بلدية حرمة, والدم الفاسد

لازلنا نعيش للاسف تحت ظل محسوبيات لم ينزل الله بها من سلطان ..

وكأننا مجبورون على تحمل هذا الوضع والذي لا ينبئ بأي تحسن على أية حال ..

وضع بلديتنا الان وبحكم عدم استقلاليتها بشكل تام .. لا يبشر بالخير ..

إذ من يقوم عليها حالياً .. هم للأسف غير قادرين على التغيير .. أو بمعنى أصح .. هم "فالصو" .. وفاقد الشيء لا يعطيه .. ربما هم بارعين في "سوء التعامل " و "تجميع الاراضي " .. والقبول من الله سبحانة!

لا اعلم حقيقة ماهي سياسة اصحاب القرار .. في وضع مثل هولاء في اماكن لا يملئوها بأي فائدة .. فالحي يحييك و الميت يزيدك غبن..

ربما قيض الله لنا رئيس بلدية المجمعة المكلف الجديد .. وهو شاب نشط ومتحمس وكانت له افضال عدة في تبني مشاريع مهمة لحرمة .. وقام ببعض الامور التطويرية التي لاحظها الجميع ,, الا ان هذا لا يكفي.. فبلدتنا بحاجة لرجال "ترعرعوا فيها" يقفون بأنفسهم على الامور التي من شأنها أن تساعد في نهضة حرمة .. حتى وان كانت المعوقات لا تعد و لا تحصى ..

اتمنى ان ننعم بأناس خيرين ..لا تلهيهم مصالحهم الشخصية عن مايهم حرمة.. ونطوير حرمة ..

اللهم عجل بالخير .. يارب العالمين

كلاامك صحيح بس ليه هالحدة ؟

اتمنى انك ما تفهمني خطا ..

مشكوووور

ان شاء الله يتحسن الوضع ..

بإذن الله إن الأمور تتعدل وتصير للأحسن

هي بس بلدية حرمة ؟

اشكرك اخوي ( جنتل ) على طرحك لهذا الموضوع والذي يتضح بأنه نابع من غيرتك على ديرتك وديرتنا جميعا ( حرمه ) فالكل يلاحظ ذلك والأمل كبير في الجماعة واهل الديره

ونسأل الله التوفيق والسداد للجميع

لك مني اطيب تحية

ذرب : مافي حدة اخوي ’ لكن الوضع محزن

سنعه: الله يسمع منك

السعلو : الله يسمع منك

حميان: خلنا على البلدية الحين

ابو ناصر: الله يكون في العون ,, واملنا في اهل الديرة كبير مثل ما قلت ,,

أخوي جنتل يعطيك العافيه لكن انا خيف من اليوم الي نقوال حي حرمه

وفي الفواتير الان هي كذالك الله لايجب ذاك اليوم ادخلو ياناس منتديات المدن الجاوره واقرو وش يكتبون

الله يخلف على حرمه بس

انا مو باط تسبدي الا هالمحنكيين اللي زارعينهم في هالبلدية .. ليه ما يشوفون لهم صرفة ..

أخوي جنتل يعطيك العافيه لكن انا خيف من اليوم الي نقوال حي حرمه

وفي الفواتير الان هي كذالك الله لايجب ذاك اليوم ادخلو ياناس منتديات المدن الجاوره واقرو وش يكتبون

الله يخلف على حرمه بس

يبطون وما تصير ان شاء الله اخوي عبدالله ,, لكن لازم الواحد يتحرك

انا مو باط تسبدي الا هالمحنكيين اللي زارعينهم في هالبلدية .. ليه ما يشوفون لهم صرفة ..

صادق ,, كأنهم جدران ,, لا يهشون ولا ينشون

سمعت خبر سار ان البلدية سيقرر لها ميزانية خاصة

وعقبال ما يفلترون هالكراتين اللي فيه

اه ياخوي والله جبتها ع الجرح

يعني انا من حقي بعد ديرتي تكون من احسن الديار .. والله ان شفت اللي حولنا اقول مااشاء لله بس هذولي اللي ينفعون ديرتهم موب حنا خيرنا لغيرنا

أشكرك على طرح هالموضوع والأهم انه يوصل للمسؤولين عشان يدرون ان فيه شكوى موب نسكت

وانحن مانقدر الا عن طريق المنتديات

مافيه ولي مصلح .. والا هذولا اقرشعهم على طول !