المركاز

السلام عليكم هلا اخوي والله الان التوضيف صار اصعب من التخصص ولا اعتقد ان الشخص الذي لا يعلم او لم يحدد رغبه معينه او الذي اختار تخصص فوق قدراته او مستواه العلمي انه غير ملم بالوضع او كما قالت الاخت انه ينقصه الوعي لا ولكن الذي يحدده هو طموحه في الحصول على اعلى مستوى معيشي او للمفاخره بمنصبه وحب السيصره ودافع القوه عند سن المراهقه وهذا الذي يجب ان نحذر اخوننا او اولادنا منه ونوجههم التوجيه الصحيح ولا ننسى الستخاره في تلك الامور ومن ناحيتى انا اقول شف التخصص اللى فيه وظايف كثيره ودخله بس لا تقعد بعدين بشهاده اد الدنيا وبدون وضيفه

بسم الله الرحمن الرحيم اخي بديع الزمان موضوع شيق جدا وممتاز معليش انا بدلو بسطلي هنيا واقول رايي في الموضوع ولكن قبل اي شي ابي اقوله هو ارجو من الاخوه عند الكتابه ان يكونو صريحين في اجاباتهم ويقيسون الموضوع من شتى نواحيه واهم شي اهم شي ( لاحد يزعل من ردي ) لانه خاص فيني . بعدين عندي تسأل بسيط لجميع الاخوات اللى ردو على الموضوع ليش تم الرد مع ان الموضوع في حقيقته موجهه للشباب وقد يكون موجهه اكثر للشاب العازب هل هو بدافع ( الدفاع عن النفس ) لاني شفت بصراحه اكثر الردود هي من العنصر النسائي مع ان المثل يقول قالو للحرامي احلف ...... ( لاحد يزعل ) . ثانيا انا ارى ان اغلب البنات عندما يبدأو في الدخول ل معمعه النت وخفايه هي عن طريق الشات ماهو شرط انها تعرفت على واحد وعلى على عشره ولا ان كل البنات اللى دخلو على الشات صار لهم اصحاب او انهم سيأت الخلق او غيره لا لا لا لا ولكن مثل مافيه بنات سيئه الخلق او خلينا نسميها مبزوطه يعني تحب اللكاعه والهذره الزايده هناك شباب وهم كثر يحوسون في الشات عشان يتميلح للبنت وانه هو البطل الخارق ذو الكلام الرنان والكتابه السريعه اللي ماحد يسبقه فيها عشان يلفت نظر احد الفتيات ويقط كم كلمه معسوله لها في الشات وهو لاعن ام البرايفت يبيها ترد عليه يعني بالمختصر مثل مافيه بنات سيئات الخلق هناك شباب يتلف بلد بضواحيها يعني البنت اللى تقول انا واثقه من نفسي وانا متربيه زين ومن هالكلام الطيب نقولها ترى ابليس ما مات وتراه شاطر ( ماخذ الاول في الصياعه والتخريب ) وكثر الدق يفك اللحام . ولاحظو معي بعض المواضيع اللي تطرحها بعض الفتيات تلقاها اسخف من السخيفه ولكن شف الردود اللى تجيه ياشيخ عسى مايصير الموضوع مثبت من كثر الردود عليه ومن زينه وتشويقه ويمزع البطن من كثر الضحك ( لاحظو انا قلت بعض المواضيع ) كل هذا عشان ترد عليه بـ تسلم يالغالي , مشكور عزيزي , مانستغني عن مشاركتك للموضوع , انت راعي الاوله الخ ...... وبعدين يبدا جس النبظ عن طريق الرسايل الخاصه والمراسله على الايميل حتى لو ماترد يصير تقل بزر مدخله محل اللعاب ولا شريت له شي . الان نجي للكلام الجد وين هؤلاء الفتيات سواء الواثق من نفسه او السيئ من قول الله تعالى ( ولا تخضعن بالقول ) ـ ( وقرن في بيوتكن ولا تبرجن تبرج الجاهليه الاولى ) هل تعلمين اختى كيف هو الخضوع بالقول وما معنى قرن وصفه هذا التبرج ؟؟؟؟؟؟ لماذا نجد المنتديات النسائيه اغلبها خاويه على عروشها ليش اذا ماتعرفون الاجابه رحو لاحد هذه المنتديات تعرفون الا من رحم الله قرأت مره في استفتاء لمجله عربيه عن مضمون استخدام الفتاه الخليجيه للانتر نت تعرفون النسب كانت كم ؟؟ ( هذا طبعا مع تشخيص بعض البنات اللي مسويه روحها فاهمه وهي ماعندها ماعند جدتي ) 98% شات المنتديات وبرامج محادثه مسنجر_ ياهو_ MIRC _ بال توك 52% منتديات - مواقع ازياء وتجميل 12% بحوث علميه - تصفح اخبار 2% متاجره عن طريق النت <---- هذولا اللي اقصدهم مع الاستفتاء كان كيفيه المتاجره في النت فكان اغلب الاجوبه من الفتيات ( لا يوجد متاجره عن طريق النت ) ادري طولت عليكم وللاجابه على الاخ اقول ممكن اخذ فتاه تستخدم النت ولكن ان يكون هناك احد كان يراقبها مراقبه صارمه بكل ماتحمله الكلمه من معنى وان اعرف ماهو مضمون دخولها للنت قبل الاقدام على اي خطوه ( لاني داري ماراح اللقى وحده الان ماتعرف استخدام الكمبيوتر ) وفي الختام اقول الله يصلح شبابنا وبناتنا الى مافيه الخير والهدايه لهذه الامه

خطـيــر جدا جدا جدا .. ارجوا من الجميع عدم الدخول بلا استثناء !!! السلام عليكم احذروا من هذا الموقع. http : // www . kalemero . com احذروا من هذا الموقع http : // www . kalemero . com احذروا من هذا الموقع http : // www . kalemero . com الموقع لا يحتاج ان تفتح فيه اي ملف فهو يرسل رقم الايبي الخاص بك لصاحب الموقع و يصبح جهازك تحت رحمته حالما تدخله مباشرة ... احد الفايلات المرفقه يحتوي فايل تروجن متطور يقوم بعمل فورمات لجهازك لكنه يبقي ملف خامد في القرص الصلب حيث انه اذا اعدت انزال الويندوز بقى هذا الفايل خامد حتى يوقظة هو او يضبط ساعة الايقاض ليدمر جهازك. باختصار هو موقع تجسسي مدمر في الدرجة الاولى فاحذرة و احذر الجميع منه. ملاحظة: لا يمكن للانتي فايروس او اي برنامج حماية من التي يستخدمها الاكثرية من كشف هذا الموقع و ما يحويه لانه يستعمل كودات مختلفة تخدع الكاشف و توهمه انه موقع عادي. طبعاً انا حطيت مسافات في الموقع عشان محد يدخله بالغلط

هلا كتكوت شف وانا اخييك يقولون اهل مكه ادرى با شعابها طيب انت ياخي الله لا يهينك اقرب لوحه لحرمه الشماليه او حرمه القديمه مرها وشف وش مكتوب انا مثل ماتعرف بعيد عنها وانت الله لايهينك يمديك تروح مشي تشوف اللوحه خل نشوف البلديه وشوم حاطين مع انهم ماعندهم سالفه بس عل وعسى ازين من نقعد تقل درس لغه عربيه ترا دخت امس جالس ادورها في كتاب اطلس حق الفارسي ومن زين الحظ طلعت الكلمه مهيب واضحه زايدين عليها الحبر الله يقمحهم تحياتي

معليش اخوي كتكوت اعتقد انك فهمتني خطأ الامر ليس انها تجي معك ولا متجي المعروف ان التاء المربوطه هي حرف مستقل من احرف الهجاء في اللغة العربية وكذلك الهاء اما بالنسبه ل لفظ الجلاله الله ( وهو ليس بمحل مثال هنا ) انه اسم ومن قواعد اللغه العربيه ان الاسماء لاتغير سواء اتت في وسط الكلام او نهايته عندك مثلا اسم نوره هل تستطيع ان تقول ذهبت نورة الى السوق ( ياحب الحريم للسوقه ) اذا قتلها اذن لماذا نمسيها نوره لماذا لا نقول ان اسمها نورت اللي هي في منظور قاعدتك نورة على حسب موقعها في الجملة وتكون الجمله ذهبت نورت الى السوق أو ذهبت نورة الى السوق وبعدين تعال انا بعطيك مثال ثاني انت لمحت له بصوره غير مباشره اقرا معي 1_الله جل جلاله وقدرته 2_ جلالة الملك خالد ( ترى مافيها سياسه لا تبذونا ) السؤال هل كلمة جلاله في الاولى هي نفسها الثانيه_ في النطق والمعنى _ اذا جاوبت على سؤالى راح تعرف الاجابه عن سؤالي في اسم المنتدى ** مع انه شكلنا بنقلبها قواعد *** ( مهب عاقل سيباويه ) تحياتي

لا اله الا الله انا لله وان اليه راجعون الله يغفر لها ويرحمها ويحللها انشاء الله وجميع موتى المسلمين اللهم هون علينا مصيبتنا

قال تعالى (.............................. وما عند الله باق ) اكملي الايه تعرفي الجواب ثم ان الله ذكر في كتابه العزيز اشكال هؤلاء ووصفهم انهم في قلوبهم مرض ************************************************************** همين ثمين وش مزعلتس مدام فيه ناس عقولهم الله بالخير ورا ماينقص عليهم وخلى العالم تسترزق على قولت المصاريه ( مال ^ مدري منهم^ على الهبل ) بس اذا بغيتي تقرين المثل اكربي حنتسك واحتسي مصري عشان يطلع المثل صح تحياتي

هذا ماقصدته يامشرفنا العزيز ان اسم المنتدي الان مكتوب حرمة وليس حرمه وهذا هو الاسم المفروض ان يكتب حرمه تحياتي

بالخير ياجماعه وش لونكم اقول انا مبطي عن حرمه من زمان لي يمكن اكثر من 4 سنين ماجيتها والله توي ادري ان فيه موقع لها والله شي طيب جدا جدا مع العلم اني كنت ناوي اسوي موقع لها بس الحقيقه مافكرت اني اخليه كا منتدى لا مجرد تعريف بديرتي ونرجع للموضوع حقنا هنا الحين يوم اني قريت عنوان الموضوع ومير ارفع راسي لاسم المنتدى وشدني حاجه صراحه قعدت افكر فيها اللين افتحت الصفحه على الموضوع ويوم قريت كلام الاخ بدوي دريت ان مابالسطح احد ولكن معليش ياجماعه اني عندي تعليق بسيط جدا مادري صح ولا خطأ انتم شفتو اسم المنتدي مكتوب منتدى حرمة اتوقع ان أسمه حرمه بالهاء المربوطه وليس بالتاء المربوطه صح ولا لا ياجماعه لاحد يزعل ترا قلت لكم من زمان ماجيت ولا شفت لوحه لها واذا بغيتو تتأكدون اقروو معي بالفصحى يعني لاتبلعون الحروف مثل الامريكان منتدى حرمه العريقة منتدي حرمة العريقة هاه أياهم صح تحياتي