فتاة سوق السبت

وش جاكم .. على صور الحريم شكرا اخي ققح اون لاين.. وشكلنا بنضف الموضوع لبوابه الصور .. مال الرياضيه نصيب فيها تحياااتي

حـــــــــــــيا الله الجــــــــــــارح... اسعداء انضمامك الى صرح منتديات مدينه حرمه اتمنى ان تستمر في تواجدك وعطائك.. وتسعد بأنضمامك الينا تحياتي وجميع اعضاء منتدى حرمه اختكم فتاة سوق السبت

كلامــــــــــــــــك ... وسطورك حكـــــــــم يادلوعتنا الله يجزاك الف الف خير.. اخيتك : فتاة سوق السبت

اللله يستر علينا ... حسبي الله ونعم الوكيل عليهم .. الله يجـــــــزاك الف خير دلوعـــــــــه ... على النصيحه والله يحفظ ابناء المسلمين

هلا11111 بـــــــــــــك ياسبيــــعي.. نورت منتديات وبوابات حرمه... اتمنى ان يحوز على اعجابك وتكون عضو فعال ومعانا على طول.. اختكم فتاة سوق السبت

ياخزياااه ياخزياااه .. افا ياذا العلم يالقروي والله صرتا مثل هالفضائيات مايصورون الا الحريم في المدرجات ولا يسوون لقاءات الا معهن وهنا الحمد الله ... تقل من خبر .. مايعرفن الفاول من ضربه تماس ههههههههههههههههههههههههههههههههه اشوى انك ماصورتني <<< بتعلم تراني رايحه للكويت احضر للمنتخب ^ ^ ^ والله محدن بازع غيـــــــرك .. الف الف شكر لردك وهذه الصور اللي وش زيناه ... ابد القروي كما عهدناه تحياتي

حب خشوم = يـــاتسبدي تسبداااااه اشين حركه لتسليم الرجال ويقلون رزه امحـق

مـــراســـم الفرح ... من أرض الكويت الف الف الف مبروك لابطال الاخضر تحيــــــــــاتي ((فتاة سوق السبت))

كلن على همه سرى = جاكم الاعصار ماشين يعيقه منتخبنا اليوم وخر عن طريقه

دلوعه وجعه من وين طلعتـــــــــي من تحت الانقـــــــــــــاض <<< حشى محنب في ديرتنا في ايران ههههههههه منورررررررره الموضوع يابعدهم... يااعز صديزاتــــي ... من يوم ولادتي الى يوم ما ماتي << بعد عمرن طويل سلمت يمينك واصابيعتس اللي خطت هالحتسيوات .. ياجعلي ماذوق يومتس وتشكرين لى تفاعلك اخيتك وصديزتس فتاة

^ ^ ^ ماجـــــــــــــازلي الا نعال اللي جالس على اليسار ههههههههههههه راحن فيها نعاله ( كني احسهن (نعاله ) يقولن لشماغه تبـــــــــادل ) ^ ^ ^ مدري ليه يوم شفت هالكاركاتير تذكرت وفاء بكر يونس هههههههههههههههههههههههههههههههه الف شكر دعبوس والله الكاركاتيرات كل واحد ازين من الثاني الف شكر ودمتم سالمين

مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. ............................... عملت بامية وامري لله ^ ^ ^ والله الظفــــــــــره ههههههههههههه الف الف شكر مشرفنا حميان

الكاتب الساخر المنقهــــــــر اما العبريــــــــــه << مدري ليه لاذكرتها ضحكت ههههههههههههههههه اثره موب انا لحالي خ خ خ خ الله يسلمك الدخن ذى انا مادري وشو بالضبط بس اللي اعرفه انه ينوكل مع التمر ولونه زي الطحينه او اغمق<<< الله من زين الوصف تشكر على ردك واطراءك .. وتشريف للموضوع

المشرف حميان بيتش الله مير يسلمك ... وتسنك داري عن سواليف الضحى شكلك يومك صغير تسعسع مع امك ابشر والامتحانات راح الكثير لم يبقى الا القليلاتوااا الله يسهل شكرا على اطراءك وهذا بعض مما عندكم

مشرف الرياضيه مرتاح خالتوا فتو <<< طموحي اكون جــده <<< هذي خشتك مع الشد العضلي .. ينصح باستخدام الفقس والكريمزان الف شكر على ردك ..

قلب نجد الله يسلمتس ... الرائع ردك..والزبـــــــــــده عاد انتس انتي الاروع <<< زبده ولا لبـــات الف شكر

المشرف القروي ايييه والله حسبي الله على هالاختبارات ... ازمه ولا أزمـــه الكويت مااقول الا يالله تحررنــــــــــا سوزي .. وش سوت في بنده سوت هوايل .. ابد كنك حاطن (فار) مع خيش رز .. انواع الفساد. الف شكر على اطراءك يابيه الساخر

لأجــــــــــــل .. بلادي .... بروحــــــــــي ... افدي وهي تاج الاوطــــــــــــان ياتــــــــــــــــاج الاوطـــــــــــــان الف الف الف مبروك لابطال المنتخب السعودي والسعوديه كلها ومن بطوله لبطوله يارب

أســــــــــــــــفرت وامـــــــــــــطرت واسفهــــــــــــلت وردحــــــــــــــت منوره منتديات حرمتنا الغاليه اختنا محيوووووووووسه المرجوجه (( ماشاء الله علينا يابنات المنتدى ياحبنا للاسامي الطوال هههههههه نفس التفكير خخخ هماه يامحيوسه الله الله سيري علينا في الساخر لاوصيس هماه ونتشرف بتواجدك بينانا اختم فتاة سوق السبت

مبرووووووووووووووووووك روضه مبروك سفقه ياله كان من سؤ حظي اني ماتنافست معاكم لى صور الاخيره لاني كنت لاهيه في اختبارتي بس مهب شينه خذنا المركز الثالث والاخير ههههههههههه الف شكر لمشرف الرياضيه على تميزه وابداعه اختكم فتاة

شيحان

المنقهــــــــــر ابداع ينطح ابداع زادنك حاطن اسمك المنقهر وانا اقول ودي اعرف شلوه هالاسم اثرك ياويلاه من يوم جا اخوك اللي ادون منك وانت من انقهار في انقهااااار ماقول الا الله يعظم اجر اميمتك عليك ... موضوع يستاهل التثبيت اختكم فتاة سوق السبت

يــــــــــادي النور يادي الهنــــــــــا القروي عندنـــــــــــــــا الحمد لله على سلااااااااااااااااااااااامه يالبيه الكبير القروي ولعت تريكااااااااااات بوابه الساخر برجعتك لا ورجعه قويه بموضوع اقوى انا اشهد ان في راسك فتوق مهيب فتق واحد الحين ماتدل مواقف المملكه اجل وش تدل في الرياض اللي يفشلك بس فشلتنا عند المدام ياخزيااه ياخزياه هههههههههههههههههه معليش ردي متاخر شوي بس بسب ظروفن قاهره عن الارداه الحمد لله على سلامتك مره ثانيه .. ونتمنى تواصلك دون انقطاع يابرفسور الساخر السكرتيره فتاة سوق السبت <<< طموحها من يوم انها صغيره تصير سكرتيره بس هقوتي قهوجيه ويخب

.....جهيـــر ام برقع مشقوق والرز ابو هديه ..... احبائي اعضاء وزوار بوابه الساخر.. سوف اسدح بين ايديكم قصيصه وليست قصه عن صديقتي وغاليتي وشقيقتي في سوق السبت (جهير ام برقع مشقوق ) طبعا القصه مفروض تعرض في رمضان .. فنظرا لخراب جهازي وكانت هي مكتوبه عليها فما قدرت انزلها .. يوم عاد زان <<< قصه الحياه قلت خلنا نزلها معن هالحزه امتحانات بس ياله اعذرونــــــــا ... طبعا هذه الفتاه ليست بغريبه عليكم فلقد سبق ان عرفت بها في موضوعين سابقين ايام الشباب وايام الطفوله (رحلتي الى الخنافريه _ وطفولتي وعشقي لحضورالعروس) والان اترككم تسبحون مع دعاسيق القصيصه ( رجاء اللي مامعه لاستك لا يقرى اخاف يغرق ونبحل به لان هنا مافيه خفر سواحل اسفه قصدي سيــــول ) كاعادتها جهير المطفوقه تقهوى الضحيوه وتقدع من هالتميرات ومعه سحله دخن ماتاكل التمر الابدخن تقول اطعم... وطبعا بجانبها بنتها اللي اظاهر مهيب عاقله ابد حتى لو كبرت(شكل امها وهي حامل فيها شايفتني وتوحمت فيني ) طالعه علي واسمها (سوزي ) <<< مدري وشلون سموها ماعلينا .. واثناء ماهي تتقوى وبنتها تحوق القهوه معها .. ترن ترن ترن ترن <<< هذا صوت التلفون ترد سوزي <<< الله يعين اللي ترد عليه قسمن بالله ان يطلع في راسه عبــــــــريه ماعطتها علم صاحي.. وتقعد سنه وتحتسي حتسي مهوب لم سنع واشوى ان جهير جنبها وتقوم وتاخذ السماعه منها وترد.... ولاها اخت جهير ... نوير : الو وجعه تمصع سووزي ياختي بنـتس ذي لاعاد تقضب السماعه وه منها. جهير : امم امم (تاكل تمر ) ياختي بزر وانتي بسم الله علي سلمي قبل مهب مطلعتن بلاعيمتس علي .. وجعه توجع جدي ديفيــد. نوير : اقول بس اسمعي ترى اليوم جايتني دعايه بنده يقولون عندهم تخفيضات تهول وتفتسر بمناسبه حلول رمضان.. جهير : صدز ياحليلهم .. اجل خلينا نروح اليوم لا ياقضي عنا الزين.. نوير : اجل انا وشوله محاتسيتس يالخبله الا ابي امرتس عقب المغرب تزهبي وهماه بنت سوزي لاتروح خابرتها بثره وكلشن تحوقه وتفسده. جهير :ياوياتس من حسيبتس في بنتي والله ان كل الملح والقبله فيها ( اكيد هماه طالعتن علي ) خلاص .. بعد المغرب بعد المغرب. نوير : ياله نشوفتس على خااار جهير : مع السلامه نوير : طلرااااااخ <<< صكت السماعه جهير : طراخ طراخ طراخ طراخ <<< تبي تصك السماعه وسوزي بنت تبي تكلم وطلعت هوشه وصار فيها معط شوش بس الاصابات بسيطه 150 شعره من جهير سقطت اما سوزي يقولون ماطاح الا شعره وحده منها طبعا الابقى للاقوى. بعد المغـــــرب .......... الساعه 7 مســــــــــــــــاء تقريبا قبل التراويح... بيـــــــــب بيـــــــــــب بيب بيب ططاط طططططططاط طططططططططططططططططططاط <<< معصب ولد اختها نوير وتطلع جهير وهي موزيه بنتها سوزي في عباتها.... ويوم ركبت السياره وتطلع سوزي من تحت عباه امها ... وهي فاقه الخشــــــــــه. نوير: ياجعل هالخشه تنصك ولاعاد تفتح ... الحين ذي وش مركبها ووجع جهير : وش اسوي نشبت فيني .. ورحمتها .. تبيني اخليها لحالها ياويلاه . نوير : شوفي اجل حطي يد بنتتس في يديتس ترى ماعلي منها وان خربت ولافسدت انتي المسؤوله. جهير : طيب ولايهمتس اصلا هي عاقله ومؤدبه وشاطره بنيتي ماتخرب صح سوزي سوزي : لايكثر يا دهــــــيــر (جهير ) يقولون ابو طبيع مايغير طبــــــعه <<< والله الملسونه خخخخخ لبقوا عند بنده ودحــــــدروا .. طبعا بنــــــده ملياااااااااانه عالم اكيد .. تخفيضات واعلانات.. طبعا كل وحده في جهه تعبي القش اللي تبيه...واثناء ماجهير تدور وتلقى خيش رز وحاطين اعلان فوقها ... ))))))انه في الكيس دراهم تصل الى 500 ريال في الكيس الواحد(((((( وهي اللي تطير عيونها ... وتشر لاختها نوير نوير نوير (تشر بصبعها على الرز ) فيذااا دراهم وتلمس جهير الخيشه من فوق ولا فيها شين يخررررررررررررررررررفش قالت بس هذي الفلوس وتقوم نوير وتقولها اقول امعطي لنا خيشتين بسرررررررررعه. ويوم جت تاخذ جهير الخيش ....... وتجي جنبها حرمه تناظر الرز.. يقالك عاد جهير من زود الذهانه ماتبي تفشل روحها عند الحرمه انهم شارين الرز عشان الفلوس وهي اللي تقوم انتي ياجهير وتلتفت على اختها نوير وتقول: اخــــــتي .اخـــــــتي. مايصلحن ذولا فطـــــــــــــر .. الا بلى هقوتي يصلحن ( ياشين التصريف ) وتحط جهير الخيشه اللي فيها شين يخرفش في سلتها وتعطي اختها الخيشه الثانيه وتفحط بسلتهااااااااا للكاشير واختها وراها .... وتحاااشب بسرعه وتـلقط خيشه الرز وتخلي باقي الاغراض يجيبهن ولد اختهااااااااااااا... مستعجله تبي تفتح الخيشه كود يصير فيها فلوس ترجع لبنده وتشتري زود اغراض <<< حريم اهب عليهن وتركب السيااااااااره وتحاول تفتح في الخيشه مافيه فايده... وتقوم وتقرض الخيط بسنونه وتفتح وتمعط بها الضروس عجزت وتاخذ المفتاح حق السياره وتحااااااول قال ولد اختها : اقول لاينكسر بس المفتاح خليها اذا رحتي للبيت افتقيهاااا واذا طلع فلوس رجعناك تشترين .. وهي اللي ترجهن ... ويروحن للبيت ومن يوم مادخلت مع الباب وهي اللي تصوت للشغاله بسرررررررررعه جيبي قدر كبير وسكين بسرررررررررعه وتجي الضعيفه ماااااااااااااغطه من المطبخ وتعطي جهير القدر والسكين ( من الطفاقه حتى العباه مافصخت ) وتمعط الخيشه وتفتقها وتكب الرز كله في القدر وتحوق تدور اللي يخرفش على اساس انه فلوس وتدور وتدور وهاليدين مدخله في القدر وتدوووووووور واخرتها وش طلع اللي يخرفـــــــــــــــــــــش...؟؟ طلـــــــــــع كتاب وصفات (طبخ ) جاي مع الرز هههههههههههههههههههههههههههههههههههههههههههههههههههههههههههههههههههههههههههههههههههههههه وهي اللي تتحطم ... وتطير كل افكاره اللي مخططها لها اذا طلعت الفلوس .. وتحسفت على ضروسه اللي تخلخلن من مكانهن بسسب الخيشه وتقريمها لسلوتسها بضروسها.. طبعا هذا دوى اللي يتابع الدعايات والله ان ماورهم الا الخنبــــــــــــــــــــقه .....القصه من الواقع وترها مسحبوه من مجالس الحريم وسواليفهم بس طبعا السناريو والحوار : فتاة سوق السبت تحياتي لكم اختكم فتاة سوق السبت

متى حفل اعتزال يوسف الثنيان = حالفن مايحط الحفل الا لين اقضي انا ومسلهمه امتحانات