القروي

حسبي الله عليك .. ياااخي ريح عيوننا وحط فواصل ونقط ومسافة بين سطر وسطر ... ياااخي أحولت عيوني هههههههههههههه رهيييب والله السرد بس سو زي ماقلت لك أعلاه .. وصفك للمسجون والناس تصدق عليه رهييييييييييييب ... مشكووووور لموضوعك

ذكريــات العيــد .. في حــرمة أكتب لكم ... من ذكرياتي المكتوبة في دفتري حق التعبير الموجود معي في غرفتي حالياً التاريخ : 29 رمضان عام 1393 هـ الساعة : ثمان ونص .. مساءاً ... نقل مباشر لمشاهداتي في هذه الساعة وما تبعها من أحداث متعاقبة ... الله وأكبر سمع الله لمن حمده ^ ^ ^ ^ هذا الإمام جالس يصلي التراويح في سطح المسجد في البراد .. وبعض البزارين والجذاععين ( الجذاعين بزران توهم بالغين وخاط شنبهم ) في الديرة يحترون أعلان العيد بكرة والا لا .. في الرادو أو التلفزيون ( التلفزيون عند بعض البيوت بس ) يحترون يطلع لهم المذيع حسن نجار !!! وحيث كنا مبزرة ونلعب ونلهو في سكك حرمة بالطرطعان ( الطرطعان عبارة عن شريط أحمر ملفوف فيه نقط بنية إذا طقيناها طلع صوت .. طااااع .. واذا حكيناها بالأصبع طلع شرارة .. ومع كثر الاستخدام يطلع طرف الاظفر أسود ) ..... والبنات كالعادة يلعبن الكيرم والا دبق والا زواوير بيناتهن .. والا ينشدن أناشيد منول ( ربنا واحد .. ودربنا واحد .. كلنا فيصل .. وكلنا خالد ... << أيام الملك فيصل ) وبينما نحن نلهو هنا وهناك .. والإمام يصلي التراويح ... يطلع علينا عبدالله الخريف ( أبو محمد ) ويزاعق .. أعلنوا العيد .. وهو ماشاء الله صوته من عرفته كبير وبالمارية يقولون أنه أول ماطلع من بطن أمه وصاح أعلنت أمريكا حالة الطوارئ وفي روسيا أعلنوا التعبئة العامة .. وإذا زعق بهالكلمة يسمعونه اللي في الرياض وأهل المجمعة يقولون هذا صوت عبيد الخريف خلاص أعلنوا العيد وتبدأ المدافع تضرب معلنة عيد الفطر ... ثم كل بزر من هالبزارين يصارخ أعلنوا العيد .. أعلنوا العيد .. ويركض ووراه عشرة من الجذاعين كل و احد منهم متحمس متنفختن مناخرة ومغير مناشق و مش هالخشم بالكم .. واذا شفتا كم الواحد طالع كنه كرتون تايد من الوصاخة ... وحنا من الحماس ماتدري ننشق والا نمش !!! والأمام يصلي ... والحريم اللي يصلن من سمعوا الخبر ومطامر بزارينهم وهن يصفقن يبون يعلمون الأمام .. والرجال يتنحنحون وبعضهم يتكحكح .. وأول مايسلم الأمام ... ماتشوف إلا غبار المأمومين كل واحد رايح مع جهة .... والحريم كل وحدتن منهن تروح تزهب معيدها ( المعيد عبارة عن طبق شعبي يقدم في صباح العيد ) .. وهذه الصورة الأولى التي تتكرر كل سنة مرة .. << أجل مهوب مرتين ؟ الصورة الثانية يبدون الرجال بتطليع زكاة الفطر ... وكل واحد منول عنده درزن مبزرة مهوب زي هالحين ... يعني كل واحد من هالرجال يزكي بقطمتين رز ( يعني عن 15 نفر ) غير اللي في البطن مايندرى عنه .. كل عجوز والا حرمة منول تحصلها حامل من زود الحرص على البقاء ( حتى العجز ذاك الوقت يحملن ويولدن قبل لاتنقرض هالظاهرة هالحين ) .. الصورة الثالثة في فجر أول أيام عيد الفطر المبارك يقومني أبوي لصلاة الفجر وأنا عاد أصير تعبان من السهر ويالله أقوم واسحب رجيلاتي ... ويوم أني شفت الأمام مابعد أقام للفجر ... رحت للمجلس وانسدحت شوي ولا قمت إلا على صوت قربعت باب الشارع وأثر أبوي توه مخلص من الصلاة وانا راحت علي نومة ... وأقوم وأنقز من مكاني وعارف أبوي اذا مسكني بيمحط بالعصا على ظهري والله .. وأروح وأحصل جلال الوالدة وأتلفلف به واسجد ... أبلعب على أبوي علشان يحسبني أمي ولا يحصلني في مرقدي ويبي يقول أكيد أني مصلي !!! بس الورطة أن أبوي يوم دخل ولقاني راكع بالجلال ( على أني أميمتي ) قام وشاتني بوز ... وقال هماني قايلتس يأم سليمان أقربي لمي أمس بعد التراويح وتقولين : ترى ماعلي صلاة .. يابوسليمان ؟؟ تلعبين علي والا عايفتني !!!!!!! الصورة الرابعة تقومني أمي مع علباي وتنزل راسي وتحطه تحت البزبوز وتغسل في راسي وتدهجه بالموية وبالشامبو الاحمر ماعندنا غيره .. تبي شعري يركد شوي قبله طاير وطالع صواريخ << ومن هنا جتني عيارة يابوالصواريخ !! وكل ماغسلت شعري تنقز كم شعره وتوقف تغدي كنها عسبان نخلة خضري وتقول أمي : وه .. بلش يبلش هالشعر فوجعه .. تسنة جلد دعلج مايغدي راكد أبد !! وكل هالمحاولات عشان تلبسني أمي الطاقية حقت العيد والا لو مازان شعري وركد .. تغدي هالطاقية فوق راسي كنها مقطع صعيدي معلق في صيخ حديد !!! المهم ... تبدأ تلبسني أمي مقطع العيد وطاقية وشماغ جديد .. ومن زود الحرص نشخص بالشماغ ونعربدة فوق هالراس على بالنا وسيمين أنا وعيال حرمة .. وكل ماطلينا على بيت ناس .. وخروا عن دربنا << وليد توفيق على غفلة ... يطلن علينا بنات حرمة ويكشن ( تكش يعني كشت .. تكش .. كشاً .. أي رفعت يدها وأفردت أصابع يدها الخمسة وتحطها في وجهي مصحوبة بكلمة .. هاااااك مالت عليك ، وهي تعبير عن الغضب وماجزنا لها ) .. وكل مانسفت الشماغ اذا شفت بنت ... رفعت يدها وكشت علي !! وتوي أفهم سر هالكشة .. واذا عاد كشخنا بهالشمغ الجديدة ... يطلع الواحد كنه معفط كرتون فوق راسة ونغدي تقل كرتون مارلبوروا الأحمر على غفلة الا واحد وهو حمد العسعوس ( أبو أيمن ) ماشاء الله .. من عرفته ماااشاااء الله قبله رزه ومشخص صح ودااائما ما أشوفه الا رجال كبير من زود الرزة والهدوء .. وفي نظري أنه مامر بمرحلة طفولة والسبب أنه بالعادة كل بزر يامتهاوش مع أحد والا فالق أحد وإلا مفلوق .. بس ماشاء الله حمد العسعوس ( أبو أيمن ) شي ثاني ... مبدع حتى في طفولته ذيك الايام !! .. بعدها نروح نصلي العيد .. وفي ذاك الوقت كل الجماعة يصلون العيد مهوب زي هالحين .... الصورة الخامسة بعد صلاة العيد ... يبدأ تلاحم أهل المدينة وكل واحد يجيب سجادة والا فرشة وهذا يجيب المعيد حقه ( المعيد عبارة عن أكلة شعبية وإلا رز ولحم ) هذا معه قرصان والأخر شايل قدر فريك وهذا جايب حنيني وهذا رافع فوق راسه تبسي رز ولحم وبعضهم جريش .. ويصفونهم على السماط ويبدأ الجميع بالأكل وكل شوي ينقز واحد يغير مكانة والجميع يبتسم من قلب ,,, ويضحك بنفس زينه .. مهوب زي هالحين يالله الواحد يضحك .. والا يبتسم إبتسامة صفراء !! بعد المعيد .. نشرب شاهي ثم نطلق رجلينا للريح .. ونبدأ باللعب بالمسدسات اللي ينحط فيها الطرطعان .. ثم لعب كورة في حميان والا الخوي .. وثيابنا بعد ماكانت جديدة تتحول مع التدحوس في الريغاء ( أو الريغى ) إلى لون بني قاتم معتم ... والله يعين أميمتي على التغسيل !! لأن الثوب لازم ينغسل .... فالجميع وراه حفل النادي بعد صلاة العشاء . مايستفاد من هذا الموضــوع كانت .. الضحكــة والابتســامة .. في ذاك الوقت عفوية .. وبريئة .. وصافية .. ونقيــة والآن هل نجــد ضحكــة وأبتســامة ؟؟

قتاة سوق الخميس : مشكووور لردك والله يخليتس لقشتس وعفشتس ويرزقتس باتسر السبت بدراهم عدد شعر راستس << المشكلة اذا طلعت صلعة ههههههه ماهنا زعل تراني أمزح

تحياتي لموضوعك يامشرفنا حميان بيتش موضوعك حق ذكريات ستاد حميان الدولي صراحة متعوووب عليه والله يخلي اصيبعاتك من الترعيص في ذا الكيبورد إلى الأمام يامشرفنا حميان ^ ^ ^ صدى شفت وشلون المشرف يقدر يصرقع بالعضو صاحب الموضوع لاتحااااارش ثاني مرة صدى أكثر ماطفشني لون خطك هاللي يحسسني اني طال في علبة ألوان خشبية مشكووووووور

أنا أبروح أقرع .. وأنت يابوريالين جب سطل فيه موية وخل نشوف التنسيم من وين مشكوووور لردك ولحضوركم يتم لنا الفرح والسرور << ضف وجهك

تسلم ابوسعد شكلك بتدخل السجن تدري ليه ؟ 6 6 6 6 6 6 6 6 موتني من الضحك ههههههههه تسلم أصيبعاتك والله على هالنكت

أختر شريك حياتك في الفلاش الاول تدرون من طلع لي طلعت صورة ابوذعار اللي يحطها أسفل أسمه ( أبو أذان ) خوش شريك حياة شكراااااا محسن

هلا والله بالبزم ... أعجبتني حقت الحجر هههههه انا منول اذا ركبت اللوري وسافرت معهم وسمعت حقين الشيشة يقولون هات واحد حجر أقول ياحبهم للعب سبع الحجر هههههه << ماعرف الا هي بس منول مشكووووور

عــدنـــــــــــــا أقول يالخقاق وش دراك أني أنغمست في الشام ؟؟ لا وتزوجت بعد ... وأنا مدللها وهي معطتني الخامس أيييييه يالدنيا .. هههههههههههههههههه هههههههههههههههههه يالخقاقة وشلون مطلق ثلاثة وثلاثين طلقة حشى ساكتون مهوب زوج هههههه والله ياها لقدور عندهم في الحمامات وش كبرها .. اذا صلفطوا حميان فيها يغدي تقل حاشي ... من كبر جبهته موضوع فضخ عيوني وانا أقراه بس رهيب وسردك يذكرني بواحد تسنة يسولف علينا وحنا صافين عند ضو تسلم يمينك وننطر موضوعك الثاني على أحر من القدر قصدي الجمر

((( دعوة لكل اب ..ولكل ام..خلال الاجازة،،،نرجو التثبيت ))) الله يثيبك ويثبتك عند السؤال <<< واحد فاهم التثبيت غلط راعي الشوم موضوعك رائع وأضيف عليه .. شراء الكتب العامة لتزيد من ثقافتهم واطلاعهم شراء أشرطة كمبيوتر سي دي خاصة بالتعليم والمرح وتثقيف الطفل وتدريبة على مهارات أخرى عط ولدك فرصة يوم في الاسبوع والا الاسبوعين يعزمك انت وامه وخله يختار المكان ويختار الاكل ويحاول يدلك وانت تسوق بالسيارة .... بيحس أن له كيان << بيحس أنه كيان مو لوح يالله هذا اللي عندي واذا ذكرت شين جديد ابقوله

هلا سديراوي الياباني وش رجيليه << طايرتن بوهته مايدري وش السنع انا هالحين صرت مشرف وابجيب طبل واقعد اشجعك بس أنت عاد ورنا زيرانك <<<< حشى حلوه لمرقص

سلام عليكم مسلهمه في مسيل الكلبي جالسة سنة تقرينة حشى صار مقرر التاريخ << متأثر مع الاختبارات وبعدين وش دخل صدى في الموضوع قسمن بالله انا اللي كاتبة << درو فهم غلط مشكوووور لردتس اللي رفع معنوياتي أقصد رفع الموضوع فتاة سوق السبت لاتدققين .. تراي والله كاتب الموضوع قبل لاصير مشرف أنتي ووجهتس لاتفضحين وبعدين أقريه بعيد عن قشتس وبضاعة محلتس علشان تروقين حــ دانة ــرمة ياحبكم للتدقيق ... حشى ماصار موضوع << صار أرهابي يالله روحي لم فتاة سوق السبت واجلسي معها بين عشاوين وتمقلوا سديراويه في التجنيد شكرااا على مرورك مرتن ثانية والا ردتس الاول فيذاااك الموضوع مانسيته ربي يسلمتس حميان بيتش حميان انا زد رديت عليك منول خلاص زي الرد الاولي ههههههههه أشواقي الحارة لكم << حارة مع هالحر

هههههههههههههه الظاهر ان الثلاجة فيها فتحة !!! بس اذا صار فيها فتحة وشلون تبرد ؟ وش هالاسئلة ؟؟ لاتصير هذي إجاباتك في الاختبارات ياصدى ههههههه مشكوووووووور

^ ^ ^ ^ ^ منتب سهل ياللي فوقي والله مدير صح .. ابوك يالترويح عن النفس ياشيخ

بدينا بالخق اتفقنا أن ما أحد يخق رفيزة قريت سطر وانقز سطر ( يقالك أشيك ) وابنكس للموضوع نكس بحول الله وارد زين شكلك مدحدر وجاي لمنا من عند المفرق حق حرمة .. اسلوبك يوسع الصدر ابروح اجيب شاهي وحب

مع هالموضوع بسميك راعي الثمانية ههههههههههههههههه صار هالموضوع ثمانية نسخ ... حشى جالس ترعص وتلعب أنت ياراعي الثمانية ههههههه الله يعين المشرفين بيدهرون حذف لهالمواضيع ...

((( اعجبتني كثيرا هذه القصه واحببت المشاركه بها ,))) ^ ^ ^ إلا والله أعجبتس الفليسات ( 50000 ) ريال علشانتس عرفتي النهاية والا لو أنها حاصلتن لتس والله بتنطلين زوجتس وأخوياه مع الدريشة واذا كنتوا ماخذين دور أرضي بتطلعينهم في الحوش أما أنا .. في ليلة الدخلة أصـــلاً .... أنا اللــي أبطبــخ لها

^ ^ ^ ^ ^ أبووووك يالبال توووك روقاااااااااااااااااااان على الآخـــــــــر تسلم يا أمير والله يطول بعمرك ويخليك ذخر

الحمد لله على السلامة وين طلعتي لنا معه والله هاليومين اقول وين راحت له هالبنت ومشكوووورين على هالتهنئة وترى بذمتس اذا غبتي مرتن ثانية <<< خرب الاسلوب الله لايحللتس ويبيحتس اذا خليتينا بإنتظار النشرة الجوية الدنيا صارت حر وهالشموس تصالينا يالله عاد لاتبطين بالنشرة الجوية تراها ملح هالبوابة اول الوقت طوريها وحطي معها شطة وحبحر ترانا نحتري النشرة خلال يومين واذا ماجت بنحذف اسمتس <<< شوفوا الشدة

أقول منتب عاقل ... أنت وخشمك هاللي حاسنا حوس ياما كسر التسلل والا صار خشمك متسلل ^ ^ ^ وكل مارفعنا لك كورة على راسك ونقزتا لها .... تعلق خشمك في الاثلة وبحلنا بك نجلس ساعة ننزلك وصراحة القعيس مهوب سبب في تحول خطة اللعب ,,, الا والله دميجك هاللي ماخذتن نصف الملعب مبدع يابوصروال سباحة وعساك على القوة ... جب ذبيحة للضيوف خل نعشيهم فيذاااا

اممممممممممم ... اهاااااااااااا .. وش تزينون اممممممم ... يعني ماتحش انت ووجهك فيني طااااااااااايب .. متكية امسكي عريف عليهم لين يجي حميان ^ ^ ^ ^ يلعن أم البثااارة في هالمشرف

ابوسعد .. ماحبك .. ثقلت على الخكاريااااااااا يااااااااااااااخي << عسى ماشر ؟ لايكون تأثر الرجال تسلم يمينك

ياخي لاتحش يااااااااااااااااخي <<< واحد فيه حاقص واقص ههههههههههه مشكوووور على النقل

رهيبة هالمواقف صراحة والله يرزقتس بواحدن مثلها ههههههههههههههههههههههه اعجبتني حقت الفلبيني اللي مات تهقين مات من الورعة والا من الحسرة يوم شاف العرسان << اقول انطم تسلميييين بقوووة على هالمواقف

للرفع