ياسعيدان متى تحس اني انسان


المنعفط

Recommended Posts

السلام عليكم .... اسمحولي أبدأ اول مقالاتي معكم في هذا الموضوع وارجو ان يحوز على رضاء الجميع

لان ردت فعلكم هي اللي تبي تشجعني في تكملة المشوار

وابشروا بكل يوم مقال ...الا اذا حصل خاش والا خرباش ....وتحملونا ....... blink.gif

ياسعيدان متى تحس اني انسان

سعيدان هذا موجه …يقول سعيدان كشخت بثوبي الكويتي وطقيت بنت البكار( اللين صاحت )…و رحت لاحدالمدارس …. يوم دخلت لقيت باب الادارة مصكوك والمدير مابعد جى … قعدت عند الباب مادريت الا بواحد من المدرسين جاي ثم قعد يناظرني والتفت على الطلاب الي قاعدين في الساحه وقال لهم من اللي جايب هاالعمل الفني … تقدمت له ومسكته بيدي اليسار ورفعته على الجدار قدام الطلاب وقلت له العمل الفني جابته امك … جو المدرسين وفكوه مني … وشوي اللين المدير جاي … دخلت عليه وقلت له انا موجه العلوم الجديد …وين دفتر التوقيع … قال سلم اول … قلت متى المعرفه احسن تعال صور معي (مايبغى يعطيه وجه؟؟)… ويوم وقعت قال طيب حط الوقت … قلت له مامعي ساعه … قال الساعه 6.45 … سجلت 11 قال ليه قلت كذا بس عناد وش عندك اشكني احسن … يوم توني بطلع من الاداره قال شكلك منتاب موجه ... وين اوراقك التي تثبت انك موجه … طلعت مفاتيح السياره من مخباتي وذبيتها عليه وقلت تلقى المباشره في درج السياره … وينقص من الاشرطه شي ابهد وجهك(اصلا مافيه اشرطه

وصار عندي الحصة الاولى احياء … ومدرس الماده ماجى ... قلت خل اعطيهم انا الدرس رحنا للمعمل ...كان عندهم درس عن تشريح الضفدع …. والضفدع هذا اخترناه بالذات نجاسه … ليش عايش في خير ومياه واكله عنده(خلهم يحللون هالخير الي هم فيه) …. قعدت اشرح لهم انه لازم اول نبنج الضفدع … وجبت البنج وحطيت الغرشه كلها للضفدع وماتبنج …. وقلت لهم ابستخدم الطريقه الجديده في التبنيج … الي هي طريق (السنتوب ) … حطيت الضفدع في الا رض … وقلت لواحد من الطلاب افقعه برجلك … وفقعه وصار كنه مضراب كيرم… وقلت للطلاب هاللحين … نشرحه …. روحت واحد من الطلاب لغرفة الرياضه وجاب طرنبه وتفخنا الضفدع … وفتحنا بطنه … وطلعت لهم شي مدور يناقز … وقلت لهم كاني منيب واهم ترى هذا القلب … وترى مهوب تاكيد بس انا مشبه … عطيته واحد من الطلاب وقلت امسكه معك لايضيع … بعد كذا طلعت لهم المعلوق حق الضفدع … ووريتهم اقسام جهاز المعلوق … ثم طلعت لهم المرير ووريتهم وشلون يحوسون مرير الضفدع ….وقلت لهم خذو راحتكم كل واحد يلعب في مريره شوي .. انا مبنجه … واذا تحرك او سوى شي لواحد منكم انا اعرف وشلون ابنجه واخليه يندم انه دافع عن نفسه …. وطلعت لهم البنكرياس … وقلت لهم هذا زود … يعني وجوده مهوب لازم …. ولازم نحرم الضفدع منه علشان مايتهنى بالخير الي هو فيه … وهالخطوط البيض هي الاعصاب (قالها وهو يقطعها ) … هالحين شوفوا خليته يفقد اعصابه … بعد كذا يالله خلونا نرجع كل شي لمحله … وكب القطع في البطن بدون ترتيب …وخاطه بدون اهتمام … ثم جا ب له نشادر وشممها الضفدع وصحى … قال واحد من الطلاب نسينا القلب ماحطيناه …. اخذ الموجه القلب ورماه في الزباله

ـــــــــــــــــــــــ

ـــــــــــــــــــــــ

ملاحظة

اقصد بسعيدان هنا المسؤول عن العمليه التعليميه … ووضعته بصورة موجه لان الموجه هو من يشدد على اتباع اوامر سعيدان

الضفدع … قد يكون المعلم او الطالب او المناهج

رابط هذا التعليق
شارك

يامنعفط والله انك رائع ......... وهذا اسلوب جديد لكسب القراء

فعلاً وصلت للمضمون ... وبطريقة ساخرة

بس ياليت تكثر من هالمشاركات

وانا من اول ما يؤيد هالطريقه لانها فعلا لها هدف سامي مع وجود طريقه مقبوله للقراءه

اقوووول يا منعفط سلمني بس على نفسك smile.gif

رابط هذا التعليق
شارك

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان