مجنون حصه

خطاء اللي بعدي عمره 30 سنه وشهرين وخمس ايام وست ساعات وواحد وثلاثين دقيقه وسبع ثواني ونصف الثانيه

ما عليك زود يالهمام وانت كلك ملح اقول مهيب فايتك انشالله بس تكفى قل للمشرفين عندي مشكله ان حطيت الرموز يفصل عندي الموقع كله شكل موقعهم عنده حساسيه من الموز قصدي الرموز خصوصا رمز الحب الاحمر ترى موز طالعه بالغلط وتعيجزت ارد وامسحها مربوشه اركدي واصبري تراه مهوب حلم هذا علم ولا تطيرين في العجه مثلي في سوريا للمشرفين فقط : تكفون اتعب واكتب همين ينلغي بكل بساطه شوفو حل عاجل ولا اشتكيتكم

ههههههههههههه خذ الميه كلها واعرس عليها وطلقها وخلها تسدد بس هاااه انتبه لاتكفلها وتوهق خل اخوها يكفلها

رهف : قولي انه صار مسلسل مكسيكي ولا تستحين فيد غانم : احمر شفايف راعية جبل عسره : واذا فتشت وش عاد ابيه يخطبها ويتزوجها مهوب الشرع محلل ان العروس تفتش لعريسها قبل العرس ويتمقل فيها شوي وبعدين عقب مايتزوجها ناوي انفرد انا وندى لحالنا بدون احد في سوريا وفي السعوديه اقول شدو حيلكم ترى المسلسل بيطول شوي وباتسر الحلقه الثالثه وهو يتكون من خمسين حلقه

خل نكمل السالفه ... اقرو الحلقه الاولى قبل هذي لو سمحتو على هالرابط http://harmah.org/index.php?showtopic=6663&st=0& مدري الرابط صح ولا خطاء يصححونه المشرفين انتسانه موضوع ثاني وفجأة شفت أبوها قدامي وجاني مندفع ويصكني بقس على عيني مار مسكت عيني وقلت : أيييييي وجلست على الركبه اليمنى وسويت نفسي منصرع وانسدحت على ظهري وطلعت لساني ( ابي الفكه من باقي الجلد ) والمثل يقول ياغريب كن اديب والصدق كنت وسخ مع البنت انا وخشتي !! مار يمسكني ابوها مع يدي يبي يوقفني واسمعه يقول لبنته : العماء شكله مااااااات وهي تقول له ليش هيك عملت يا بابا ياحرام كان مؤدب معي كتيييييير ( بدت تلين ) المهم قرب من عندي وقال لسا يتنفس ويقول لبنته يالله نشيله ساعديني ساعديني نشيله للشقه قبل يشوفونا الجيران ويمسكني مع يدي ويوقفني وهي تمسكني مع اليد الثانيه وتصير وحده من يديني فوق رقبته هو والثانيه فوق رقبتها هي <--- محظوظه هاليد امي داعيتن لها ويدخلوني في الشقه ويجيبون لي مويه وتقعد تسمدني بالفوطه من تحت عيني الليي صكني معها ابوها جعله للكسر وراح ابوها يجيب علاج لي من الصيدليه ومن طلع من البيت وانا مفتح وقلت لها ويني فيه قالت في بيتنى قلت وش جابني عندكم قالت حضك ولسانك ورفعت يدي وقلت ياربي ياربي انك تزوجني هاللي قدامي يارب ضحكت وقالت ياالله شو خفيف دم قلت جعل ابوك يصدم في ماصوره ويتأخر ولا يجيب العلاج هو ويده هالمطرقه قالت شو عرفك انو بيجيب علاج قلت احساسي وحبي لك قالت يخرب بيتك بتمثل على بيي قلت يلعن بيك شو خرب عيني وشوه خدي وهي تضحك مبسوطه قلت اه قالت سلامتك من الأه <-- يمدي بناتنا على هلأسلوب قلت وش اسمك يابعد روحي <-- بدا يمون ابو الشباب قالت اسمي نداء قلت يازينك ويازين الندى طيب وش اسم بيك جعل يده اليمين للكسر قال ابوها كسر يكسر خشمك شو قليل ادب <-- جا ابو عنتر وخرب علينا الجلسه ليته تأخر الين نجمركها ابوسه الصدق ابوها شري وقليل ادب وقوي فلازم اني اسايسه واعلمه اني جاي لسوريا مع امي اعالج اسنانها لايحسبني داشر من حقين البسوت <-- جمع بست - نسينا ماكلينا قلت ابو عنتر انا جايب امي معي عشان اعالجها وساكن معكم في نفس العماره في شقه 12 والوالده ضايق صدرها لحالها ودي اناديها هنا عشان تسولف مع ندى وتتعرف عليها وعلى ام ندى قال امها ميته رحمت الله عليها قلت اجل تتعرف على ندى وندى عن عشر حريم رجاله بنت ارجال قال شو قلت حرمه بنت حريم قال شو قلت حرمه بنت شوووو <-- منحاس الولد معد يجمع المهم اني اقنعته اني اجيب امي عندهم وجبتها وتعرفت عليهم وكانت تتغطى عن ابو عنتر وحاولت اني اخليها تفتش قلت لها يمه حنا برى الرياض خلينا نفلها وافتشي لبو ندى وخليه يمكن يخطبتس وتعرسين عقب الوالد الله يرحمه ويسكنه الجنه عيت امي تفتش بس انها تقعد معه في المجلس وانا فالها بين امي وبين ندى وابو عنتر يتنحنح يبيني ابعد عن بنته انا انسبهت معها وامي بعد صارت تحبها مرررررره لانها صدق تنحب اخلاق وجمال وشقار وكلشن جامعته مهيب زي بناتنا سمار مع شهاب مع شين وركبن واكواعن سود <-- هذي نظرتي السابقه وفيه نظره لاحقه ابمدحكم عقب لاتزعلون ولا تستعجلون يالسعوديات البنت حبتني وحبت سواليفي وانا بعد اذا جاء طاريها يفز قلبي واتشقق من الفرح وفي يوم من الايام صارحت امي وقلت ابخطبها واتزوجها ونوديها معنا للسعوديه قالت امي عسى ماشر عسى منتب مسخن انا احسب الدعوى مزح صارت رزح اثرك مخطط تزوجها يالخبيث هالحين بناتنا وش كثرهن في السعوديه كل بيت فيه خمس بنات طب وتخير قلت يمه يتشرطون يبون يسافرون في شهر العسل لباريس وانا ماجددت جوازي ويبون مهر خمسين الف وانا مامعي دفتر شيكات ويبون سياره فخمه وانا مابعد بعت الكامري حقتي ويبون قصر وانا مابعد بعت بيتنا الاول ............................. اقنعت امي وتزوجت ندى وعطيتهم حدود السبع الاف ريال مهر وبثلاثه شريت لها شبكه وسكنا في الشقه مع امي انا اول ليله مدري جاني شعور كأني ما امشي على الارض كأني خفيف مرررره او اني مستخف احس رجليني معد اوطى عليها دخلت عليها في الغرفه وكانت معها امي قامت امي وصرفت نفسها وقالت امي : سم بالله ياوليدي قلت ليش يمه وانا اباكلها واشوفها تبتسم جعلي اموت قبلها انشالله واقرب من عندها وقلبي يدق تقل مرواس وكل ماقربت دق زيارده واجي ابقعد جمبها ماااار اوطى رجلها وقالت أييي ونتذكر البقس ونقعد نضحك انا من الضحك طحت عليها وهي مواصله ضحك جلسنا نسولف شوي همين طفيت النور <-- مستعجل ابو الشباب قالت خير انشالله .......... ومن باتسر الصبح وابو عنتر مصبحنا ويدخل في الشقه ويقول ... باقي كم حلقه تحملوني

فتاة سوق السبت شكرا جزيلا بس وشو الشين العظيم عسى مهوب شين عساااه زين اما عيال ديرتنا ماينعطون وجه فانتي صادقه والدليل امثالي وشرواي<-- شرواك الطيب ريح ام علي اللي تقصد امتس هي بنت خالت الحلى اللي يسمونه ام علي اللي اذا كلناه مانشبع منه واللي يحبونه البنات خصوصا الين سمنن بناتنا وصارو مايدخلن مع الباب ويقولون ان التربيه والتعليم مخططين يزودون الابواب حقت الفصول ويصير عرضها مترين على فكره منهي نانسي عجرم ما اعرفها ولا هي ذيك الزينه اللي قاهره بناتنا ايه ذكرتها اثرتس مشرفه وانا توني ادري اجل اسفين على الرد اللي فوق وسامحيني هالمره والمره الجايه اتوب حميان بتش تذكرني بماليزيا وايامها مطيري بتش والفندق الثاني مدري وش اسمه ياحميان ابوي ميت من كم سنه وتعرف الوالده حزينه عليه قلت خل نوسع صدرها خصوصا انها حدها حرمه ان شدت الرحال قالت ودني لحرمه خل اشوف اخوي ابشر ياحميان منيب متأخر راعيها : هو تحسين نسل صحيح خصوصا البياض اما السكورتي فهذا غلط لان الدين عندنا وعندهم واللي يخاف من ربه يحميه راعية جبل عسره : ايه فالين ابو جدها حتى امي ابشرتس صارت تطلع تقضى الخضره والفاكهه وتمشى لحالها بدت تنطلق وتعودت على الوجوجه وتراها مانامت تحتري وليدها تطمن عليه مع انه مايستاهل المراد : العفو ولا شكر على واجب اهم شي رضاكم

كان ضايق صدري وقلت لامي وش رايتس نسافر لسوريا نشم هواء ( رومنسي الولد ) قالت امي قداااااام قمت وحجزت لسوريا انا وام الشباب <----- يمون الولد مالكم في الطويله ابختصر السالفه وصلنا سوريا واستقبلنا واحد شنبه يوقع عليه الغراب أثر امي اعجبها الشنب قالت هذا الرجال اللي مهوب انت يامجنون حصه شنبك يوقع عليه الذباب قلت هالمره ابمشيها لأمي تتريق ام الشباب عشانها فرحانه بسوريا ويوم وصلنا للشقه مار اغير ملابسي واقول للوالده ارقدي يا اميمتي الين باتسر الصبح ونروح نتمشى وانا ابطلع اجيب مقاضي للبيت مع ابو شنب <--- السواق طلعنا انا وياه ورحت لاقرب بست ( ملهى ليلي ) قالو وين يبو الشباب تونا المغرب السهره الساعه 12 في الليل وما تدخل الا تجيب معك العائله قلت لعنبو بليسكم انا منحاش عن الرياض والعوائل وتبوني بعد اجيب عائله وبعد مابخششت البدي قار حقهم جاب لي حرمته ام اربعين ودخلت معي بس اشترطت ماتقعد معي على الطاوله ومن دخلت وهي مبحلقه عيونها في خشتي كان البدي قار يناظرني وهو مقهور من ابتسامتي وشكله في نفسه يقول هذا ليش مبتسم وقلت لزوجته يالله انتهت مهمتس روحي لرجلتس وخليني لحالي ابي اروق وجلست من سبع الين 12 وانا مروق اشرب في هالعصير اللي مدري وشو وطعمه مر ويطيش وكل ماقلت لهم سيدر جابوه لي وبدت السهره وبديت اصفق من قلب وزاد تصفيقي بشكل غريب حتى انا نقدت على نفسي وحتى نفسي نقدت علي شوي يوم صفقوني هم الين احولت عيوني وطلعوني برا رحت للشقه مع تكسي لاني مشيت السواق عشان مايعلم امي وانا في الطريق مع التكسي جاني تغار غريب مع شوي حموضه همين طرشت في التكسي قال راعي التكسي يلعن شكلك سكران قلت لا والله ماشربت الا سيدر قال انزل يلعن ابو هيك اشكال < ---- هذا حال شبابنا للاسف يهزئونهم برى الصدق كنت مغفل ولا دريت وش شربوني لكن اللي اعرفه اني صرت دايخ يومين وصلت الشقه وامي خايفه علي تقول وين رحت جعلك الريح الساعه 3 الفجر وتوك تجي نمت ساعتين همين رحت اجيب خبز من الخباز عشان امي تفطر وياليتني ماقابلتها طلعت علي بنت ام 20 سنه يمكن ادون بسنتين ولا اعلى بسنه كانت شايله لبن في صطل وماااار انا انبهرت لانها خامه السطل على صدرها انا من الأنبهار قلت لها ياليتني سطل قالت شووووو قلت ليتني سطل قالت روح بعيد ارجوك وفجأه هذي الحلقه الاولى والحلقه الثانيه بعد يومين

واحد متزوج لبنانيه وسعوديه اذا جاء الرجال في اخر الليل للبيت عقب ماسهر او وسع صدره في استراحه تقول اللبنانيه : جيت من رفأتك حبيبي .. حمد الله بالسلامه اما السعوديه تقول : هضلت من هالدشير ... كان نمت عندهم ازين

يقولون ان اهل حرمه تسممو من شورما ابو كمال ويقولون ولا ماله داعي لا يقولون نمام

المنقهر لاتقهرني مشكلتي في اللغه العربيه دمار يبي لي مترجم ولا القصه روعه اما المقدمه : كانها انقليزي اكترنيات وهيدرونيات اما حقت الغمص فهمتها وهي طايره بس انا مستغرب ان الغمص يضهر عندهم هناك احسبه مايطلع الا عندنا في حرمه

هلا بالقروي هااااه بشر وش جابت ولد ولا بنت تصدق شكلها جايبه توووم عقب هالبطاء لعنبو بليسك ابو اربعين وتوك تعرس شكلك طفران بها الله يعينك بعد سنتين تسألك كم لنا معرسين بتقول لها ثمان اسنين القصه بس نبي التفاصيل الممله خصوصا اول ليله انتم قاصرين النور ولا معلينه

اللي معه عود اسنان الله لايهينكم يرميه علي بس لاترمونه على بطني همين انسم واطير في الغرفه

يالله حيهن حفيدة سوير ويتوقعون ان كذا يرفعون من قدر البنت مايدرون ان حياة بنتهم مع هالشخص طول العمر بحلوها وبمرها000 صح السانتس عزالله انتس فاهمه امور هالدنيا والتقسيط والديون بس عسى البنت مدرسه وكم الراتب ماعرفت ليش يسوون هالحركات بس يلا هم ابخص 00 على قولتس هم ابخص فتاة سوق السبت : منهو كرنفال وانا اجيبه هنا اي شبكه اللي تكلمين عنها شبكة طائره ولا قدم ولا شبكة صيد السمك انا خابر شبكة القدم بخمسين ريال واليد اربعين عشانها اصغر اما شبكة الطائره بثلاثين ياشينكم انتم وهالخرابيط الزايده شبكه وبلاوي كلها ماخوذه من مصر اما البيت :؟؟؟؟؟؟؟؟بس اذا هم حموله كبيره والله البيت لحالها ازين .. باتسر تجي الخاله ( ام الولد ) والله حرمتك ماتنفع مغير نوم في هالنهار وماتقوم تصفر ولاتقهوى معنا وانتي ناويه تنامين اربع وعشرين ساعه جعلتس النعاس ابد بس توكل على الله واعـــــــرس ...... وعاد علمنا خلنا نحفل ونفصل للعرس <000 بعد لزقه تبي تحضر وتعادي حرمتي بالنوم لا تزعلن من ردي تراني امزح

اولا من قال اني عندي طاوله حاط الشاشه على الزوليه في النص بالضبط كما تريد <0000 متأثر بالدعايات والكي بورد على مركى والماوس يسار المركى <0000 اعسم يعني باليسار اكتب وعجاااااااز الى ابعد درجه كأني السودانيه اللي تهاوشو على دور معاق في فلم عشان مايتحركون وش بعد بقي اقولكم اني طميل شوي واذا ماجت الشغاله وشالت اللي حولي ورتبت فمستحيل اني ابرتب

هههههههه رساله قويه شكل هالعجوز رايحتن في خرايطها ياصبر لطيفووووه عليها حميان بيتش شكلي اببشك معك في محاوره هنا ونخلي المحاوره على الهوى مباشره واللي يبي يسوي مداخله ماعندنا مانع يابعد تسبدي ... وش رايك لاني شام فيك ريحت اقلاع بس مدفونه وابي اظهر مواهبك

السلام عليكم انا احب بنت الجيران حصه الله يذكرها بالخير وكل يوم يزيد حبي لها الى درجة الجنون وفي يوم من الايام صارحت امي وقلت لها تراني احب حصيصه بنت الجيران وابي اتزوجها قالت امي معصي توك عمرك 14 وتقول هالحتسي يالداشر انا ضاق صدري ورقيت في السطح وطبيت من فوق <000 متأثر بالافلام رقدوني في مستشفى الملك خالد اسبوعين وانتشر في حرمه والمجمعه اني منتحر عشان حصه وعاد استمرو الناس يسموني مجنون حصه على وزن مجنون ليلى ومجنون ليلى هذا كان يحب ليلى من قلب ويوم انها اعرست وخذت غيره مار ينقهر ويقصد فيها طول الليل وشاف زوجها الصبح ومسكه مع يده الشمال < 0000 الله من النصب وقال له هالابيات : بربك هل ضممت الفجر ليلى ....... وهل قبلت في الصبح شفاها وهل شممت عطر ليلى ........ وهل لحفتها يوم طاح غطاها عاد انا عقب ماكبرت وصرت رجال قالو اهلي لازم تروح تدرس الجامعه في الرياض وبعدها بكم سنه رجعت ومعي شهاده وحاولت اتزوجها بكل الطرق لكن اهلي عيو يقولون هالعائله فقيره وانحن تجار نسو اهلي يوم كنا سوا كلنا فقارى بس بيتنا جاه تثمين وتجرنا وهم لا مامر الخط على بيتهم ولا ثمنوه وبقو على حالهم ياجماعة الربع هي تزوجت وراحت الله يستر علينا وعليها بس اللقب لزق فيني لزقت جونسن.... ودنا نناقش مشكلت الزواج والشروط اللي مالأمها داعي وش الفرق تاخذ فقيره ولا تاجره ودي اسمع رايكم في الموضوع بعد ودي تعلموني كم متوسط مهر البنت وهل المهر حسب وزن البنت ولا وش القصه ناس يدفعون مهر 40 الف وناس خمسين الف وناس 60 الف وناس يتشرطون يبون سياره لاخوها المراهق وناس يبون بلاي ستيشن لاخوها البزر وناس يبون كيرم <000 فقارى وناس يبون ذهب لأمها وخواتها وناس يبون بيت لها لحالها ويبونك تطلع عن امك وتخليها لحالها وابوك ميت ولا تطلع وتخلي ابوك لحاله وامك ميته الزبده : شكلي ابهون منيب متزوج ابد واقول لكم الاسباب في الموضوع الجاي لأن الاسباب قويه وتتعارض مع موضوعنا هذا . اخوكم المحب مجنون حصه