حميان بيتش قام بنشر November 27, 2005 ارسل تقرير Share قام بنشر November 27, 2005 [align=center] الســــلام عــلــيــكم ورحمة الله وبركـــــــاته ....... وكل سنه وانتم طيبين حيال الله ربعنا الاولين مدري وش اقول بس مالي عذر على التغيب ( الله يعيينا على المدير ) المهم انا جايبن معي وريقتن من الصحيه كودها تعدي على هالمدير ادعولنا ياجماعه .. بس انتم وشلون نبي نعتذر منكم ... انا من تالي منيب فيد منول ما عاد نفضى ( اخس يا رجل الاعمال ) ، و من ديره لديره امس جالسين نتقهوى اخر النهار في موسكو ومير يعرض علينا واحد صفقه في باريس ونطمر ونوقعها ونتعشى عندهم ولزموا علينا نمرح عندهم بس قلت لهم ان المذن حق المسجد اللي في اخر العاير رايح يعتمر وموصيني ا أذن الفجر عنه وتركوني .... عاد من وعيت وانا قدام هالكمبيوتر وقلت ما دامنا مشقرين على النت وراء ما نسير على ربعنا ومير اشوفلي ذيك السالفه اللي تروق لكم قلت خلنا نعرضها لهم كودهم يرضون عننا ..... بسم الله ... يحكى أن ... لا هذي ( يحكى انا ) مهيب راكبه على السالفه نقلبها سباحين ونقول ( ذاك الواحد والواحد الله وكل ابليس مخزيه الله ) ... فيه واحد جالسن مع مرته وعياله و مبسوط بيت ملك ومره وعيالن صالحين وسياره اخر موديل ... مسكت معه يوم من الايام انه يخربها و يعرس ( يا مال الضعفه ) ولا وده ان مرته والا عياله يدرون يقاله يبي يوسع صدره . المهم انه ما قصر و أعرس عرس مسيار .. وحاطن في راسـه ان العرس مؤقت ويبي يصرفها بعدين ( ايه يحلفون ) ولا وده احدن يدري عنه .. بس مرته الجديده ودها الناس يدرون ..... الجديده بدت بحركاتها علشان يعرفون الناس من دون ماتقول ( ان كيدكن عظيم ) خصوصاً في السياره اذا نزلت من سيارة رجلها ياما ناسيتن شنطتها ومره جادعتن عطرها ومره روجها ...لا ومره تاركتن شيء مانيب معلمكم وشووو تبي اهله يدرون .. بس هو ذهين ما تفوت ليه هالحركات اذا جاء يروح لعياله نفض السياره نفض .. جاء يومن من الايام ولا الادمي طالعن مع زوجتها الجديده للسوق وتأخر على عرس يبي يحضره هو ومرته القديمه المهم وشب على الجديده يبي يطلعها من السوق ( حرمه ودخلت سوق ) وهي ودها تأخره علشان ينكشف الموضوع المهم انه طلعها ورعص على البنزين طاير ونزلها في بيتها وراح طاير لمرته القديمه ومن العجله نسى ينظف السياره دخل وغير ملابسه ونزل هو و ام عياله وركبوا السياره وفي طريقهم ناظر تحت رجليه ولقى ( تكرمون ) جزمه نسائيه ... طاااااح قلـبـه . .. والتفت يم أم العيال وشافها لاهيه برويحتها وصار يحرك الجزمه برجله الين حطها تحت الكرسي وهو أنواع العرق والوجه محمر ... وعند اول أشاره ( فائدة الوقوف عن الاشاره ) فتح الباب شوي شوي ونطل الجزمه وقفل ( وياباب مادخلك شر ) وقـــال : اااااااه .. ورجعت المؤشرات لوضعها الطبيعي ... المهم انهم وصلـوا العـرس .. يوم جو ينزلون صارت ام العيال تقلب على جزمتها .. وتقلب السياره فوق تحت مالقت شيء ... وتسأل رجلها ابوعلي ما شفت جزمتي توني فاصختها في السياره ومدري ين ر احت ؟؟؟؟؟؟؟؟؟ [/align] رابط هذا التعليق شارك More sharing options...
القروي قام بنشر November 27, 2005 ارسل تقرير Share قام بنشر November 27, 2005 وأنت هالحين فرحان صاد عنا من مبطي وانت غايب يامال الزوجة الثانية اللي تخليك تعرق وتنحرج وتحوسك حوس وانت تنظف سيارتك يالله خذ موضوعك للسطح وارفع يديك وهذا جزاء اللي يغاب كالعادة تبطي وتغطس وتجيب الجديد ,, رح الله يصلحك مسامحينك والله ياطلت وجهك انها تفتح النفس في هالمنتدى ياااهلا والله وغلاااااا بك <<< مااش يحبك عجز يقاوم المفاجأة برجوعك رابط هذا التعليق شارك More sharing options...
حميان بيتش قام بنشر November 28, 2005 الكاتب ارسل تقرير Share قام بنشر November 28, 2005 [align=center] القروي انت فيذا هلا و غلا .. عساك استانست بشوفتي ( واثق ) الا هالحين يوم انك ترفع يدي وش انا مسوي .... اجل وش يبي يزين لنا المدير ؟ باتسر ابجي لابسن شرابت تحتها بلاكاش ... شكل الشغله فيها فلكه والله ياقليبي تناثر يوم شاف ردك .... تسن اللي مكلمني ( .....) شكرا على ردك ويشرفني انه الاول ... وشكرا على تثبيتك الله يثبت قلبك على طاعته [/align] رابط هذا التعليق شارك More sharing options...
عبودي قام بنشر November 30, 2005 ارسل تقرير Share قام بنشر November 30, 2005 (معدل) ههههههههههههههههههههههههههه حميان الله يرج سموك ياشيخ على هالسالفه رهيبه بس كمل وش رد عليها ابو علي يو سألته عن جزمتها اكرمكم الله كخخخخخخخخخخخخخخخخخخخخ ياحض ابو علي والله انه لاقيهاااااااااااااااااا ههههههههههههههههه اقول حميان تخبر لي احد يزوج مسيار ياخوي ذبحتني العزوبيه هههههههههههههههههههههههه ولاودي اعرس زواج رسمي ودي بالسريه التامه مثل ابو علي كخخخخخخخخخخخخخخخخخخخخخخ ههههههههههههههههههههههههههههههههههههههه ماتعرف جوال ابو علي يمكن يدلنا على احد كخخخخخخخخخخخ كثر لنا من هالسوالف تراها تجوز لي كخخخخخخخخ هع تم تعديل November 30, 2005 بواسطه عبودي رابط هذا التعليق شارك More sharing options...
سكر قام بنشر November 30, 2005 ارسل تقرير Share قام بنشر November 30, 2005 وووووووووووووووااااااووووه حميان كيف الحال ( ميانه ) الله من الدلاخة في بعض الحريم اللي أنسرق رجلها ما تبي تنسرق جزمتها . الا على فكرة زوجها ( جدع ) اليمين وإلا اليسار !!! جدع : تعني ( نطل) بالسديراوي و ( نطل )تعني سرق بالقصيمي و ( ن) نون الحرامية ( طل ) نظر من دريشة السيارة وإذا إجتمعت ( ن + طل ) يعني في الموضوع إنه وجدع بالمصري تعني ( راقل ) والراقل هو أي واحد يوقف العمدة عند حدووووووووه . حميان الله لا يحرمنا منك يا راقل رابط هذا التعليق شارك More sharing options...
حميان بيتش قام بنشر December 2, 2005 الكاتب ارسل تقرير Share قام بنشر December 2, 2005 الـســـلام عــلــيــكـم .... هـــــلا بــعــبـــووودي هلا زارتنا البركه اقلط خذ راحتك ..... بس لا تسأل عن كمالة القصه ...( المخرج عاوز كده ) أشوفك صاير تحرج في المنتدى تبي تعرس أجـــــل مـــاهنا صــــــبر !!!!!!!! تبي الجد طالعن " نحلة الساخر " وعلشان كذ مانيب معطيك رقم الرجال ... أخـــاف مانشوفك هنا على شوفتك رابط هذا التعليق شارك More sharing options...
حميان بيتش قام بنشر December 2, 2005 الكاتب ارسل تقرير Share قام بنشر December 2, 2005 [align=center]الـسلام عليكم حــــيالله (( الزميله )) وابحط تحتها عشر خطوط ســكر زيــاده ابلى العربي ... عندنا فيذا ... قيام يا شباب ... جلوس ... شرفتينا يا مشرفتنا درس قواعد على الطاير ...ذكرتيني برابعه جيم على مروركم وشرطتكم[/align] رابط هذا التعليق شارك More sharing options...
حفيدة سوير قام بنشر December 20, 2005 ارسل تقرير Share قام بنشر December 20, 2005 لوووووووووووووووووووووووووول والله انك رهيببببب داخلتن صاكه الدنيا بعيني مير يوم شفت سالفتك انشرح خاطري <== وش دخله هوو الله يعطيييك العافيييه يارررب وعقبال التخرج <== ياعمري مافيه اسلوب رابط هذا التعليق شارك More sharing options...
حميان بيتش قام بنشر December 26, 2005 الكاتب ارسل تقرير Share قام بنشر December 26, 2005 السلام عليكم هــــــــــــلا و غـــــــــلا هلا بحفيدة سوير ...... سلامااااااات عسى ماشر الله يوسع صدرتس بالعافيه و الله يعافيتس وتشكرين على الزياره هذولي اللي يرفعون معنوياتنا ... تسلمين يا الحفيده رابط هذا التعليق شارك More sharing options...
احمد منصور العقيل قام بنشر June 5, 2006 ارسل تقرير Share قام بنشر June 5, 2006 الله يسلمك على الموضوع وننتظر المزيد رابط هذا التعليق شارك More sharing options...
!!الريم!! قام بنشر May 12, 2007 ارسل تقرير Share قام بنشر May 12, 2007 كيدنا عظيم بس فيكم حقكم (الصراحه راحه) بس احلى شي يمال الضعفه كاكاكاكاكاك مشكـــــــــــــــــــــــــــــوور!! رابط هذا التعليق شارك More sharing options...
samford قام بنشر October 18, 2007 ارسل تقرير Share قام بنشر October 18, 2007 المنتدى نايم وين الأعضاء يحركونا بمثل هالقصص الحلوة لك رابط هذا التعليق شارك More sharing options...
ربص جمش قام بنشر October 26, 2007 ارسل تقرير Share قام بنشر October 26, 2007 اجل نزلت المسيكينه حافيه للعرس ههههههههههههههههههههه وكل هذا بسبب ذهانة الزوج الله يرحم حاله بس تبي الصدق اللي سواه يشفعله وغلطة الشاطر بعشره مبدع اخوي حميان بيتش وبانتظار عودة الجميع رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان