمرها !!! , اللهم لا شماته ) ------------------------------------------------------------------------------------------- عريس مسجون : وبعد ما انتهت اجراءات الزواج والخرابيط , ركبو السياره متوجهين لعش الحمام ( عفوا عش الزوجيه ) وكان العريس حاااااااار ومستعجل ولا عنده وقت (عصبي), ولا يعترف بشىء اسمه أشارة ( عاد وشلون وهو معرس يقطع أمها بعد !!) وفوجىء بشرطي يأشر له , بالبدايه طنشه ( من قده عريس !!) لكن الشرطي استمر, فضطر العريس انه يوقف قال له الشرطي : معي للتوقيف قاطع اشارتين قدام عيوني ؟ قال العريس وهو رافع خشمه : انا توني معرس ومعي زوجتي !! قال الشرطي : واذا تنسجن حالك حال غيرك , ودق على أحد يأخذ اللي معك !! لما يستحمل العريس هذي الاوامر وتهاوش مع الشرطي ووصلت لضرب والضريب !!! وبهذا بات العريس بالتوقيف , ولا نفع أي نوع من الواسطات ولا أي نوع من الرشاوي ! ( والله حـــــــا لـه ؟؟ عريس شديد ولا عنده وقت وشرطي عنيد ! ) -------------------------------------------------------------------------------------------- عريس ماينلعب عليه : عرسان رايحين يعسلون ( مو شيشه يعني شهر عسل ) , و لكن العريس حس من تصرفات عروسته أن لها ماضي وسوابق ( يعني تغازل ) ,, ففكر وفكر في طريقه لجعلها تعترف بماضيها وأخيرا استقر رأيه على فكرة جهنميه , وهي أن يحضر آيس كريم من نووووع خاااص يخليها تكشف المستور , وبالفعل أكلته وجلس يحقق معها واكتشف انها مصيبه ومسويه بلالالالالاوي وبكذا تأكد ظنه , ورجعها لأهلها مطلقه !! ( الصراحه العروس تستاهل اللي صار لها , لكن ما كان المفروض يتأكد بالطريقه هذي !! ) ---------------------------------------------------------------------------------------- عيني عينك : وأثناء زفة العريس على عروسته ( لاتخافون ماطاح هالمره ) , كان مكبس عيونه على الحريم ولا حتى خطر بباله انه يطالع زوجته او حتى يسلم عليها لما وصل , وقف جنبها مثل الصنم تحملت العروس تصرفه , ثم بدأت المصوره تأخذ لهم صور , وطلبت من العريس يمسك يد العروس او يسوي أي حركه , لكن العريس ولا هو هنا سرررررررررحااااااان ويطالع بخلق ربي الكاشخين لم تحتمل العروس هذا التصرف , وصحته بكف محترم هز الكوشه كلها , ونزلت العروس وتركته لكن سبحان المسخر راضى العريس عروسته بكلمتين وسامحته !! ( عــــــــا لـــــــم عــجـيـب , اذا أولها يسوي كذا بعدين وش بيسوي ؟!! ) ------------------------------------------------------------------------------------------------ يشبه له : عدت ليلة الدخلة على خير , وكانت العروس من النوع الخجول جدا جدا جدا , المهم عزمتهم خالتها ( أم زوجها ) , وبعد نهايه العزيمه , قالت الام للعروس انه زوجها ينتظرها بالسيارة , وكان بيتهم على شارعين ( شمالي وشرقي ) , المهم طلعت العروس من الباب الشمالي ولقت سيارة تشبه سيارة زوجها وفيها واحد راكب وركبت معه , وهو يطالع فيها وش تبي هذي وليه راكبه معي ؟؟؟؟؟؟؟؟ استغربت العروس من هدوء اللي ركبت معه وحست بشىء غلط يوم التفت عليه وطالعت فيه زين عرفت انها غلطانه ( ههههههههههههههههههه صح النووووووووووم ) ونزلت بسرعه وعرفت خطأها وراحت لزوجها وقلبها بيوقف من الخوف تخاف يكون عرف بس حمد لله عدا الموضوع على خير .... لا أحد يضحك على اللي صار لاني انا حتى صار لي مثله , بس مو مع زوج (بسم الله علي ) غلطت وكنت بركب مع سواق يشبه سواقنا ( انواع الدوخه) -------------------------------------------------------------------------------------------- مين أنتي ؟؟ : ماصدق العريس يجي اليوم اللي يتزوج فيها بنت خالته ( مها ) , كان يعشقها أكثر من روحه ( ياحسره ) وكان دايم يقزها اذا جت عندهم من أولها لأخرها , المهم لما جت ليلة الدخلة , ودخل العريس على الجناح اللي موجوده فيها عروسته , وقف وهو >>>>>>>> من أنتي ؟؟ طبعا البنت كانت مستحيه وتحسبه يمزح معها ! استغرب , من هذي ووين مها اللي أعرفها ؟؟ طلع من الغرفه ركض على أمه , يمه زوجتوني وحده ثانيه , وين مها ؟؟؟ ضحكت أمه حتى بينت كل حشوة سنوانها وقالت : هذي هي مها !! قال : يمه تلعبين علي , انا أعرف مها قالت أمه : يابن الحلال هذي هي بس صبغت شعرها ولبست وكشخت عشان كذا تحس انها تغيرت وبعد الدخلة وبعد مابدلت مها ملابسها , قال العريس : ايه الحين انتي مها اللي أعرفها !! ( اذا لبسنا قالو تغشونا واذا مالبسنا قالو وين الاهتمام !!) ---------------------------------------------------------------------------------------------- أخاف !!! : وهذا بعد عريس ماصدق يجي اليوم اللي يتزوج فيه حبيبته , بس كانت من النوع الخواف جدا جدا المهم , فتحت الابواب وبدأت موسيقة الزفة تحركت العروس خطوتين ووقفت بين الناس ......!! وطال وقوفها , كان الناس يحسبونها حركه مايدرون ان البنت تجمدت في مكانها من الخوف حاولو خالاتها وأقربها يقنعونها تكمل أو ترجع , لكن البنت ظلت بهذا الشكل لا تتكلم ولا تتحرك وانتهت موسيقى الزفه وحسو الناس بشىء غلط قاعد يصير ,, واستمر الوضع كذا لأكثر من نص ساعه , عندها كلمت أم العريس على ولدها وقالت له باللي صار ,, وفوجىء الجميع بدخول العريس عليهم , ومسك يد عروسته وحاول يقنعها تمشي , بس البنت على حالها , فحملها العريس واخرجها من الموقف بسلالالام ( ياسلالالالالالالالام عليه نشمي ويعرف الاصول ) -------------------------------------------------------------------------------------------------- حرامي لليلة الدخلة : راح اختصر لاني تعبت , عدت الزفه وكله على خير , وتعشو العرسان عشاء رومنسي وبعدين اتجهو للفراش , وأثناء ماهم نايمين فوجئو بصوت سقوط شىء بالغرفه , ولما شغلو الانوار لقو جثة رجل أمامهم , طبعا العروس أصيبت بروعه شديده والعريس ليس بأقل منها , ولكن بعد التحقيق أكتشفو أنه فلبيني كان داخل يسرق , ولما دخلو الغرفه تخبىء و مات بسكته قلبيه وهو في مكانه ( سبحان الله داخل عشان يسرقهم ومات وهو ماحقق إلا الفضيحه !! ) --------------------------------------------------------------------------------------------- منقول هذا كــــل اللي عندي ,, واذا عندكم شىء لاتبخلون علينا ودمتم سالمين .. رابط هذا التعليق شارك More sharing options...
.. متكيّه عند بقاله التركي .. قام بنشر June 25, 2003 ارسل تقرير Share قام بنشر June 25, 2003 رووووعه يا نووووووووووف تسلمين خيتو على هالقصص الحلوه .. باي رابط هذا التعليق شارك More sharing options...
كتكوت قام بنشر June 25, 2003 ارسل تقرير Share قام بنشر June 25, 2003 والله رهيييييييييييييييييييييييييييييييييييبه .. المواقف موب انتي يانوف!!! <<<<<<<قبله يحطمها!! اماااااااا الموقف الأول والله شنيييييييييييييع!!! هو احسن موقف!!! تسلميييييييييييييييييييييين (هالمرة انتي موب الموقف) الله يعطيك العافية.............. رابط هذا التعليق شارك More sharing options...
القروي قام بنشر June 25, 2003 ارسل تقرير Share قام بنشر June 25, 2003 رهيبة هالمواقف صراحة والله يرزقتس بواحدن مثلها ههههههههههههههههههههههه اعجبتني حقت الفلبيني اللي مات تهقين مات من الورعة والا من الحسرة يوم شاف العرسان << اقول انطم تسلميييين بقوووة على هالمواقف رابط هذا التعليق شارك More sharing options...
ابو ذعار قام بنشر June 26, 2003 ارسل تقرير Share قام بنشر June 26, 2003 ههههههههههههههههههه الله يقلع عدوانتس على هذي المواقف السيارات قصدي العروس تحياتي،،، رابط هذا التعليق شارك More sharing options...
العنيب قام بنشر June 26, 2003 ارسل تقرير Share قام بنشر June 26, 2003 ( اذا لبسنا قالو تغشونا واذا مالبسنا قالو وين الاهتمام !!) لوووووووووووووووووووووووووووول بصراحه موضوع ممتاز والله يعينكم يالمتزوجين رابط هذا التعليق شارك More sharing options...
طلال قام بنشر June 26, 2003 ارسل تقرير Share قام بنشر June 26, 2003 حلوه المواقف هذي وخاصه حقت الاخ الي يدور مها <<< رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان