اذا قلطوا وماقلطوك ولاجاك بخور وش تسوي؟؟

اذا دعيت لمناسبة زواج وكان هناك مجلسين المجلس الاول اللي فيه المعرس ممتلي والمجلس الثاني فيه سعة ومكان وجلست فيه عن الضيق وتقدير للكبار في العمر وبعدين دارت المباخر وثعور العود لاكن مالك نصيب كان للمجلس الاول اللي فيه المعرس والمجلس اللي أنت فيه مامن لون وجاء وقت العشاء وشفت الناس تقلط وماجاء احد يقول تفضلوا حياكم الله . وش تسوي ؟ وكيف تتصرف ؟

ودي اعرف رأي أهل المواجيب والاصول.

قط أنك متشره على أحد

شف وأنا أخوك تعامل دائما مع جميع المواقف بعفوية وطبيعية

والله شف ياالقروي الشرهه حاصلة , وحنا بوقت الله يجيرنا واياك وكل مسلم .. الناس تدربي هالراس وماعندك احد وترى الاولين ماصارو واستوو الاانهم مايفرطون بالصغيرة قبل الكبيرة وحنا الحين لاعلوم ولا اصول والتكاميل صارت في المجالس والعباة على الكتف لا وقدام اخوها وعند ابوها ..لاكن الخير ابشرك موجود ومايعدم ورجال المواجيب واجد..وترى لولا الغلا ماشرهت ....

هلا اخوي القروي

اولاً العزيمة مليانة ناس

فما راح احد يدري عني فعشان كذا اقلط واتعشا بعد ما اتعشا اتشره وازعل وخلاص اصير معصب ولا اكلم احد لاكن عقب عقب ما اتعشا واملا كرشتي اذا هم ماقدروني اكيد اني انا جاي بعد للعشا مهب لهم وبس

اوقع اني جاوبتك