القروي قام بنشر June 15, 2003 ارسل تقرير Share قام بنشر June 15, 2003 (معدل) B ) قوة عند الساعة الواحدة ظهراً ... أمي تزهب الغداء في المطبخ عند الساعة الثانية بعد الظهر ... أبوي يشمر عن ساعدية ليبدأ بالأكل عند الساعة الثالثة قبل العصر ... اااااخخخ .. ااااخخوووو .. ااااخخخ .. << أبوي يشاخر مالها دخل بالقصة بس شوش علينا بعد صلاة العصر ... أي عند الساعة الرابعة والنصف ذهبت الخادمة الاندنوسية بعد ماغسلت المواعين وسبعتهن ( اي نشفتهن من الماء ) ذهبت لغرفتها في السطح لتستلقي قليلاً هناك !! في حوالي الساعة الخامسة دخلت للصالة أبحث عن والدتي ووالدي ولم أجد أحداً صوت هنا وهنااك .. يماااه .. يباااه .. ولكن لاحياة لمن تنادي !! وفجأة .. فاضت أختي علي ( أي خرجت نحوي مسرعة ) وقالت بصوت مبحوح تلقاهم في الحوش عند النخلة بعدها أرجهنيت ( أي ارتحت وذهبت عني وساوس الشيطان ) وعندما فضت عليهم وجدت أبوي رافع ثوبة ومطلع ساقة وحاط الطاقية على وراء ومتسند على الجدار وأمي تنتف شعر ساقة باليد اليمنى وماسكة الدلة باليد اليسرى (( قمة الرومنسية وهي تنتف شعر ساق أبوي << هالساق اللي كنها مسواك ناشف )) هلا والله بأبيي وأميمتي .. وشلونكم عساكم طيبين .. قالت أمي : والله ياوليدي الامور ماتسر !! قلت أفاااا .. وش هالحتسي عسى ماشر ؟ قالت : والله شغالتنا أنهبلت وانا أمك .. من أمس وانا أسمعها تحاتسي نفسها في الحمام واليوم بعد العصر يوم رقيت لها في السطح لقيتها قافلة على نفسها الباب وتحاتسي روحها بصوت عالي قاطعها أبوي : والله هذي والله العالم أنها تحضر جن قلت : أفاا جن ولا عنه ؟ .... قال أبوي : أيه وانا أبوك هذولي يسحرون ويحضرون الجن في الحمام ويخلونهم يجيبون أخبار ديرتهم عندهم في الحمام ( صورة أرنب ) .. قلت ولا يهمكم أنا أبنقز هالحين للسطح وابشوف الشغالة وش تزين وتعالي معي يمه خلينا نرقى فوق .. رقيت للسطح وسمعت الشغالة تخرط في الحمام وسواليف .. قلت بس هذي مسوية شي ؟ يا أنها جايبة رجال والا أنها تحضر جن .... وقلت لأمي أبروح أطل عليها مع الدريشة حقت السطح .. << طليت مع دريشة الحمام عليها .. وشنصت لي ساعة وأمي تقول هاااااااه شفتا شي ؟ وانا ولا هناااا << مروووق أتمقل ابطلع الجني !! أمي : ياوليدي عسى ماسحروك وراك انسبهت وانا امك .. وانا لسان حالي يقول (( أن الرقم الذي طلبت غير موجود بالخدمة مؤقتاً ... حاول الأتصال في وقت لاحق )) .. فجأة .. تكلمت وقلت يمه أنتي متأكدة أن هذي شغالتنا ؟ هذي يمه شعرها طويييييل وبيضاااء ولابسة بنطلون أبيض .. قالت أمي : هاااو .. وش أنت تزين فضربة تضرب العدو .. عسى منتب جالس تتمقل في الحرمة فبلش يبلش العدو ... وبعد ماتكلمت ... الشغالة حست أني أطل عليها مع الدريشة وبدت تتحرك مرة يمين ومرة يسار ومرة تجلس على البدية ومرة تقوم وتجلس في وسط البانيو .. وانا >>> وبعدها تواكلت أمي ومسكت ثوبي وسحبتني بقووووة لين طحت على راسي .. ومع الصجة فزت الشغالة من مكانها وطلعت لنا وهي تصيح وتقول ماما .. ماما خلاص أنا مافيه يجيب جوال مرة ثاااني بيت أنتي وأنكشفت الحقيقة المرة ... الشغالة تجلس كل يوم تكلم بالجوال ( بطاقة سوا ) في الحمام لأنها تخاف أن أحد يشوفها ... وهبلت البيت نحسبها تحضر جن مايستفاد من القصة كثر في هذه الايام وجود الجوال مع الشغالات ( بطاقة سوا ) وكل وحده ترزز هالجوال .. هل يحق لنا نمنعهن من هالشي ؟ والا يعتبر هالشي حرية شخصية للعاملة المنزلية لايحق لربة المنزل التدخل فيه ؟ أتمنى أسمع رأيكم تحياتي للجميع تم تعديل June 15, 2003 بواسطه القروي رابط هذا التعليق شارك More sharing options...
حــ دانة ــرمة قام بنشر June 16, 2003 ارسل تقرير Share قام بنشر June 16, 2003 مرسي خيوووووو قصة رائعه ماشاء الله عليك يعني فيه امل في المستقبل تكون راوي . طرحك للقصه رائع بإعتبارها في النهايه تناقش موضوع يعتبر من المواضيع الحاسمه.. والتي في إعتقادي لا تحتاج الى جدال فالرفض قائم على هذا الموضوع . لانه الخادمه جائت الى هذه البلاد وعانت قسوة الغربه والفراق من اجل ماذا؟؟؟ من اجل غاية محدده وهي كسب الرزق وإعالة اسرتها . فلنقل بانها تريد مجاراة البنات الاتي يقطنون في المنزل الذي تعمل به هذه الخادمه لانهن في نفس عمرها . ولكن الغلط يرجع في البدايه الى سيدة المنزل عندما تسمح لها بإستخدام الجوال . في نهاية كلامي ارجو اني ما اكون ثقلت عليكم. وبرضوا اقول انه هذا من وجهة نظري انا شخصياً . **************** عندي شيء متردده ودي اقوله . بس اخاف اطيح وجهك يالقروي . شف اذا اذنت لي قلته لكم . مع انه شيء سخيف بس نموت في تطييح الوجيه . تقبلوا تحياتي اختكم دانة حرمه . رابط هذا التعليق شارك More sharing options...
كتكوت قام بنشر June 16, 2003 ارسل تقرير Share قام بنشر June 16, 2003 هههههههههههههههههههههههه الله يرجك يالقروي! والله ماعاد اسقم عنك أنت وقصصك!! عاااااد لاتصدق ويكبر راسك علينا!!! المهم نروووح اول شي للقصة : والله متّ من الضحك يوم قريت هذي ((فاضت أختي علي ( أي خرجت نحوي مسرعة ) )) ههههههههه والله جازتلي بزود!!! الشي الثاني امك ليييييييش تنتف شعر ساق ابوك؟؟ اقول والله خوش رومانسية!!! ههههههههههه لا ومن زود الظفارة ماسكة الدلة باليد الثانية!! هههههههههههههههههههههههه حلوووووووووووووووووووة القصة مررررررررررة وسردك والله اكثر من رائع... نجي للأسئلة : انا من وجهة نظري اشوف ان ماله اي داعي ان الشغالة تستخدم الجوال؟؟ لأني اشوف ان الرسالة تؤدي الغرض؟؟ خاصة ان الواصلة فيهن ماتكلم اهلها الا كل 6شهور مرة!! يعني ماله سنع!!! والأمر الأول والأخير يرجع للكفيل والكفيلة <<<<حلوة الكفيلة؟؟ تسسسسسسسسسسلم يالقروي والله يعطيك المازولا <<< يستخف دمّه!! رابط هذا التعليق شارك More sharing options...
نـــوووووف قام بنشر June 16, 2003 ارسل تقرير Share قام بنشر June 16, 2003 هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه الله يرجك رجاً مبرحاً يارب ولا وش رايكم في هالهندي وسرواله وحركته وقف الشارع عن الحركه رابط هذا التعليق شارك More sharing options...
مفعوص قام بنشر June 16, 2003 ارسل تقرير Share قام بنشر June 16, 2003 هههههه.. حشى وشي ذي الشغاله (لقيتها قافلة على نفسها الباب وتحاتسي روحها ((بصوت عالي))..مجنونه رابط هذا التعليق شارك More sharing options...
العنيب قام بنشر June 16, 2003 ارسل تقرير Share قام بنشر June 16, 2003 طليت مع دريشة الحمام عليها .. وشنصت لي ساعة بدوووووووووووووووووووون تعليييييييييييييييييق رابط هذا التعليق شارك More sharing options...
ابوشلاخ الحرماوي قام بنشر June 16, 2003 ارسل تقرير Share قام بنشر June 16, 2003 وش معنى شنصت لي ساعه بعدين اخوي تشكر على القصه ومناقشة الموضوع اعتقد ان الجوال حريه شخصيه 00حرام متغربين ومكروفين ليل نهار في شغل البيت 00 ولا نعطيهم حريه يسمعون صوت اهلهم لان الرسائل لا تفي بالغرض رابط هذا التعليق شارك More sharing options...
المصرقع قام بنشر June 16, 2003 ارسل تقرير Share قام بنشر June 16, 2003 (معدل) لووووووووووووووول هذا أزين مافي القصة ...... 7 7 ______ بعدها أرجهنيت ( أي ارتحت وذهبت عني وساوس الشيطان ) وعندما فضت عليهم وجدت أبوي رافع ثوبة ومطلع ساقة وحاط الطاقية على وراء ومتسند على الجدار وأمي تنتف شعر ساقة باليد اليمنى وماسكة الدلة باليد اليسرى (( قمة الرومنسية وهي تنتف شعر ساق أبوي << هالساق اللي كنها مسواك ناشف )) _______ ياولد والله أنك مبدع ........ وبعدين : مايخسى ألا هالشغالات نعطيهن جوالات أنا ودي ألقى مع شغالتنا جوال والله ماتسلم مني <<<<<<< مشكلـــــــــــة أنت يالقوي 8 8 8 وش رايك باللـــــون تم تعديل June 16, 2003 بواسطه المصرقع رابط هذا التعليق شارك More sharing options...
القروي قام بنشر June 16, 2003 الكاتب ارسل تقرير Share قام بنشر June 16, 2003 يالله ان تحييهم يالقفكم .. قصة بيني وبين أمي وبين شغالتنا وش دخلكم يالمشافيح حــ دانة ــرمة حياتس الله في الموضوع .. وتعليقك حلو ولو انتس ظلمتي هالشغالات وعساي ماصير شغالة عندتس وجهة نظرتس نحترمها وتعنز فيها وقولي اللي في بالتس عاااادي وطيحي وجهي <<< متعود هههههه كتكوت هلا صديقي ... يالظالم تبي كل شغالة تتصل بأهلها كل 6 شهور ههههههههههه تصدق ماعاد أسقم من ردودك <<< حلوه أسقم جديدة في عالم النت نوووووووف شكرا على الرج <<< حشى ببسي شكرا لطلتك على شغالتنا مفعوص شكرا لمرورك وضحكتك العسل العنيب يالقفك .. تدري ليش شنصت ؟ الكرسي اللي رقيت عليه يتهزهز بيطيح << صرفها مشكوووووووور لبدون تعليقك والله ياشكلك ودك أنك طال معي لاتعليق ابوشلاخ الحرماوي شنصت لي ساعة = أي تسمرت في مكاني ولم اتحرك البتة من هول ما رأيت مشكووور لتعليقك وياحظ من هي شغالة عندك المصرقع مشكووور لمرورك وتعليقك يالاقشر وراك على الضعيفات تبي توريهن العين الحمراء تراهن ضعيفااات وخصوصا اذا قالت الوحدة .. بابا مسرقع .. انتاااااااا فيييييييييييييي أشااااااء ( يعني انت تعشيت ) الالوان رهيبه وياليت ناصل للأحمر رابط هذا التعليق شارك More sharing options...
الراحل قام بنشر June 16, 2003 ارسل تقرير Share قام بنشر June 16, 2003 هههههههههههههههههههههههه الله يرجك يالقروي! والله ماعاد اسقم عنك أنت وقصصك!! عاااااد لاتصدق ويكبر راسك علينا!!! المهم نروووح اول شي للقصة : والله متّ من الضحك يوم قريت هذي ((فاضت أختي علي ( أي خرجت نحوي مسرعة ) )) ههههههههه والله جازتلي بزود!!! الشي الثاني امك ليييييييش تنتف شعر ساق ابوك؟؟ اقول والله خوش رومانسية!!! ههههههههههه لا ومن زود الظفارة ماسكة الدلة باليد الثانية!! هههههههههههههههههههههههه حلوووووووووووووووووووة القصة مررررررررررة وسردك والله اكثر من رائع... نجي للأسئلة : انا من وجهة نظري اشوف ان ماله اي داعي ان الشغالة تستخدم الجوال؟؟ لأني اشوف ان الرسالة تؤدي الغرض؟؟ خاصة ان الواصلة فيهن ماتكلم اهلها الا كل 6شهور مرة!! يعني ماله سنع!!! والأمر الأول والأخير يرجع للكفيل والكفيلة <<<<حلوة الكفيلة؟؟ رابط هذا التعليق شارك More sharing options...
حــ دانة ــرمة قام بنشر June 17, 2003 ارسل تقرير Share قام بنشر June 17, 2003 هلا والله بالقروي اكتشفت انك ماتدير بالمطبخ ولا شيء والدليل.. (( بعد ماغسلت المواعين وسبعتهن ( اي نشفتهن من الماء ) )) يا بابا التسبيع يكون غسل المواعين من الصابون .. اما التنشيف زي ماذكرت اي نشفتهن من الماء .. تقبل تحياتي اختك دانة حرمه (( دندونه )) رابط هذا التعليق شارك More sharing options...
سديراوي الأصلي قام بنشر June 17, 2003 ارسل تقرير Share قام بنشر June 17, 2003 الا كم رقم شغالتكم خل أختبرها لكم موضوع رايق من خبل رايق رابط هذا التعليق شارك More sharing options...
كتكوت قام بنشر June 17, 2003 ارسل تقرير Share قام بنشر June 17, 2003 ههههههههههههههههههههههه ههههههههههههههههههههههههههههههههههههههه أنا ماضحت مثل ماضحكت على الرد السريع من دانة؟؟ ماصدقت خبر قال خذي راحتك!!!! كني داري ان دانة حرمة كل يوم تدخل 10 مرات تحتري كلمة خذي راحتك.. سمحتلك...!!! والا يالقروي؟؟؟؟؟؟؟؟؟؟؟؟؟؟ لااااااااااااااااااااااااا... ومتحمسه بعد؟؟؟ تقول يابابا!!! خخخخخخخخخخخخخخخخخخخخخخخخخخخخخخخخخخخخخ رابط هذا التعليق شارك More sharing options...
حــ دانة ــرمة قام بنشر June 18, 2003 ارسل تقرير Share قام بنشر June 18, 2003 هيين يا كتكوت راح يجيك الدور بس انت طح بين ايديني وراح تشوف . رابط هذا التعليق شارك More sharing options...
حميان بيتش قام بنشر June 18, 2003 ارسل تقرير Share قام بنشر June 18, 2003 السلام عليكم صـــــــديـــــقي .... القروووووووي وش ذا الحستي .......اماي قايلك لا تخور وتجيب طاري الوالده والله لعلمها ...... واخليها تدعي عليك انك ما تحاول تتصل بالنت الا يسير مشغول انا من يوم شفتك وانا شاكن فيك ..اقول هالادمي اكيد داخله سكني .... اثر خدامتكم هي المموله !!!!!!!! بس ياصديقي .......سالفتك منتازه وانت منتب سهل خاصتن في وصف مشاعر ابوك تجاه امك والعكس شكلك حاطينك اخوانك الكبار مراقب عليهم يعني .... انت دايم دورك في البيت ((( التسبير ))) تسبر لخوانك يعطيك العافيه يا قرووويشن .... ومتعنا بالمزيد يا مبدع هالبوابه ... ما يختلف عليك اثنين وسلمني على نفسك .... وشلة المنتدى رابط هذا التعليق شارك More sharing options...
القروي قام بنشر June 19, 2003 الكاتب ارسل تقرير Share قام بنشر June 19, 2003 سلام الله عليكم الراحل : هلا والله .. يالعجاز هههههههه ردي عليك زي ردي على كتكوت رح شفه حــ دانة ــرمة : هالحين اللي يسمعتس يقول خبرة بالتسبيع ههههههه يابنت الحلال متعود على طيحت الوجه ماعرف أحتسي ولا عندي اسلوب قبلي مفشل ابوي في العزايم سديراوي الياباني : ( يعني اصلي هههههه ) تبي رقم شغالتنا اجل هههههههه عندها جوال بطاقة سوا بتدق عليك مرة وبعدها انت اتصل شكرا لك كتكوت صديقي : شفتا وشلون هالبني ... ماينعطن وجه هههههههههههههه من عطيتها وجه .. وهي مطيحة وجهي ههههههههههه حميان بيتش : هلا أبوصروال سباحة وش الاخبار يالفضيحة ... ماتمسك العلم تخر بسرعة وتهق يالهقي مشكوووور لردك والله رابط هذا التعليق شارك More sharing options...
مزعلة النسا قام بنشر June 21, 2003 ارسل تقرير Share قام بنشر June 21, 2003 صراحه قصه روعه..وغير كذا اهنيك على روحك المرحه...ولو انه مو غريبه عليك يعطيك العافيه اخوي وننتظر المزيد... اما من ناحية ان الخدامه يكون معها جوال...لا والف لا..لانك ماتظمن انها تكلم اهلها..ولو جاء يوم واحتاجت انها تكلم ماراح نقولها لا بس تستأذن اما جوال اسمحلي قويه... رابط هذا التعليق شارك More sharing options...
ابو صــويـر قام بنشر June 21, 2003 ارسل تقرير Share قام بنشر June 21, 2003 هههههههههههه الله يقلع شيطانك يالقروي والله قصة وانا عن رائي في ان الشغلات ياخذن جوال ( أمعصي ) رابط هذا التعليق شارك More sharing options...
فتاة سوق السبت قام بنشر June 22, 2003 ارسل تقرير Share قام بنشر June 22, 2003 ^ ^ ^ ^ ^ ^ ^ انت كذاااااااا ياشيخخخخخخخخ اقسم بالله كلمه منسم شوووووووووووويه يااااااااااااااقلبيه على الموضوع قطع مصاريني تقطع كركركركركركركركركركركركركركركركر ياحليلك يا القروي انا اشهد انك عااااااااااقل <<<< اها بس سلملي على شغالتكم وقلها ان شغالتنا تسلم عليها وخلاص ترى اذا زرناكم يا القروي معاد انحب جايبين شغالتنا لكم نخااااااااااااف تفسد شغالتنا حقتكم راعيه هبال ولعب وجوالات والله ماحنا ناقصين تنهبل علينا شغالتنا ومهيب بعيده تقول ابي كمبيوتر وكاميرا لوووووووووووووووووول القف تحياااااااااااتي طااااااااااخ رابط هذا التعليق شارك More sharing options...
القروي قام بنشر June 22, 2003 الكاتب ارسل تقرير Share قام بنشر June 22, 2003 ^ ^ يالشين اللي يرد وهو صاك الياقة بعد ماصار مشرف (( قمة الاحراج خصوصا اذا صارت الياقة ضيقة وزرار مقطوع )) أختي ليالي نجد ألف شكر على مرورك .. واذا جاني ثناء من المتميزين أكون مغرور << مهوب يقلد أبد ولاتبطين علينا فيذاا في الساخر ابو صــوير وراك أقشر ههههه انا تروعت يوم قلتا معصي وشلون اجل هالضعيفة اللي عندكم ههههههههه تشكر على مرورك يالغالي فتاة سوق الخميس تسلم عليتس شغالتنا وتقول لي قل لفتاة سوق السبت : عاااد خلوا شغالتكم تجينا عند الله سعة وهيتونا لاتبطون علينا شكرا لردك ومرورك وتميزك بالوصف رابط هذا التعليق شارك More sharing options...
فتاة سوق السبت قام بنشر June 22, 2003 ارسل تقرير Share قام بنشر June 22, 2003 وجــــــــــــــــــــــعه جدي انا فتاة سوق السبت موب الخميس والله شكلك صااااك الياقه بقوهههههههه انتبه ياوخيي باتسر تكتب اسمي فتاة سوق الفيصليه<<<< متى اكتب اسمي كذا ان شاء الله اذا فتحنا الفيصليه في سوق السبت عما قريب تحياتوا كثيراتوا رابط هذا التعليق شارك More sharing options...
القروي قام بنشر June 22, 2003 الكاتب ارسل تقرير Share قام بنشر June 22, 2003 وه .. ياخزياااه يافتاة سوق السبت والله غلطة مطبعية أستري ماواجهتي رابط هذا التعليق شارك More sharing options...
معوكس قام بنشر June 23, 2003 ارسل تقرير Share قام بنشر June 23, 2003 وش عليكم منها مهوب بقروشها اللي ماهو كفو للشغالات لا يجيب 00 لا يصير مثل اللي يخليها تغسل السيارة وتنقل الدفان للسطح ياعالم خوفو الله رابط هذا التعليق شارك More sharing options...
تبيع ماء عند الاشارة قام بنشر September 4, 2003 ارسل تقرير Share قام بنشر September 4, 2003 الله مير يعطيك العااااافيه ويسلموووووو من جد انبطحت من الضحك لوووووووول <==يعني اني اضحك ولا تحرممنا من قصصك رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان