الحــلم الكبــير

بــســم الله الـرحـمــن الـرحـيــم


أليكم هذه القصيده وأتمنى أن تحوز على رضاكم




ياصاحبي ماراح مايرجع من العمـر القصيـر
مافات من عمر أبن ادم مات غيـر الذكريـات
ونتي تمنيني علـى الأمـال والحلـم الكبيـر
وأنا تعبت ولاقـدرت أصـل لذيـك الأمنيـات
الحلم مات ونشوة الأفـراح والشـي الكثيـر
ولا تبقى بداخلـي غيـر الهمـوم الباريـات
الي برن حالي وعلنـي ونـا تـوي صغيـر
منهـن تمنيـت السنيـن الأولات الماضيـات
يوم الهوى ماحرك أحساسي ونا كلـي بخيـر
ماهمت في وادي القصيد ولارقيـت النايفـات
ولارحت أوصف من وصايفها بها الشاعر يحير
المهره الي كل أحاسيسـي لهواهـا طايعـات
ألا أستبانت وستـدارت كنهـا البـدر المنيـر
وأذا أدبرت منـي وقفـت قلـت يالله الثبـات
أغيب وصحي بالعيون الي كما حـد الشطيـر
أفيق من سكراتهـا ساعـه وعـود للممـات
ياصاحبي حكمتني وصبحت فـي حبـك أسيـر
وأنا برجوى شوفتك وحسب نجوم(ن) ساريات
العمر يمضي والليالـي فـي هوانـا تستديـر
ومركب غرامي ينتظر دفع الريـاح الجاريـات
ليتك تجي ياغايتـي ومنـاي يالحلـم الكبيـر
تشفي الجروح بداخلي وتحيي العروق اليابسات



النـــوفي