يانظفهم


منتهي

Recommended Posts

السلام عليكم وشلونكم وش اخباركم

في يوم من الايام جالسين نلعب كوره وامي مغير توايز مع الباب تراقبني لايخطفوني ( زين ) wub.gif

وصويلح ولد الجيران هو واخوه سلوم قاهريني عيال عمهم جايين من الرياض وانا اتمنى اسلم عليهم وهم يقولون لا !!

يقولون توسخهم اذا سلمتا عليهم

اللي قاهرني اني اول ماشفتهم قعدت اشمشم في ملابسهم واتمسح فيهم بيديني -- بس انا غبي نسيت اسلم عليهم بيدي قبل يجي صويلح !!!

يوووووووه ياهم نظيفين ومدري وش حاطين في روسهم يقولون انه جل يوم قالو لي انهم حاطين في روسهم جل رحت لامي وقلت لها ابي اكد شعري وأبي جل مثل عيال عم الجيران اللي جايين من الرياض !!!!

قالت امي الله يهاديها مهوب وقت الجح ياوليدي باقي على الجح شهرين

ويوم فهمتها القصه قالت ماعندنا الا خل انتسانك تبيني احطه على راسك يمكن تصير مثلهم

المهم ما اطول السالفه حطت امي الخل ويوم نشف شعري ولاه كأنه دعلج ينغز ويوم كديته انكسر المشط وسطه وعيا يطلع من شعري

رحت لهم وجلسو يضحكون علي ويقولون وشوله المشط قلت هاذي الموظه ياغبيكم !!!كل هذا وريحت الخل فايحهوهم ريحتهم طيب ودهن عود مثل اللي نشمه في الاعياد

وبعد شهرين قال ابوي بنروح للرياض وجلست يومين ما انام من الفرحه

ويوم وصلنا للرياض رحت اتمشى على رجليني ومافي مخباتي الا ريالين ودخلت على مطعم يقولون اسمه هرفي وانا جوعان قلت لهم ابي بيض مسلوق وكثر الشطه وقام يخربط الفلبيني ولا فهمت من كلامه شي بس اني اشرت له اثنين وانا اقصد ا ن ما معي الا ريالين والرجال فهمني غلط؟؟؟؟

المهم عطاني من هالسندويشات الكبار اللي اول مره اشوفهن في حياتي انا اخبر السندويشه حقت الفسحه صاموليه طويلهومعها جبن مبشور نشفت بطونا من كثر ماناكلها وتعودنا عليها صرنا اذا ما افطرنا عليها توجعنا بطونا !! بس هذولا اللي اسمهم هرفي صاموليهم مدور وغريب wink.gif

المهم دقيت العشتو الين خلصته ودفيته بالببسي الين تغرت وانا اقول الله يديم الرخص الله يعز الحكومه كل هذا بريالين blink.gif

المهم مع الشبعه ابطلع من المطعم ونسيت الزبيريات تحت الطاوله ويوم وصلت الباب ويردني الفلبيني اللي لابس لبس بنات ولاف قماش على خصره تقل بيرقص

قلت خير انشاللله قام واشر على الحساب

وانا اقول اوف نسيت احاسبكم والله الفشيله بغيت امشي وبس

ويوم رحت احاسب ماعرفت اتفاهم معهم بس كل اللي عرفته ان حسابهم 33 ريال

وضاق صدري وقلت لهم انا مافي معلوم حساب هذا كلام اثنين ريال وانا اقول جيب بأثنين ريال

هوا مافي معلوم كلام انا

انا مافي معلوم كلام هوا

في مشكل كثير mad.gif

وشوي دخلوني في المكتب الداخلي وجلدوني انواع الكرتيه مع اني شجاع وقوي بس الكثره تغلب الشجاعه

وما امداهم يعطوني بقسين مع البطن الا وانا معطيهم اكلهم كله ومعه الببسي blink.gifmad.gif

ويقوموني من على الارض ويطلعوني برا المطعم وزي مادخلت جوعان طلعت جوعان

بس اللي قاهرني ماعطوني الريالين حقتي wink1.gifoops.gif

رابط هذا التعليق
شارك

هههههههههههههههههههههههههههههههههه

هههههههههههههههههههههههههههههههههههههههههه

هههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههههه

الله يرجك حلوووووووووووووووووووووووووووووه

تسلم والله ياابو شعر مليان خل

اجل نسيت زبيرياتك تحت الطاوله اتوقع ماجلدوك الا بسبة زبيرياتك تلقى كل وحده منهن كنها ضب مرتز عند جحره ههههههههههههههههههههههههههههههههههههههه

وووين ريالين والله لوك داخل مقصف المعهد

هههههههههههههههههههههههههههههههههه

الله يرجك لكن صدقني انت تقطر حلالالالالالالالالالالالالالالالالالا وكلك ملح انت وشعرك اهم شي الاخلاق

ههههههههههههههههههههههههههههههه

تسلم الله يوسع صدرك بالعافيه

والله موضوع يستاهل من يشقله للمميزه بسطحه .. هو هنا مميزه ولا مابعد بنوها

هههههههههههههههههههههههه

لك تحياتي

رابط هذا التعليق
شارك

ههههههههههههههههههههههههههه

الله يرجك ان شاء لله ( في الجنه )........... امين

هوا مافي معلوم كلام انا

انا مافي معلوم كلام هوا

في مشكل كثير

هههههههههههههههههههههههه

ابداع في ابداع.............. الله يعطيك الف عافيه يالمنتهي ....

اجمل ما في الموضوع كله انه ما فيه كلمه ( منقول )

رابط هذا التعليق
شارك

هلا شباب ترى مانمت من البارح

كاتب الموضوع في الليل الساعه ثنتين انتسان منيب واهم او ثنتين وربع

وهالحين الساعه ثمان او ثمان ودقيقه وثلاثين ثانيه huh.gif

ماجاني النوم قلت ابشوف الشله (شلة الانس ) وش رادين على موضوعي -- هو معجبهم ولا اكتب ثاني الساعه 9 الصبح

عرق الاثله اي ضب تسنهن صل الله يحلل الضب عندهن تدري عاد انهن وراثه ابن عن جد وجايبهن ابو حرمة جدي من الزبير وكانو منول مايعرفون يمشون بالنعال !! كل واحد ماسك نعاله وضامهن في ابطه ويمشي حافي !! يعني صدقني ما انكرفن الا معي

تقول حلا افااااا اجل الذباب قبل فوق راسي

وتسلم على ردك اول نفر

انتا في اول نفر رد انا مبسوط wink1.gif

فيراني : وياك طال عمرك والمسلمين اجمعين

الابداع ردك يالفيراني

بس وراك صاير من فصيلة الفيرانيين انا خابر فيه فيران وجراذي بس فيراني يعني تملك وماخبرت احد يملك فيران..ي

اقول لاتزعل ترى امزح وانتسانك من فصيلة اللي يزعلون مشكل كتيييييير

بس اشوى انت من فصيلة الفيران ..ني biggrin.gif

<----- ماسكه على الفيراني الله يصبرك علي قل امين

اقول يالفيراني ترى ما احب انقل عن احد اي موضوع

هالموضوع من دمجتي المحترمه حفظها الله ورعاها وجعلها ذخر للاقلاع والمقلعين wink1.gif

رابط هذا التعليق
شارك

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان