فتاة سوق السبت

انا لله وان اليه راجعون اللهم اغفر له وارحمه واسكنه فسيح جناتك وصبر اهله وذويه اللهم امين

انا لله وان اليه لراجعون اللهم اغفر لها وارحمهاا واسكنها فسيح جناتك والهم ذويها واولادها الصبر والسلون فعلا امراءه عظيمه عانت الكثير مع مرضها باذن الله برحمته ربها في جنات الخلد اختكم فتاة سوق السبت

هلا وغلا بملح منتدى حرمه كله الله يسلمك والله من ذوقك الراقي ياسلهومه ايه اما عن المراجيح فهي تراها موب من بدى السوق وهي فيه يمكن هذالها يجي خمس الى اربع سنوات موجوده وهي طبعا ليست تبعه بس تنبيه جيد المره الجايه بذكرهن <<<<<<<< ماتت ضحك على بعج يسلمووووووووووووووووو يالمثبته على التثبيته والحلو مااجا الا منك اتمنى بقيه الاعضاء يشاركونا في هذا الموضوع ويكون جايزن لهم تحياتي

<<<< اذا سقت سياره جيت وعلمتكم اللي بعدي متى سويت العشى لهلك؟

مااااااااااااعليك زود اخوي السعودي واحنا سعداء اكثر بنضمامك لنا ودائما باذن الله سوف تبقى حرمه ديره الوفاء والشموخ والعز مدى الحياه تحياتي

فكاركم رووووعه انا بضيف بعد طرقه لتقديم العصير حلوه مره جيب كاسات العصير كبيره اللي ام عصا <<< ماعندي وقت واذا كنتي مقدمه عصير مانقوو حطي ملعقة ايسكرم مانقو وفانيلايا او فانليا بروحه ونفسه لو حطيتي فروله وخليه فوق العصير صح هي بتنخلط بس طعمه روووووعه وقدمي معه ملاعق وشفطات تحياتي لكم

انا من النوع الاول واحيانا يمتلي الدولاب واصير النوع الثاني بس تراني ماخليها افضيها وارجع للنوع الاول <<<<<<<< يووه تحياتي الصعيداء

ياسعودي ياعقال الراس ياماخذ عقلي والاحساس هلا1111 وغلا1111111 السعودي منور منتديات حرمه ننتظر اسهاماااتك في المنتدى تحياتي فتاة سوق السبت

المسلهمه دااااائما مبدعه الله يوفقك ياااااااااااااااااارب تحياتي

الله وعاااااااااا عظامه وانحن زرط والله صادزه مسلهمه حانطه ابعلم يور سستر لانها اربع وعشرين ساعه فري فيها تقل محلوف عليها تحياتي سماء

<<<<<<<< هذي دجاجه هههههههههههههههههههههههههههههههههه شكرا مستر كول اما نصااايح استتتتتتتتتتتتتتتتتتتتتر تحياتي فتوته السوقو السبتوو

هلا11 هلا11 هلا11 هلا11 هلا11 هلا11 هلا11 هلا11 هلا11 هلا11 بالغــــــــــــــاليـــــاااات الحــــــــــرمـــــاويــــــاااات وش اخباركن وش علومكن عساكن طويبات ترى امي تسلم على امهاتكم وتنشد عنهن وحدتن وحده المهم موضوعي المره هاذي خاص في سوق المراءه العصريه الحرماويه وهو ســـــــوق السبت بحرمه ماذا تعرفين عنه ؟؟ طبعا الكل يعرف ان مدينه حرمه (شماليه ) تشتهر وتتميز عن باقي مدن منطقه سدير بحدث معروف يتكرر كل اسبوع في يوم السبت وهو طبعا سوق السبت اذن تعالوا معي لتمرون على عشر محطات قصدي وقفات مع هذا الصرح العظيم <<<< والله انجاز ياله طلعت ها الحتسوه ********** اولا : تعريفه هو عباره عن براحه او ارض فضاء ترابيه تجتمع فيها سيارات البضائع التي يتم عرضها في سوق السبت ويجتمع فيه حريم ورجال ومبزره حرمه كل عصريه من يوم السبت ********** ثانيا : مسمياته البعض وغاليا يسمونه بسوق السبت وبعضهم يطلقه عليه (البسطه ) وسبب التسميه يرجع الا انه بعض الحريم يبسطن فيه على الارض بضايعهن وشغيلاتهن0 او لانه غير ثابت يعني اصحاب المحلات يبسطون في وقت ويوم محدد وبعدين يشيلون بضاعتهم ومنهم من يطلق عليه ايضا بمسمى (السيارات ) وهو غالبا يطلق الاطفال الصغار (مبزره حرمه ) لانه عباره عن سيارات تحمل البضائع من مقراتها الرئيسيه وتعرض في هذا سوق قصدي البراحه. ********** ثالثا : موقعه موقعه سهل جدا وهو امام ومقابل مباشره لمستوصف حرمه الصحي وتقريبا هو يعتبر قريب من مدخل حرمه الرئيسي ********** رابعا :بضائعه اما انواع البضايع الي تعرض فيه فهي اما الحلويات والشكولاطات والفشافيش والبطاطس بانواعه والملابس النسائيه والرجاليه والا طفال ايضا يبيعون فيه الاكسسوارت بانواعه اللي يرتهش واللي مايرتهش والبوكل وشرايط المدرسه والابات والشباصات (اهم شي عند بنيات حرمه ) وغير الحب والفصفص والفستق والمكسرات ايضا لاننسى اهم شي عند الحريم المواعين ومواد التنظيف واهم شي فيه وهو الخضار والفواكه وبالاخص الجرجير والكراث (مايشترى الامن سوق السبت عشان يتقهون عليه طازج الحريم ) بس اتوقع في الشهور المقبله ان محل الخضره بيخرب سوقه بعد فتح محل الخضار في الشارع الرئيسي اللي فيه ثلاث مدري اربع مطبات ( قاهرني منول ولامطبه فيه يوم نفصوا حطوا ثلاث ) ********** خامسا : الاسعار اما عن اسعار البضايع فهي غير مرتفه وتقربا هي نفسها اللي في سوق المجمعه والرياض الا احيانا ادون منهم وهي مناااسبه جدا جدا وخاصه بعد بدايه الاجازه الصيفيه واقامه مهرجان حرمه تحت شعار ¨°o.O (وفــر مع ســـوق الســبت) O.o°" ********** سادسا :مواعيد فتحه وتسكيرته اما عن مواعيد ووقت فتح السوق فهو يبداء غالبا من بعد صلاه العصر مباشرة ويكون اصحاب البضائع قد جو من الصبح بسيارتهم عشان يحجزون مكان الى تقريبا اذن المغرب ********** سابعا : الهيئه والامن والحمايه ايضا لاننسى ان سوق حرمه ( سوق السبت ) امن ولافيه خوف ويقدر الاب او الابو <<< بالله وش الفرق يامن على بناته وحريمته اذا راحوا لحالهم خاصه ان هناك تتواجد دائما هيئه الامر بالمعروف والنهي عن المنكر في حرمه طوال فتره التسوق وهذا ماجاء الا ردعا لشباب الطائش اللي يجون من الدير اللي حولنا يعاكسون ويتهيبلون ويستخفون دمهم. فجــــزى الله هيـــــــئه حــــرمه كــــــل الخـــــــير. ********** ثامنا : متنفس حريم حرمه ايضا لايمكن ان نغفل جانب الترويح والتنفيس الذي يحققه سوق السبت بحرمه لحريم حرمه ومجاورها فهن ياتين لسوق السبت ليس لغرض الشراء فقط بل ايضاا لتوسيع الصدر والفله مع الحريم الباسطات والسويلفات معهن واخذ اخر الاخبار فضلا عن التسوق لاغراض البيت والحاجات الماسه اذا عيا ابو العيال يوديهم للمجمعه فتحصل غرضها منه. ********* تاسعا : سوق السبت ورمضان شهر الخير والبركه من أجمـــل ايام سوق السبت والتي تشعرنا دائما بطعم ايام منول اذا كان في رمضان وااااااااااااااي واااااااااااااااي ياهووووووووه له طابع خاص فريد جديد مميز تحــــــس فيه بشي ثااااااني ياخذك لابعد مكان وتحس انك في عالم دزني لاند <<< وش دخله ذي عرض الاناره رمانسيه لابعد الحدود وهي اما ان تكون فوانيس (سراج وهي مفرد سرج ) او التريك او عقود الانوار اللي مشبوكه على المواطير ياي تخيلو المنظر معي اناره خافته صفراء وصوت الموطاير تغرد في اذنك اها يذكرني بالثمامه ومخيماته اه اه اه اه اه مهب ناقصنا في سوق السبت الا دبابات وخيام وتكمل هههههههه . طبعا تختلف مواعيد سوق السبت في رمضان عن الايام العاديه فهو يبداء من بعد صلاة المغرب وحتى منتصف الليل تقريبا وبعض المحلات تروح مبتسره كلن على راحته وعلى مهله ( يالحبي لهم سميحين ) والبضايع ايضا فيه تختلف شي وخاصه محلات الحلويات يبدائون من اول ايام سوق السبت في رمضان بعرض حلويات العيد الملبس واللي مغلف والملون واللي يلصف واللي يبرق كنوع من الاغراء للمبزره والحريم يشيوقهم ويشرونه خاصه مع الاناره يطلع حاجه ثانيه لو ماتشتهي شريته. ولاننسى ملابس العيد من تنانير وبلايز اشكال والوان طبي وتخيري خخخخخخخخخ غير عاد اهم شي في العيد وهو الشروخه والصواريخ والالعاب الناريه يبيعونها بالخفيه واذا تبونها دوروها مع المبزره الصغار اذا سالته فيه يقوم يطلعلك من تحت من الكراتين عشان مايكشفونه هههههههههههههههههههااي وااااااااااااااااااااه واااااااااااااااااااااه اذا وافق العيد الفطر يوم الاحد يطلع ليوم السبت جو ثاننننني خاصه ان سوق السبت يكون في ليله العيد اهم ليله عند الكل وتخيلوا عاد ليله العيد في سوق السبت اقسم بالله تجنن وروعه خاصه ان الناس يتباركون ويتعايدون وهم متاقابلين في السوق وهذا يجعل ليله العيد لها طعم فريد ورائع واسئلوا مجربه. ********* عاشرا : سوق السبت والسيول والامطار الشتويه من احزن الايام اللي تمر علينا مع ان فيها فرحه بالامطار اذا جت امطار قويه ليله السبت او يوم السبت الصبح مما يودي الى ظهور بحيره مياه ومستنقعات كبيره في مكان سوق السبت ممايظطر اصحاب البضائع الى عدم الحضور وتاجيل سوق السبت وهذا لايتكرر دائما تقريبا مره كل عشر مطرات قويه. الله يرزقنا ويغيثنا بالمطار الغزيره اللي تخلي الارض خضراء وربيع ويطلع القرقاص والبسباس والبقره << هي اسمها كذا امين يارب العالمين ********* طبعا هذا ملخص بسيط لسوق السبت بحرمه اتمنى اكون عطيت فكره واضحه عنه للي يجهله وبصراحه ودي من خلال هذاالموضوع هو اننا نناشد البلديه بوضع مكان مخصص ومغلق لسوق السبت ومايكون تراب وغبره لانه معلم مميز من معالم مدينتنا الغاليه حرمه ولازم نطوره ونحافظ عليه ولا وش رايكم. تقبلوا خالص امنياتي وتحياتي محدثتكم فتاة سوق السبت

فكرتن جهنميه الساعه الحين 12 ونصف في الليل من يوم السبت وه اليوم ضيقه خلق وملل وطفش اتذكر الاسبوع الجاي ها الحزه اكون في فراشي ولا قاعده اجلد كتب اخواني وابشركم اليوم جاني مر في تسبدي مدري وش انا ماكله شكله حمص منتهي وجاي على بالي اروح للسوق ابي لي خلاقين للكليه الله يعينا ويسهل علينا الا على فكره مسلهمهورا ماتمريني نروح سوى ولا عندس شغل ردي علي هماه بايو

مشكور اخوي ابو محمد الله يجزاك الف خير

الله يجزاك خير اختي ربوه تحياتي

اخوي amah انا نزلت برنامج من موقع للكتابه ثلاثيه الابعاد بس مو عربي X3D تقريبا هو نفس التصميم اللي حاطه انته في الصوره الرمزيه اللي كاتب فيه ابو محمد ومتحركه بالابعاد ياليت اذا ماعليك كلافه تحط لي الموقع الووصله التحميل وشاكره لك

هلا11111111111 وغلا1111111111111 نـــــــــــــــــــــــــــوره منوره منتديات حرمه اتمنى تعجبك وتتحفينا باابداعتك تحياتي فتاة سوق السبت

الهلال 1/ صفر وبيجيب الهدف والله عاد هذا تخمينه صعب تحياتي فتاة سوق السبت

<<<<<<<<< جدتها مصريه ههههههههههههههههههههههههههههههه سلهومه الدبيه<<<< خربتهاااا ـــــــــــــــــــــــــــــــــ مشكوره سماء من ذوقك يالغاليه ــــــــــــــــــــــــــــــــــــ تحياتي فتاة سوق السبت

ياناسينا ياناسينا وش اللي ذكرك فينا ترانا ماتوقعنا بعد ها الغيبه تجينا الالف تحياتي فتاة سوق السبت

ههههههههههههههههههههههههههه ذكرتيني بالمدرسه وععععععععععععععععععععععاا ياحبيلتس تكفين ايه النسيم هههههههههههههههااي تحياتي فتاة سوق السبت

والله احراج بس فكرتن زينه مرتاح بصراحه سبب اختياري للاسم اصلا ماكان في بالي اسم معين وكنت داخله اتفرج بس يوم انه جاز لي قلت بس لازم اسجل وافتح صفحه التسيجل سجلت كل البانات الا السم واقعد افكر افكر وش احط وقلت بس فتاة سوق السبت لاني منول يومن صغونه مفتونه بشي اسمه سوق السبت اذا جينا لحرمه في عطلة الربيع لازم فرض زي فرض الصلاه نروح له من يذن العصر وانحن صجه لين نروح له واذا كنا جايين خميس وجمعه صياح ونياح عشان الدراسه ودنا نغاب عشان نروح لسوق السبت وبكذا حبيت اكون في المنتدى بفتاة سوق السبت نظرا لحبي الشديد له وخاصه سيارات الحلويات والعسكريم تحياتي فتاة سوق السبت

القروي وين الغيباااااااااااااااااااااات محلك بيروح الاخوان اللي هنا سديراويه مالك مفر بعدين انكس مرتن اخرى ولاتعطينا ركب مثل موضوعي اللي قبل همااااااااااااااااه تحياتي تاة سوق السبت

القروي وين الغيباااااااااااااااااااااات محلك بيروح الاخوان اللي هنا سديراويه مالك مفر بعدين انكس مرتن اخرى ولاتعطينا ركب مثل موضوعي اللي قبل همااااااااااااااااه تحياتي تاة سوق السبت

صدى الله من زين السؤال ؟ ماعليه بجاوب <<< غبيه ولا اقولك اذا سمعتها جيت وعلمتك وش رايك سوعالي للي بعدي المهم سؤال للبنات والاولاد اذا كنت/ او كنتي تمشين بساحه المدرسه وجتك ولاجاك واحد من الملقف/ ولاالاملقوفات وعلى بالهم بيسوون حركه خفت دم وضحكت من ورى في انذنك بقووه هههههههههههههههااي وطحلتك ولاطحلك مع كتفك بقوه هلا فلان/ فلانه وش اخبارك ؟؟؟ <<<< ااااااااااااااااااااها وش بتسوين ولا وش بستيوي عموما ترى هذا الموقف تكون فيه او تكونين فيه انتي مقفله معك وطفشانه والحصه السابعه ياله اللي بعدي جاوب <<<< ياطول هذرس اللي يعظم اجر لسانس تحياتي فتاة سوق السبت