حرمه عساها للمطر ديرة هل الـبـــــــــــاع

السلام عليكم ...

هذه قصيده جديده للشاعر ياسر ابن محمد الدويسي الفضلي اللامي قالها بعد ان تواردت انباء الأمطار على بلده حرمه والمجمعه وهو بعيد عنها

كريم يابرق سطع نوره على هاك الديار .. حرمه عساها للمطر ديرة هل الباع الطويل

عسى المطر يسقي ثراها كل ليل وبالنهار .. ويعيش اهلهافي سعاده كل صبح وكل ليل

والمجمعه احبها واقول عنها باختصار .. الديره اللي ماسكن في حبها رجل بخيل

عسى المطر يسقى ديار العز وديار الحرار .. شعيب حطابه عساه يسيل وشعب النخيل

ويسقى الحثاقي والخفيساء والنظيم وكل دار .. ومزيرعه و وادي المشقر جعلها دايم تسيل

يقولها اللي مل من بعده ومل الانتضار .. مليت ياعزوز من بعدي ولو صبري طويل

والله ياعزوز وضعي من غثى الايام صار .. مثل اللذي قاتل وهو في ديرة اخصامه دخيل

يعطيك العافيه اخوي وصح لسان قايلها

والله يرجعه لها بالسلامه

صح لسانه , والله كفو ولد محمد ,,

ياليت لو تزودنا بقصايدة اخوي الماس

صح لسان شاعرها ياسر و اختيار موفق ,, ياليت تطلعنا على المزيد ..

ما قصرت والله

تعديل في القصيدة والخطاء كان مني لاني كنت مستعجل في كتابتها

البيت الثالث الشطر الثاني ((حبها)) والصحيح حيها

البيت الخامس الشطر الثاني التعديل : ومزيرعه والباهلي ياجعلها دايم تسيل

صح بدنكم ومشكورين على المرور

هذا ملف صوت للقصيدة

اضغط على الرابط بالأسفل وأنتظر 12 ثانية ومن ثم أضغط على تحميل الملف

تحياتي للجميع

http://up2.m5zn.com/download-2009-4-17-09-jxgs0docr.mp4

الله يعافيك , ويسلم قلبك ,, صح لسانه والله

وعليكم السلام ابوتركي الدويسي كفو وجعل حرمه للسيل ويبشرنا ابو عبد المجيد وكل ديارالمسلمين عساها للسيل

كفو وصح السانك

وجعل الخير دايم على هلمدينه وغيرها