عبدالله بن أحمد قام بنشر October 12, 2008 ارسل تقرير قام بنشر October 12, 2008 ملطوووووووووش الأطرش في الزفة كنت جالس مع شباب خريجين جامعات امريكيه ويشتغلون في شركات وانا مسيكين متخرج من جامعة سعودية وموظف حكومي يسولفون ويضحكون وانا مدري وش السالفه واذا سألتهم يردون علي بتعجب: 'معقولة ما تعرف؟' اسمع السوالف يقول واحد: - مدير الـ HR عندنا مغرور وشايف نفسه - هذا قسم المغرورين لأنهم يعرفون ان الكل يحتاجهم. - ووين الـ MD؟ ما يتدخل بينكم؟ - مشغول باجتماعات ما تنتهي مع الـ CEO. - وحنّا متورطون مع جماعة الـ IT، ما نقدر نتكلم معهم ابد. - أوه.. هذولا اردى ناس .. دايمً يفضحون في الـ KPI. - يا جماعة حنّا في 'الويك إند'.. تكلموا في شي ثاني. أتنهد وأقول في نفسي: الحمد لله جاء دوري في الكلام يسأل واحد منهم: - وش أخبار الـ DFM؟ - تعبان، عشان ال IPO الأخير جاء على غير المتوقع، وما ربحنا فيه ريال - قلت لك أن هذا زمن العقارات. أقول في نفسي: العقارات؟ أعرفها ولله الحمد يقول واحد: - فيه فلل للإيجار في الـ JBR؟ - طارت الطيور بأرزاقها. أصحح كلامه وأقول في نفسي: قُل TTA، طيور، طارت، أرزاق.. يقول أحدهم: - اتركوا العقارات وخل نتكلّم عن زحمه في الشوارع. أقول في نفسي: أنا 'أبو الشوارع' وأعرف فيها أكثر من مطر الطاير. يقول المتحدث: - أمس جاي من أبوظبي، وبدت الزحمة قدّام الـ DIC إلى بوابة سالك. - وأنا كنت في طريقي للـ DMC وبقيت ساعتين في زحمة شارع الشيخ زايد. يخلص الكلام عن الزحمه، ويناظرني واحد منهم بعد الزقاره العاشرة والفنجال الخامس: - بو محمد، ليش ما تاخذ الماستر'؟ أقول في نفسي: أكيد أنه يقصد 'ماستر كي' وقبل أن أقول له مفاتيحي كلها في جيبي أتذكر أن المقصود هو الماجستير، فأقول بلا اهتمام: - ماعندي وقت - وكم كان الـGPA؟ - ما اذكر، بس انه 'أوتوماتيكي'. يضحك الجميع ويعتقدون أنني أمزح. ويوم جا وقت العشا يقولون: - مطعم هندي.. لا إيراني.. لا شامي.. يا جماعة اشتقنا إلى الـ KFC. كلهم وافقوا وقعدوا يناظروني ينتظرون رايي، قلت: - أنا باروح للبيت وأنتم روحوا للـ JBM. قالوا: - وشهو الـ JBM؟ - 'معقولة ما تعرفون؟' . . شرح الاختصارات: HR: الموارد البشرية.. MD: المدير التنفيذي.. CEO: الرئيس التنفيذي.. IT: تقنية المعلومات... KPI: مقياس مؤشر الأداء.. DFM: سوق دبي المالي... IPO: الاكتتاب.. JBR: جميرا بيتش ريزدنس.. DIC: مدينة دبي للإنترنت.. DMC: مدينة دبي للإعلام.. GPA: المعدل التراكمي.. KFC: كنتاكي.. JBM: جهنم وبئس المصير
سنعه قام بنشر October 12, 2008 ارسل تقرير قام بنشر October 12, 2008 حلوة الاختصارات ... تسلم على هالمشاركة
عبدالله بن أحمد قام بنشر October 13, 2008 الكاتب ارسل تقرير قام بنشر October 13, 2008 إلي أحلى من المشاركه تعلقك عليها تسلمين أختي
عبدالله بن أحمد قام بنشر October 14, 2008 الكاتب ارسل تقرير قام بنشر October 14, 2008 يسلمك ربي ياغالي
الكايـــــد قام بنشر October 15, 2008 ارسل تقرير قام بنشر October 15, 2008 [size="5]ينطيك الف عافيه خيواااه ع هيك طرح [/size]
عبدالله بن أحمد قام بنشر October 17, 2008 الكاتب ارسل تقرير قام بنشر October 17, 2008 موضوع فيه فائدة وهذا اللي نحتاجه تسلم اخوي
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان