حميان بيتش

اللغز الاول: ما هوالشىء الذي اذا نقص زااد؟؟ الحل :- هو (( الـــــــحــــــــــفره )) ويقـــــــــــــــــــــال ... (( الـــــعــــــمر .... كل مازاد نقص ))

وصلــــنــــا لحل اللغز الاول: هماي قايلكم اذا جا على بالي ابقوله يالله عساها تكمل الفديه لولدنا العنيب ...رفيق درب في الديره نفداه بعيالنا : : : اللغز الاول: ما هوالشىء الذي اذا نقص زااد؟؟ الحل :- هو (( الـــــــحــــــــــفره )) يالله طـــلـــعـــــوا ولـــــدنا عنده اختبارات ...... بسرعه

السلام عليكم مسكين يا قرووووي ..... ما عليه كلنا لها متكيه .. ما شاء الله .... الظاهر ان عندك واسطه ....ما امداتس تدخلين ... اليوم الرهينه هو (( العنيب )) .. شد حيلك وقل للنمور ترى لحمي مرررررر : : : : عندي بعض الحلول .... ومانيب متأكد منها :- اللغز الاول: ما هوالشىء الذي اذا نقص زااد؟؟ الحل :- نسيته .... والا قد مر علي ... بس اذا جا على بالي ..ارسلته لكم -------------------------------- الثاني: متى يسافر المرء بسرعه تساوي سرعه القطار؟؟ الحل :- ما اعرفه ولا قد سير علينا ...... بس يمكن انه : اذا سافر بواسطة القطار ------------------------------ الثالث: 5+5=5؟؟؟؟؟!!!!! الحل :- ما يبيلها كلام 5+5=5+5 ------------------------------- هاااااااه بشروا ..........عسى الفديه مناسبه ؟؟؟؟؟

ابو شلاح ...... شكرا على طرح هالموضوع وانا من الناس اللي لاحظوا هذا ...... و الاسباب اللي قلتها ما اعتقد انها كلها صحيحه. ممكن نتعذر في ان البداية كانت قويه ...وعدد الاعضاء وصل الى رقم معين ...وهذا شيء طبيعي.. لان مرتادوا هذة المنتديات تقتصر على اهل المنطقة .... وبالنسبه للحزبيه ان شاء الله ان الاعضاء اكبر من كذا ويمكن من الاسباب ... ابتعاد المشرفين وعدم متابعتهم الدقيقة للمنتدى .... وظروري يتم وضع لكل بوابة مراقبين اثنين ... ليتم تصفية المواضيع المنافية لتوجهات المنتدى قبل مشاهدتها والرد عليها خصوصا المواضيع التي يترتب عليها رفع حدة التوتر بين الاعضاء . واسف جداً اذا اني تجاوزت ... وشكراً

القروي تسلم ....كفيت ووفيت .... اقول انتظر منك رساله تحدد العنواين ....وكثير من الشباب موجودين في مكة والمدينة لطلب العلم ممكن ندلهم عليهم كودهم يكملون نص دينهم ما قصرت يا قروي ................

السلام عليكم صـــــــديـــــقي .... القروووووووي وش ذا الحستي .......اماي قايلك لا تخور وتجيب طاري الوالده والله لعلمها ...... واخليها تدعي عليك انك ما تحاول تتصل بالنت الا يسير مشغول انا من يوم شفتك وانا شاكن فيك ..اقول هالادمي اكيد داخله سكني .... اثر خدامتكم هي المموله !!!!!!!! بس ياصديقي .......سالفتك منتازه وانت منتب سهل خاصتن في وصف مشاعر ابوك تجاه امك والعكس شكلك حاطينك اخوانك الكبار مراقب عليهم يعني .... انت دايم دورك في البيت ((( التسبير ))) تسبر لخوانك يعطيك العافيه يا قرووويشن .... ومتعنا بالمزيد يا مبدع هالبوابه ... ما يختلف عليك اثنين وسلمني على نفسك .... وشلة المنتدى

نتائج مغازل بعض اعضاء المنتدى حسب نظرية فيثاغورس المشهد الأول الولد معوكس ويدلعونه (عكوز بكوز في كل مكان مركوز) البنت نووووف ويدلعونها أيضا نونو .. واذا راحوا لخوالهم في الرياض يسمونها ( ننه) يدق جوال نوووووف وتنقز تشوف الرقم .. مكتوب ماي لووف كالينق يو .. وتتشقق من فرط الوناسة .. وتروح تشرب مويه .. عشان تضبط صوتها .. وربع ساعة تتنحنح لين بغى يطلع مصيرها الثالثطعش .. ((يشبه الإثنى عشر)) .. عقب ماخلصت من سمكرة الصوت .. الا الجوال خلص من الدق.. وتضطر تروح تدق .. نوووووف: الوووووووووووووووه معوكس : اهلين .. يا أحلى الووه (كان مواعدها عند النصلة وماجاب خبرها ودقت عليه) نوووووف: حياتي وينك .. بسم الله عليك .. وراك ماجيت معوكس : الا جيت .. انا اللي معه فياقرا نوووووف: ماشفت فياقرات معوكس : ايه ملبقها عند ميدان الفروسية.. أخاف عليها (جاي بكرسيدا حقت واحد من العيال بعد) جا معوكس .. وشاف نوووووف .. وطلعت بنت حلوة .. وطاحت بذا الخربطه .. مع واحد الضمير عنده مستتر مرفوع بالنصبه الظاهره على خشته مما سبق نستنتج أن: ملكع + دلخه = ضياع مستقبل الدلخه المشهد الثاني الولد اسمه حر الآهات ويدلعونه ( مزاجي ) البنت اسمها منقولة ويدلعونها ( قص ولزق) كان حر الآهات.. ولد ناس و مطخطخ .. يتمتع بغباء قاتل .. حبيب ووسيم .. بس على نياته .. باختصار دلخ ووسيم .. ومعه فلوس منقولة .. بنت ذهينه .. لعابه .. تحب الإستعراض كان حر الآهات يتمشي هو وامه بالسوق ومر من عند ساره وصديقاتها .. قالت منقولة : تتحدوني اليوم اخلي هالحلو يكلمني واسحبه على وجهه بعد؟؟ .. وفعلا السيد حر الآهات ماهي الا سبع ثواني الا هو رايح وطي .. بعد ما مارست عليه منقولة اسلوب التخقيق و التسحيب وهو له علاقة طردية .. حسب مبدأ سقراط (بدا النصب) .. وبعد ما انتهى فاصل الترزز .. جت اول مكالمه منقولة : اهلين .. ياحلو .. كيفك عيوني انته (انته ذي خلت حر الآهات.. يصير كنه قرانديزر يوم يتصفق من فيقا فيقا) حر الآهات: هاه .. ايه تمام .. اهم شي اني اسمع صوتك .. واقلبيه منيب مصدق اني اكلمك (كان قاعد جنب المكيف .. ومجهز ورقه فيها حكى كثير .. والهواء طير الورقه و توهق) منقولة : ليه ياقلبي وحبيبي (يوم قالت حبيبي بدا يكبر خشمه واصيب بانقطاع الرباط الصليبي في خشمه ) حر الآهات: احبك .. يا احلى شي منقولة : (وهي تنتظر كتكوت يدق على الهاتف الثابت) هاهاهاااااااي .. يعني لو أطلب منك أي شي تسويه؟؟ حر الآهات: لو تبين اعطيك ابوي .. عادي منقولة : لا ابيك تسدد فاتورة جوالي .. وبس وهنا دق الكتكوت .. على خويته منقولة .. و حر الآهات.. من الصباحية وهو طاق اللطمه وصاف طابور بالبنك .. يبي يسدد الفاتورة .. وانواع السعابيل من كثر التفكير في منقولة مما سبق نستنتج أن: دلخ + نصابه = حالة تطفير تصيب الدلخ المشهد الثالث الولد اسمه حليب خلفات والبنت اسمها رزنامة تعرفوا على بعض بالأنترنت .. ويدق عليها من التلفون الثابت حليب خلفات : مساء الخير .. يا أحلى طير .. واغلى مها شفتها .. وحبي الأول والأخير.. رزنامه : هاهاااااااااي عيوني سا محني ... البارح وانا في السوق كنت امشي مادريت الا بنواف التمياط جنبي .. يبيني آخذ رقمه .. رفضت بالأول بس رحمته و خفت انه يتأثر نفسيا ولا يلعب زين بمباراة الكاس (مصطفى ادريس سبق وشرى ببسي من البقالة اللي بحارتهم) حليب خلفات : يالله عيوني .زين سويتي .. اسمحيلي . أنا بروح الحين عندي موعد مع الوليد بن طلال يبي مني سلف (مافيه راعي بقالة الا ويطلبه خمسميه و ثيابه مرهونه عند المغسله ) رزنامة : وأنا بعد بروح اشوف الخدم والطباخ وش مسوين عشاء ( أم جيرانهم زارتهم يوم من الايام ومعها شغالتها واعتبر ذاك اليوم من الأيام التاريخيه على الاسرة) مما سبق نستنتج أن: نصاب + نصابه = صواريخ ليس لها نظير المشهد الرابع الولد اسمه العنيب ويدلعونه الدلخ والبنت اسمها اميرة نت ويدلعونها كوين العنيب .. صاحب الإبتسامة التي لاتمت للجمال بصلة .. ينتظر اتصال صديقته اميرة نت .. وهم متواعدين انها تدق على الجوال .. فهو من الذهانه .. كان حاط الجوال على الصامت والآنسة اميرة نت قاعد ترسله مسجات بالجوال تبي تقوله ادق وأسكر والا ادق وترد علي؟ وفي خضم هذه الحالة من الأستدلاخ الجماعي بين الأثنين .. أخيرا قدروا يكلمون بعض ( ويقال في ذلك اليوم واحد من اللي يشتغلون بالأتصالات اغمي عليه من كثر ما اتصل عليه العنيب... ويقولون انه قدم استقالته..والله اعلم ).. المهم خلال المكالمه الاولى اتفقوا على انهم يشوفون بعض .. واخيرا شافت اميرة نت رفيقها العنيب .. وحصل اللقاء العاطفي المفعم بكل ماتحمله كلمات الإشتياق من معنى وكان جمس الهيئه قاعد يناظرهم .. متكي على الكبوت وما خذ راحته .ويتقهوى شاهي و.يمتع ناظريه بهالمشهد .. وانتهى العنيب و خشته لاصقه بقزازة الجمس من ورا .و اميرة نت بغرفة الهيئه الفرع النسائي.. مما سبق نستنتج أن: دلخ + دلخه = جمس الهيئه

الســـــــلام علــيـــكـم نتابع اليوم مسلسل (( تخيلوا ان المرأه تقوم بأعمال الرجل ..والعكس)) الحــلقــه الثانيه الحلقة الثانية تتكلم عن ((( خطبة القروي ))) ..... مبروك من قدك تيتفاجأ القروي في يوم وهو قاعد تقرا كتاب رومانسي و مشغل اغنية رايقة و سرحان في حبيبة مجهولة (( وقاطع الأمل في الزواج .... بعد قصة (متكيه عند بقالة التركي) وبنتها ( المرجوجة) المهم في ضل هالتخيلات وهواجيسه الله يمتعه بالصحه...... الا و امه داخلة عليه و توها جاية من الاستراحة و تقولك: يا ولدي يا قروي ودي اكلمك في موضوع. يرد القروي بكل خوف : خير يمه؟ تقول امه: ترى جارتنا (( دانــ حرمة ــة )) تبي تخطبك لبنتها ( بنت حرمة). وانت ماشالله كبرت و احلويت والكل يبيك. ها وش رايك؟ ثم ينزل القروي راسه في الارض و يلعب باصبعه في شعره (او شنبه) وويرد و هو مستحي و خدوده حمر (هذا اذا كان محلق اللحية) و يقول: .... الشور شورك يا يمه إهئ إهئ (( يتدلع القروي )) تقول امه : انا بصراحة ما اشوف في ( بنت حرمة ) شي. ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت . ولا عندها سوالف السفر و الخربطة و ما تشرب خمر و لا تروح لاستراحات البنات. ولا دخااااان يعني بنت ما عليها. القروي : بس يا يمه هي ما شافتني من اول. انا دايما متلطم بشماغي (والله عيب بس بكمل) تقول امه: هي شافتك و انت نازل من باص المدرسة(قصدي العراوي حق اختك ) بس و سألت عنك و قالو لها ولد سنع وتكانه ماهوب راعي أسواق ولا فيصليه ولا مملكه و كوفي شوب و ما يطلع الا مع ابوه. (والله فشيلة بس بكمل) و تراها هي و امها جايين يوم الخميس علشان يشوفونك. القروي : طيب يا يمه ابوي وش رايه ؟ الأم : ابوك ما يدري خليه حايس في المطبخ وش يعشينا . القروي : اللي تشوفينه يمه. ............. وتطلع الام من الغرفة وينط القروي قدام المراية و ياخذ نص لفة يمين و نص لفة شمال يشوف جسمه و يمشط شعره و يخفف الشنب بدلع و يقول : اه اخيرا حست ( بنت حرمة ) و خطبتني. ( لا لا لا والله ما يصير بس بكمل) و قبل يوم الخميس يروح القروي لكوافيير رجالي و يكون مسوي حجز و يقعد و يصبغ شعره (ميش) و يحف الحواجب ( يا مصلك ياقروي ) و يشيل شعر يده و رجليه بحلاوة و يطلع زي فلقة القمر (( ايه يحلفون ...ولا بالصنفرة )) ويجي القروي البيت و يلبس الثوب اللي فصله عند المصمم( حر الأهــــات ) لثياب الاعراس و الحفلات واللي فيه فتحة سقف قصدي فتحه من عند الساق و فتحه في الظهر و بدون اكمام (جبانيز) و ذاك المكياج وذاك العطر و ينزل للصالة ..... والله ما قصر ( حر الاهاااات ) جالس ثلاث ايام معه يبي يقنعه يلبس فتحه يا الله وافق هالقروي . جــــــــــــــــــــاء وقت الخطبه الرسميه : ووصولوا المعاريس ...... قال ابو القروي : يالله يا قروي دخل العصير على خطيبتك ترى امك ذبحتنا تسال عنك يقول القروي و بكل خجل : واي واي يا يبه انا استحي ابوك يقوله وهو يطق على كتفه و يضحك يا ولد روح لعروستك إهئ إهئ القروي : يا يبه دايما تحرجني انت واي واي و ياخذ صينية العصير و يخش المجلس اللي فيه (بنت حرمة) و يقول بصوت ناعم: احم احم الس سسسلام عليكم......( طيب يا ناعم ) ترد ( بنت حرمة ) بعد ما وقف قدامها و عليكم السلام ( و هي تناظر فيه و في كل قطعة فيه) و يقول القروي لها تفضلي تقول ( بنت حرمة ): وش أحلى العصير الاحمر و لا الاصفر؟ بزعمها تبي تلطف الجو معك يقول القروي: كله حلو تقول (بنت حرمة ): اكيد كله حلو لانك انت اللي مسويه ثم يحط الصينية القروي وبسرعة يروح و يده على فمه و يضحك الا ولا اخوانه(( مسفهل و ريفو ودايم السيف )) يحتروووونه و يقولون: ها وشلون شكلها ويقول القروي : واي واي تهبل تهبل حلوة و دمها خفيف و ذوق اهههههه ويجي ابوه من المطبخ يلولش ويصاوي (يزغرط بالمصري) لللللللوووولللللووووولللللليييييييي مبروك يا ولدي الا بدخلة اخته العربجية (اميرة نت) من بره و حاطه عبايتها على كتفها و معلقة السجارة في فمها و تقول : خير وش فيه يقولها ابوها : قصري صوتك في وحده داخل خطبت اخوك تقول (اميرة نت): وهي وين شافت اخوي علشان تخطبه هاه؟؟؟؟ و تعطي القروي كف و يصرخ والله لالعن امها اللي جايه تخطب اخوي الا بدخلة الام و تسطر (اميرة نت) كف و تطلع ا(اميرة نت) بالسيارة و تفحط و تروح للاستراحة عند البنات . و تمر الايام و القروي يجهز ثوب العرس و الكوشة و بيت الزوجية و خلال هالفترة تمر عليه زوجته ( بنت حرمة ) بالسيارة ويتمشون ويروحون التحليه ويوقفون عند كوفي تايم ويطلب القروي موكا بالكليجا..... قصدي بالشوكلاته( و بكل حيا) و تحاول ( بنت حرمة )انها تمسك ايد القروي و هو مستحي !!!! و يجي يوم العرس و يقعد القروي في الكوشة و كل الشباب ( ابو ذعار و العنزي ومعهم جدنا الشايب(( لزقه)) و حلووس ) حوالينك يرقصون و يغنون على انغام وأحلام وصيته والعنود قصدي على أنغام طيران فرقة الشاطئ للرجال و طبعا مافيه زبيدة او صيته او العنود و سارة وشوي الا العفسة قايمة : ترى العروس جايه و ينطون الرجال و الشباب كلن يلبس شماغه و يتلطم و تدخل العروس مع امها و خواتها (خواتها يتيميلحون قدام الشباب ) و تقعد العروس جنب القروي و ترفع الطرحة (طرحة البسام بصمة خمسة) ههههههههه و تقولك: الله صاير مثل القمر ثم يلف وجهه القروي وهو مستحي و يتم الزواج مبروك اخيراً يا قروي ........ تصدق في وسط القصة توقعت تخرب الخطبه المهم احرص على نفسك وحافظ على اناقتك ورشاقتك ..... تراى عيووونهم زايغة

الـــســـــــــلام عــلــيـــــكـم اولا شكرا على هالموضوع ...... والله اخر تمام خاصتن يوم اني شفت هالقروي محبوس وبين هالــــنمووووور ....صحيح انبسطت ماودي يموت بس ....ودي ينقلب راسه ابيض وتجيه الروعه ... وبعدين نفكه ... لا تستعجلون عليه ولو انا منتس كان حطيته في قفص متعلق فوق تحته عقارب وتحوم على القفص النمور ههههههههه ....تخيل شكلك ياقروي تصدق عاد اعرف الحل بس منيب قايله ........نجاسه بس يــــــــــاقرووووي كم تدفع واطلعك؟؟؟؟؟؟؟؟

الـــســــــــلام عـلــيــكم ســعـــادة المـشـرف : شكراً على التثبيت (( فعلاً الموضوع يستاهل )) الاخ مـــعـــوكـــــــــس : انت تفول :- اناااااااا وش دخلــــــنــــــي هو بس شافك مشارك في الموضوع... ويعرف انك ما يحتاج قاعد في ركنة الفصل وتبي بس واحد يحارشك ياخي اعقل ياخي كل عيال الحارة يشتكون منك . والا علشان عندك واســـــطــــــــــــه.... !!!!!!! . . .. يحقلكم

السلام عليكم الى كل الاخوة اللي شاركونا في الموضوع ... اشكركم وتسلمون والقادم احلى بس شاركونا .... وتجدون ما يسركم .......... انت توحي يا قروووي؟؟؟؟

السلام عليكم هلا بمفــعــــــووووووص اقول انا سويت التجربه ونجحت كلامك فعلاً صحيح

بـــــــاركـــر هـــل تعلم انك افدتنا بهذه المشاركه وهل تعلم انننا ننتظر المزيد منها وهل تعلم ان كل واحد يقرأ مشاركتك تكسب اجر في تسلم يا باركر وننتظر المزيد جزاك الله خير

محروووووووووووووسه الله يجزاتس خير ..... والله من احسن ما شفت من مشاركات مفيده . الله يجعلها في موازين اعمالك وننتظر المزيد

جزاك الله الف خير والله يحسن خاتمتنا وخاتمتكم ووالدينا والمسلمين اجمعين

ياحبيلك ...... مسجاااااااات تولع ناااااااار تسلم يـــــــــــــــ امه20 ـــــــا

امه 20 تسلم على هالخدماااااات المجانيه ... والله عطيك العافيه

هلا باللي عند كلامه إشاره ....... مكتوب عليها قف واقــرأ كلامه كله ياناس إنــــــاره ....... ويبعد عن الاثارة والاطرا تسلم يا توفيق ...وقووول امين الله يوفقك يابو موفق

ذكريات استاد حميان الدولي - الحلقة الاولى كانت العطله منول مافيه اروع منها ومافيه احسن منها.... وكانت الديرة ماتنمل في العطله .... و اذكر اننا كنا قاعدين نلعب كوره في ( استاد حميان الدولي ).... وكان فيه مبارات حماسيه بينا وكانت الفرق تمسك سرا متى يجي دورها اليوم والا بكرة والا بعد اسبوع .... و المبارات تاجلت اكثر من مره والسبب انا مختلفين على الطقوم... الله واكبر على هالطقوم الي يشوف هالكلمه يقول لبس كوره .... اللبس عندنا اول مغير ثياب بس .... لا وماتحتها شي ... ايه يازين ايام اول والبراد اللي ماتدري وين يجيك معه .... وكنا اليين جت مبارات بيينا.... فريق يلبس ثياب شتويه ملونه وفريق يلبس ثياب صيفيه بيض ....واتفقنا معهم على دق القرعه... ودقينا القرعه وطلعت لهم الثياب الشتويه..... آه يالقهر حضهم حتى القرعه معهم ..... بيني وبينكم كنا في عز الصيف ونتمنى نلبس الثياب الشتويه استر ... لكن الحظ ... وبدت المبارات ولعبنا بهم لعب وكان احسن لاعب فينا اسمه ((الترنجه)) وكان مااحد يقدر يوقف في وجهه عشان ظفور رجليه طوال ... وكان الوحيد في العالم كله الي يقدر يشوت البلنتي بساقه .... المبارت صار فيها اهداف واجد مع كل هجمه ماتشوف اللاعبين من العجه... وكلها دقيقه الا ولا واحد طالع من هالعجه يطامر يقول جبت هدف ... وكان الحكم مايحسب الهدف الا بعد مايحلف اللاعب .... و انتهت المبارات وفزنا عليهم .... ورحنا بعد المبارات نسبح.... طبعا في واحد من هالقلبان ... و صفينا ثيابنا وياحليل ثياب اول المريكاني ... مايحتاج معلاق تفصخ الثوب وتوقفه جنبك . .... ويوم خلصنا سابحين لبسنا ثيابنا اللي جالسه تحترينا .... وتفاجئنا يوم رجعنا ان الفريق المهزوم احتجو علينا علشان ثوب (الترنجه) كان وسخ.... وصاير تسنه شتوي ويوم شفنا الدعوى تسذا... احتجينا على هدفهم العاشر لان الكوره اصلا طالعه برى ....و رفعو احتجاجهم لـ (قعيس) القانوني وقعيس هذا ازبط واحد في الديرة يعرف القانون يعني مرجع ( تدرون ليه : لانه قد لعب في احد حواري الرياض ) ..... وجمعنا قعيس صاحب كتاب (طبق النيه وافتك من الناس الشريه) وقال قبول الاحتجاج يعتمد على نية الترنجه... اذا كان لابس هالثوب الوسخ علشان يصير كنه شتوي في هالحاله نقبل الاحتجاج..... اما اذا كان ماعنده الا هو ففيه كلام ثاني .... و جابو الترنجه وحلف لهم ان ماعنده الا هالثوب وان امه مصخنتها ولا غسلت ثيابهم وما تعشوا امس وان ابوه رايح للرياض يجيبلها دواء.... و قال القعيس لازم اتاكد هو صادق والا لا.. ابي اوصي امي تمر عليهم وتتأكد من الموضوع ...المهم ان ام قعيس يوم جت عند امي ولا امي معافيها ربي ... حتى اني كنت ادعي ان الوالده ما تنتعافى الا بعد الكشف بس حظنا ردي ... المه حتى امي طابت وقانون النيه ضيعنا وقال القعيس احتجاجهم مقبول .....و رفضنا وقررنا ان نرفع تضلم للأمارة على هدفهم العاشرالكوره طالعه برى الخط .... ورحنا للآماره وطلعو معنا مري يقص الجره وقرر المري ان الكوره طالعه برى الخط.... وكتب تقرير بهالشي وقلنا للقعيس لو ماترجع عن قرارك وتعطينا النتيجه والله ان نرفع تقرير المري للأتحاد الدولي . المره الجايه وش سوى القعيس؟ ماذاعمل الاتحاد الدولي؟ احتجاج جديد اكتشفنا ان واحد منهم لابس كنادر؟

يبي يقولهم ((( طويل العمر ))) ........ امــســــــــــكو ســـــــــرا ...... ياليل ما اطولك يا ليل

نسيت اقوووول لـــ ( متكيه عند بقالة التركي ) تشكرين على الموضوع ونشكر الاموووور (( القروي )) على مشاركته الحلوه

مــهـــوووووب عــــــــاقل هالمصري......... بس شكله جايب العيد مع هالمسكينه والله اكبر تسنه في هالديرة اللي لو تقووول ((( اه ))) كان قعدوا يحللونها سنه وكل واحد يفهمها على كيفه غير (( البهارات )) اللي يبون يضيفونها عليها . بس المصري طقها صح ..وضرب عشرين عصفور بحصاة وحده حـــتى منديــــــــــات حرمه قاعدين يتكلمون فيه هو ولبنى ........ سلموني عليه

روفوا : ايضاً الزواج العاديالمتعدد يحقق ذلك......... بس اذا بغيت الجد زواج المسيار غالياً ما يكون ( سري للغاية ) وش السبب و سبب انتشاره في هالفترة ؟؟؟؟؟ السبب الرئيسي لان رجال هاليومين ما يقدرون يواجهون حريمهم بهالزواج ... تطقه النفاضه ولا يجيب الطاري عند مرته

السلام عليكم فعلاً كلامك سليم ..... هنا يجب ان نلتزم بالادب العام ..والمنتدى اعتقد ما وضع الا لـ لم الشمل ... مهوب للفتن واثارة البلبله بين الاعضاء .. كما انه يجب على المشرفين ان يتداركوا المواضيع الحساسه والعمل على حذفها وتنبيه الاشخاص الذين يفومون بأعدادها وشكرا على هذا الموضوع يا بنتها ....... وما انسى حبيبي القروي ......تسلم يا قرويشن

صدى الذكــــريات تسلم على الموضوع....... بس عندي سؤال ......ممممممكن؟؟؟؟؟ اللي عند الباب صار رجلها ؟ والا مين