بعد هذة القصيدة الرجاء ترك الضب فى حالة

الضب قدم للوزاره شكيـــــــــــــــــــــــه

يقول مظلوم بوسط الصحـــــــــــــــــاري

كلن يعيش اليوم عيشه هنيـــــــــــــــــــه

وأنا مع الكبسات تحت الكبــــــــــــــاري

مسكين مالي واسطه خارجيــــــــــــــــه

الواسطه عند الظباء والحبــــــــــــــاري

أشكي من الازمه ظروفي قويــــــــــــه

خصوص وقت الصيف والجسم عــــــاري

محمية الغزلان دون الحويـــــــــــــــــــه

وأنا مقطع وسط رز البخـــــــــــــــاري

أنا لحالي عيشتي جلجليـــــــــــــــــــه

أنصاد لو أني ببنك العقـــــــــــــــاري

في سوق منفوحه يحرج عليــــــــــــــه

مكتوب اسمي بالسجل التجـــــــــــاري

احتج وأقدم للامه قضيــــــــــــــــــــــه

مهدد بالرمي والا الشبــــــــــــــــــاري

اعيش أنا ويالحباري سويــــــــــــــــه

مافيه فرق بين هيس وهــــــــــــــواري

إليا طلعت ابا أتمشي شويــــــــــــــــه

إليا الدداسن كوم تضرب بــــــــــــواري

الصيد يتمشى هنا واهنيـــــــــــــــــــه

بمحمية الغزلان وأم القمــــــــــــــــاري

وأنا مسلسل طاش يضحك عليـــــــــــه

وين التقدم والأسلوب الحضــــــــــاري

كيف الورل مرتاح وانا خويــــــــــــــه

يلعب معي بالليل عظيم ســــــــــــاري

إن كان ما لحقت عليه المنيـــــــــــــــه

إن عاش راسي تاكلونه إجبــــــــــاري

ياناس روحو الصيف لأبها البهيــــــــــه

حفر العتش مافيه غير الغبــــــــــــاري

وختامها حطو حراسه قويــــــــــــــــه

من مركز التدريب حق الطــــــــــــواري

شيخ عشيرةالضبان// ضب سحيلي العكروي

بعد هذة القصيدة الرجاء ترك الضب فى حالة

ههههههههههههههههههه

وش السالفة يالأصفر؟؟؟

أنت متعااااااطف مع الضببه مررررررررررررررة!!!!

مغير تسوي لقاءات معهم وتجيب قصايدهم.. الظاهر انك مندوبهم؟؟؟

بس والله بيني وبينك رحمة هالضب رحمة مايعلمبها الا ربي!!! لذلك قررت عدم صيد الضببه!!

<<<<<<<< والله مايشوف ضب في الشارع الا ويكفخ وراه!!!

على العموم حلوووووووووة القصيدة ...

ثانكيووووووووو................