مميزات العزوبي ...في قالب المتزوجين

مميزات العزوبي............... في قالب المتزوجين.......الله يعينهم

والله اليوم طقت براسي أتفلسف عليكم شوي.....

أنا من زمان وأنا أشوف أبوي دايم يشكى..... الله يلعن الساعة اللي تزوجت فيها

بس ما يقولها في البيت إذا طلع أو إذا هو مسير على ربعه..

المهم....... وبديت اشغل الصفيحة اللي في راسي مع إنها مصديه بس أحيان تشتغل

المهم........مره وعندنا ضيوف وانا القهوجي..وكل شوي القهوة والشاهي

والماهي...(على وزن الشاهي)..المهم...بعد ما قهويت الضيوف.....

رحت قعدت عند المشب..وقعدت أتسمع سوالف الرجال اللي عندنا

وكلن يشكى من حرمته.........وأنا قمت اقكررررررررر

وركزت نظري على النار وسرحت

رحت بعيد وسرحت

وما حسيت إلا الفنجال حظر بجبهتي

وأبوي يقول قوم يا ملا السلال...وأنا قمت مثل المجنون اصب شاي بالفناجيل

واصب قهوة بالكاسات

وقلت بقلبي الحين أبوي صاير رجال على وإذا راح عند أمي يصير خيخه

مدري ليش أمي تقول لأبوي اقتراح

مثلا سفره أبوي على طول يرفض

ولا فيه أمل..وما أحس من بكره إلا أبوي موافق....؟؟؟؟؟

مدري ليييييييييييييييييييييييييييييش...؟

المهم ورحت حق فراشي وانسدحت وقمت افكررررررر

وما حسيت إلا وأختي عبوره الله يلعن إبليسها( حتى الأرض اللي حدرها تشكي منها)

تطبق على حركات مصارعه.....

المهم زبده الموضوع أبي اكتب ايجابيات العز وبي بعد ما شفت معانات الوالد الله يسلمه هو ويا شله الأنس حقته..

واليكم مميزات العز وبي على طبق من ذهب:

1- تفتك من الكلمات التالية:

وينك- ليش تأخرت- نبي أغراض للبيت- عطني فلوس- ودني للسوق-

2-ترتاح من قرقتها وصياحها..يعني تجي من الدوام محد ينكد عليك

يعني أول ما تجي تستلمك بوابل من الاخبار اللي (تهز البدن) ولا رشاش الاباتشي

(الولد مريض- جتنا فاتورة الكهربة- الشغالة نبي راتبها-جاك أبو فلان يبي فلوسه)

ومن هالكلام اللي يخليك تنحاش للدوام ثاني مره..

3--تفتك من المسؤليه يعني ما تدفع أجار للبيت ولا كهرب ولا تلفون

وتقعد عند ناس تتعز بهم مأكل شارب نايم ببلاش

4-ترتاح بنومك يعني ما تتقلب وتشم ريحه ثوم ولا بصل ولا تقوم بالليل فلان الله

يخليك خايفه قوم ودني للمطبخ أبي اشرب مويه

5-وبعدين تغازل على كيفك يعني ما تخاف من اكبر راس ومحد يهددك بزوجتك

او ما شابه من التهديدات اللي ينساق لها المتزوج

6- تسافر بكيفك لا رقيب ولا حسيب (يعني روح بكيفك وغيب كثر ما تبي محد

يقولك –ثلث الثلاثة كم-)

7- تأكل لحد ما تشبع (يعني إذا أنت متزوج وأنت تأكل تجي زوجتك وتصدمك بخبر

تغثك وتسد نفسك عن الأكل)...الله يعينهم

8- وعلى قوله واحد من الربع الله يرده بالسلامة الواحد أول ما يتزوج تلقاة شحلاتة جسمه

وبعد الزواج وعععععععععععع كرش

وأنا الحين عزوبي ولله الحمد........بس بيني وبينكم مليت من العزوبية

ودي أتزوج........(هذا اللي ينصحكم يبي يتزوج)

والله أحلا من العزوبية للمتزوج مافيه--- وأحلا من الزواج للعازب مافيه

والله المستعان.............

أخوكم

بلاك هورس

منقول

أحلا من العزوبية للمتزوج مافيه--- وأحلا من الزواج للعازب مافيه

والله انك صادز؟؟

بس وشوله؟؟ وش السالفة؟؟؟ من اللي لاعب بعقلك واقنعك تعرس!!! اقول بلا هبال خل العرس للمهبل!!! لاحق عليه!!!!! وعاد تسانكك مصمل ومعرس معرس اجل لاتخلينا في العزيمة اعزمنا وانا اخيك الله يهديك..!!!!!

ثانكس................