عندما تتنفس الرياض

تعيش عاصمتنا الحبيبة الرياض هذه الايام احلى ايامها السنويه خاصة مع تناقص اعداد السيارات وانسيابية المرور في الطرق الرئيسية مثل: طريق الملك فهد(رحمه الله) وطريق الملك عبدالله (حفظه الله) وطريق مكة المكرمة والدائري الشمالي والشرقي تندح على كيفك لازحمات ولا غثى المطافيق والحين متعة التمشي بضواحي الرياض واسواقها وحدائقها وميادينها الحق ديرة ثانية تعج بالحيوية والمتعة والتنوع السكاني .. ادري انك بتقول ماعندك احد قاعد في ها الحر والناس مصيفه بالخرج وحرمه والصداوي والباحه وحايل بعد حيي وبريده وكل ربو ع مملكتنا الحبيبه الله لايغير علينا ويحفظنا واياكم من مواطن الزلل ويرزقنا خير الدنيا والآخره انه ولي ذلك والقادر عليه .. (مايحس بالفرق والكلام الي اقوله الامن عاش في حبيبتي الرياض ولاتهون حرمه) ...وترى ابشركم الفواكه على قرش خوخ وتفاح وتين ومشمش وجوافه وموز وفيه فواكه مااعرف اسمه لكن تشبه للجراوه ولونها اخضر وفيه شي كنه برشومي بس مافيه شوك ... تراني جوعان مع السلامه..!!

أخوي صلاح

إلا وش اخبار الحلال ؟

والله قلبت المواجع ياصلاح وتسلم يمينك

الفياغرا تسلم على هالمرور وابشرك الحلال ماعنه منشود بزود ولله الحمد ... الا قلي وش ها الاسم عسى ماشر... فياغرا حديد ولا ؟؟؟؟

اخي معاند الجرح شد حيلك كلها ايام وتهون .. صبر حالك بتجهيز الثلاجات والعزبه والرجيلي وعدته يا ابن الحلال سعة الصدر في هالأمور ماتخلص.. شكرا على هالمرور الحلو.