معاند الجرح قام بنشر July 12, 2006 ارسل تقرير Share قام بنشر July 12, 2006 الجيب والقرناس وخوة هل الطيب تسوى مجالست الحضر فالمدينـه ماسبّهم واعرف انا مابهـم عيـب بس الهوى ياهل الهوى حـد لينـه عزبه وخيمه والصحاري مضاريب والتيس من قبل الضحى صالخينـه ومعلقينه من كراعه على الجيـب والبـن الاشقـر تونـا حامسينـه شبّت حطب ماهي بشبة عياسيـب ارطـا وعرفـج يمنّـا حاطبينـه واليا سنت شب الجروم اللواهيـب قام المقهوي قّـرب المـاء بدينـه ركّـب دلال مجلـدات المقاظيـب بغداد من سـوق الحفـر جالبينـه بيضن تـلالا يطعمـن المشاريـب تبعد عن انفـوس العبـاد الغبينـه واليا احتمى ماهن يشيل المراكيب يحـط كيفـن بالنجـر طاحنيـنـه فنجال ونص وردهن يمـه قريـب وجاب البريج وسكره فـي بطينـه وحطه على صفه هذيك المهاذيـب والبن فـاح وركـده فـي سكينـه وجاب الدلال الي يعرف المواجيب ثنتين غيـر الـي بهـن عاملينـه مجنون كيف ورتب الامر ترتيـب حـط البهاروريـح هيلـه يازينـه ثم زلهن لين استوى باخر السيـب وحطـه بنـاره ربنـا لاتهيـنـه وقال اقدعوا تمر حلو توّه امجيـب اخلاص من دار الحسا محظرينـه ثم صب فنجاله ومابـه عذاريـب والله على الفنجـال تسلـم يمينـه مجربن ماهوب يحتـاج تجريـب اي والله انـا كلـنـا مجربيـنـه مافيه ظيف وكل ابونـا معازيـب والشاي خدر والـورق حاكرينـه وعقب السوالف والقهاوي مطاليب كـل يناظـر للمـواتـر بعيـنـه نبي نهيّف فـوق روس المراقيـب وانفّرع القرناس لاجـل السمينـه اليا خطفهـا خطفتـن بالمخاليـب تبري النفوس الضيقـات الحزينـه واليا انتهى المقناص جبنا مكاسيب والحر الاشقـر عقبهـا مبرقعينـه ونمشي ونلقا يمّنـا فطـر شيـب ومفرود يطرد من ورى امه تنينـه وسط النفود ولانمـر الشخانيـب نخاف من ظرب الحصى فالمكينه ووساع صدر ونطقنا بالتراحيـب واعقولنا هـي العقـول الرزينـه ياليت لي دورن بغـوج الاطانيـب وانسى حضارات الخراب وسنينه اخير من طرد البنـات الرعابيـب واحدن تسمّع مـن عذابـه ونينـه ممشاي صح وخوتـي للاشانيـب رجل يصد اعن المراجل ياشينـه رابط هذا التعليق شارك More sharing options...
صلاح الحسن قام بنشر July 16, 2006 ارسل تقرير Share قام بنشر July 16, 2006 صح لسانك وتسلم على هذه المشاركة القيمة ... وان تبي الصحيح هيضت شجوني خاصة ان الوقت بدا يدني وقرب قضى القيض ودنا حروة سهيل وعلومه ... الله يجيب الخير .... شكرا من الاعماق مره بعد مره.. رابط هذا التعليق شارك More sharing options...
معاند الجرح قام بنشر July 16, 2006 الكاتب ارسل تقرير Share قام بنشر July 16, 2006 صح بدنك حبيبي وكانك تبي الصحيح اشتقنا للشعبان وطرد الطيور وانشالله نتشرف بخوتك ياكحيلان. رابط هذا التعليق شارك More sharing options...
صلاح الحسن قام بنشر July 16, 2006 ارسل تقرير Share قام بنشر July 16, 2006 معاند الجرح الشرف لي بخوتكم وكم واحد غالي وهو بعيد ... لكن الحق يقال فعلا نحن على احر من الجمر لموسم الصيد وكلها ايام وتسمع صوت القوارير وانت نايم بالسطح وتسفهل لشوفة اسراب الطيور وانت منسدح وعلى فكره ترى بشاير الدخل بينت ومعها بعض طيور البحر مثل : الغرانيق واني شفتها قبل اسبوع عند محطة الدبيه .. رابط هذا التعليق شارك More sharing options...
سنعه قام بنشر July 17, 2006 ارسل تقرير Share قام بنشر July 17, 2006 حسيت اني كاشته في البر .. قصيدة رائعة صح لسانك اخوي معاند رابط هذا التعليق شارك More sharing options...
معاند الجرح قام بنشر July 21, 2006 الكاتب ارسل تقرير Share قام بنشر July 21, 2006 صلاح الحسين اجل كان فيه ياحبيبي نزل وقت الحج يبيلنا خوه مقناص ياكحيلان والله يبشرك بلخير ولا تنسانا من صيدك صح بدنك اختي ومشكوره على جهودك في المنتدي رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان