تعالوا شوفوا معاناتي


ريماس

Recommended Posts

السلام عليكم ورحمة الله وبركاته

يالله حيهم واحيهم

هذي الساعه المباركه اللي دخلتوا فيها موضوعي :

جيت بقول لكم معاناتنا مع الكمبوتر

وان تسان ودكم تشترون لنا واحد الله يجزاكم خير بس اهم شي يصير لاب توب وغالي والا ترى ما نبيه <<<<<<<< طراره وتتشرط ninja.gif

بدت معاناتنا قبل اربع شهور حيث انه جهازنا الاول لقد انه خرب من كثر ما فككنا فيه وحسناه وما خلينا فيه شي صاحي blink.gif

قررت انا واختي نشتري جهاز جديد

ونتصل على محل الكمبوترات ونسأله عن الاجهزه يقال لنا اننا فاهمين وحنا من جنبها shsalfa.gif وكل يوم نتصل ونسأله وهو ما غير يعيد نفس الكلام كل يوم

والمسكين مل مننا بغى يعطينا جهاز هديه tongue.gif

وبعد مؤتمرات ومشاورات واخذ ورد بيني انا واختي a13.gifa13.gif <<<<<<<<<< بيصنعون قنبله نوويه من هالمشاورات

قررنا نحن ريماس ما هو آت : gurl.gif <<<<<<<<< مب عاقله مجلس الوزراء

اولا : اننا نشتري كمبوتر جديد

ثانيا : محد يفتحه الا انا ويااختي <<<<<<<<<<< نذاله

ثالثا : على الجهات المختصه تنفيذ امرنا هذا . Saudi_Arabia.gif

طبعا رحت اتصلت على المحل وقلت له وش نبي وقلت له متى بتجي قال بعد نص ساعه

مرت نص ساعه ما جا

ساعه الا ربع ما جا

ساعه

واخذ التليفون بتصل بس ما امداني رفعت السماعه الا

ترن ترن ترن ترن <<<<<<<<<<<<< مب التلفون هذا الجرس 009.gif

وتنقز اختي الكريمه وتاخذ جلالها من الحماس لازم ترتز عنده وهو يدخل الكمبوتر

الحمد لله وصل الكمبوتر رحنا انا واختي بنشبك الاسلاك

الكيبورد خربااااااااااااااااااااااان يا لهووووووووووووووووي sad.gif

الماوس ما يشتغل

السماعات مدري شفيها

الشي الوحيد اللي يشتغل هو المودم 117.gif

اهم شي الاخلاق وحب الوطن laugh.gif

على طول للتلفون

أنا : الووووووووووووووووووو

هو: الووووووووووووووووووووووووووووووو

أنا: ليش الكيبورد ما يشتغل والماوس تعال الحين خذها وغيرها والا صلحها <<<<<<<<<< ما عندها وقت

هو: انا ما في معلوم كلام مدير

أنا: عطني الرقم <<<<<<<<<< ما فيه تفاهم

هو:***************************** <<<<<<<<<<<<< رقم دولي ذا 117.gif

سكرتها واتصلت بالمديرالمهم ما فهمت كلامه

ونرسل كل اللي ما يشتغل مع اخوي

ومثل ما يقولون قديمك نديمك

رجعنا لشاشتنا الاولى والكيبورد والماوس

حتى السماعات لان اللي اشتريناهن خربن بعد كم يوم يعني ما فيه جديد الا المودم

اهم شي انه ينفتح النت

جلسنا فتره وحنا عايشين بسلام مع هالكمبوتر :

مره صرت سنعه وقلت بنظف الجهاز 001.gif لانه الغبار حاجب عنا الرؤيه والجو غائم الى غائم جزئي <<<<<<<< الاحوال الجويه

المهم واجيب الفوطه وبخاخ تنظيف وانظف الشاشه والطاوله يوم جيت للمودم شلته من الطاوله عشان ما يخرب ونظفت تنظيف يمشي الحال :

ومسحت المودم واجي بشغله ما يشتغل

ومره ثانيه احاول ما اشتغل

وتجي اختي وتحاول فيه ما اشتغل

وبعد محاولات

حسيت برائحه تخترق انفي واذا بالمودم قد احترق << يمديكم على الفصحى

لااااااااااااااااااااااااااااااااااااااا

صرخت ما اقدر اتحمل يوم بدون النت

امووووووووووووووووووووووت اذا ما كلمت جووووووووري بالمسن <<<< عوقها السواليف

من بكره على طول اتصلت على المحل <<<<<<<<<<<< احس الهندي بينتحر مننا mad.gif

وقلت له عن المودم طبعا قال جيبوه قلت انت تعال خذه قال لاااااااااااااااااااااااااااا

بعد محاولات وافق وجا

اخذه وقلت له فرمته وحط برامج حمايه ومن هالخرابيط

جانا الجهاز

ياليته مثل قبل .........لا ........... ...طلع يجيب الهم هذا اللي مفرمت وانا اقول بيطلع زين وبيتعدل حاله

آآآآآآآآآآآآآآآآآآآآآآآآآآآآآآآآآآآآآآآآآه

قسم بالله صار يرفع الضغط angry.gif

مثلا : وانا متحمسه اسولف بالمسن تطلع لي نافذه حصل خطأ سيؤدي الى اغلاق المسن ويتسكر

واذا جيت افتحه مره ثانيه يعاند ما يفتح على طول والا يعلق علي

بس انا قايله يا انا يا المسن لازم اوريه واعلمه انا من <<<<<<< انهبلت smiley_orange.jpg

وانا جالسه اقرا قصه ومندمجه يتسكر كل الايطارات اللي عندي

وانا اتصفح النت يتسكر الجهاز كله

وانا احمل برامج ما بقى الا شوي ينقطع الاتصال

خلااااااااااااااااااااااااااااااص لقد انني سوف ارتكب جريمه في هذا الجهاز

لكن ما اقدر الحين لاننا ما نقدر نستغني عن النت عشان كذا ذالنا هالجهاز ويمشي كلامه علينا والمشكله اذا جا بيتسكر ما يستأذن ...لا..... يتسكر من نفسه aaah.gif

في الختام:

اهنيكم باليوم الوطني<< ما عرفته الا يوم صار اجازه gurl.gif

والله يديم علينا امننا ووطننا الغالي Saudi_Arabia.gif

تحياتي

رابط هذا التعليق
شارك

خخخخخخخخخخخخخخ

الله يصبرك يا رموووسه

و الله تقريبا هذي زي حالتي

بس لحظه لحظه <<< احب اهنيكم بمناسبه اليوم الوطني على قولتك يا ريماس ما عرفناه الا يوم صار اجازة خخخخخخخخخ

المهم الله يعينك على الكومبيوتر اللي يوجع الراس

رابط هذا التعليق
شارك

هلاااااااااااااااااااااااااااااااوغلااااااااااااااااااااااااااااااااااااااااااا ببنت عمتو

ياقلبي عليكم انا من زمااااااااااااان وانا اهوجس اجيب لكم لاب توب <<<<<<<خخخخخخخخخخخخ كثري منها جيبي لعمرتس اول 117.gif

ياحبي لتس حتى انا اموووووووووووووووت اذا ماكلمتس wub.gif

الا صح كل عام وانتم بصحه وعافيه والله يخلي لنا وطنا الحبيب الغالي Saudi_Arabia.gif

بلادي بلادي منار الهدى Saudi_Arabia.gif

ترم

ورمز البطولة طول المدى Saudi_Arabia.gif

ترم<<<<<<<<<<<<يمديكم على الموسيقى 117.gif

تحيتي 118.gif

رابط هذا التعليق
شارك

ريماس كخخخخخخخخخخخخخخخخ ايه تسذا الكلام ولابلاش سوالفتس حلووه وعسل ph34r.gif

لكن زحمتك ومشاويرك على هالمعانات موتني من الضحك كخخخخخخخخخخخخخخخخ khaleejee.gif

الله يعينتسسسسسسسسسسسسسسسسسسسسسسسسسسسسسس كخخخخخخخخخخخخخخخخخخخ 117.gif

طيب الضاهر كمبيوترك من النوع القديم ويكح غبار ولاالمعالج انتل سرليون كخخخخخخخخخخخخخ blink.gif

بعدين اسالي اهل الخبره مثلي هع << ماانت بعاقل يالخطير كخخخخخخخخخ laugh.gif

تراني افيدتس في اشياء زينه ومواصفات الجهاز يالسحليه كخخخخخخ ph34r.gif

وانا احمل برامج ما بقى الا شوي ينقطع الاتصال

56391[/snapback]

وعلى قولتس انقطع الاتصال وضاع البرنامج كخخخ

عليتس في برنامج Download Accelerator Plus انصحك فيه ممتاز ويفيدك ياريماس wub.gif

وللتحميل ارعصي فيذذذذاااااااااااا http://ftp.gen.net.id/pub/online/dap7.exe 003.gif

هذا البرنامج للتحميل وبسرعه واذا انقطع الاتصال يكمل التحميل ولايروح ابد هع يفيدتس بقوه بعد 11_1_120.gif

ويتميز البرنامج بسرعة التحميل والإضافات الرائع في هذه النسخة الجديدة والكاملة rolleyes.gif

وفيه طريقة العرض الملفات الفيديو قبل أن يتم التحميل cool.gif

اما الفرمته تتعب الجهاز وتقصر عمره وتخلي ادائه يقل ولااعاد يصير مثل اول بالعكس يروح فيها كخخخخخ

لان الفرمته سهله ولو تبيني افرمت لتس جهازتس سهله ولايحتاج لها ياحلوه

بس الفرمته لاتستعملينها الا اذا انعطب السستم اي النظام حق الكمبيوتر او دخل فايروس في النظام فقط فهمتي khaleejee.gif

ماهو كل مااخربت ملفات او انعطبت ملفات برامج او صار ثقيل او زي كذا قلتي فرمته كخخخخخخخخخخخ

واذا جهازك اكس بي وبطيئ وتعانين من التعليق حطي هالكلمه prefetch في التشغيل run (( يفضل حذف الملفات بااستمرار))

واحذفي الملفات الي بتطلع لك وراح يصير سريع

نطمر سطر هع khaleejee.gif

-------------------------------------------------------------------

الله يبارك فيتس GlolololooooooooooooooSH.gif

ويسلمك ويبارك لتس في هالمشاعر الطيبه يارموووووووسه blush.gif

نقفز سطر khaleejee.gif

--------------------------------------------------

وبهذه المناسبه الوطنيه blush.gif

003.gif أرفع اسماء وايات التهاني الى خادم الحرمين الشرفين ابو متعب حفظه الله

والى ولي عهده الامين سلطااااااااان الخير

والى الشعب السعودي وعلى راسهم اهل سدير كافه

وتقبلوا خالص تحياتي وتقديراتي واحتراماتي والسلام heartpump.gif

مستر عبود ي bye1.gif

رابط هذا التعليق
شارك

عقد اللولو

الله يعينتس على جهازتس ان تسانه مثل جهازنا(: << من العجز حاطه رد سريع

وبالنسبه لكمبوترنا جاه فتره معد ينفع لكن الحين اشوا رجع لعقله وتعدل<< حلوه عقله

تشكرات يا قلبي ع الرد

جوري

هلا بتس

وين هاللاب توب لتس شهرين و10 ايام تقولين بجيب ولا شفنا شي<< حاسبتهن

وبعدين هالدوام اللي في الليل غيروا وقته عشان يمدينا ننام تشاوري انتي واختتس وعلميني(:

تسلمين ع الرد يالغلا

عبودي

والله جهازنا اول عمره زين بس كله من هالملفات والفيروسات اللي جته):

وبالنسبه لمواصفات الجهاز كنت بسوي نفسي فاهمه ولا سألت اخواني مع انهم يعرفون بس لقافه فيني قلت بجرب واشوف

لكن الحين الحمد لله تعدل(:

ومشكور ع البرنامج

شرفني ردك

تحيتي

رابط هذا التعليق
شارك

  • 3 weeks later...

خخخخخخخخخخخخخخخخخـ

أثركم دبلماتسسن

شريتو جهاز طيب

ههههههههههههههههـ

ما ضنتي

أحس ان الجهاز الي معكم

3 بنتيوم

والرام 64ميجا

خخخخخخخخخخخخخخ

الله يرجتس مثل الببسي

تحياتي

رابط هذا التعليق
شارك

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان