حميان بيتش قام بنشر February 21, 2005 ارسل تقرير Share قام بنشر February 21, 2005 السلام عليكم .. هلا وغلا بكل الاعضاء واللي مسيرين يتفرجون ..معليش ابطيت عليكم بس كنت في رحله مكوكيه ( حلوه مكوكيه) مسير على ربع لنا هنا وهناك وجمعت لكم اخبارهم قلت اجي اقولها لكم : توأمان دلخان هذا مره وانا رايح للصين ( تايبيه ) تافل العافيه وجالس في الفندق فاتح التلفزيون يوم طلع هالخبر : - فيه اثنين حرميه توأم (ركزوا صينين وتوأم ، ماعرفناهم وهم عاديين وشلون توأم) المهم انهم دخلو على محل اليكترونيات في بكين طبعاً يبون يسرقون( اجل جايين يسولفون ) .. وبعد ملو شناطهم بكل أنواع الأجهزة ، قالوا ترا عندنا وقت نتقهوا ونطق حنك ونصور بعض خلنا ناخذ صور تذكاريه في هالمحل وخذ كل واحد منهم كاميرا رقمية جديدة وبدو يصورون بعض وحركات مره وقافي ومره متسدحين ، وبعد ما خلصوا تركوا الكاميرا في المحل وطلعوا ,,,,, والامووور وش زينها لا مشاكل ولا ( صادووووه ) .. ومن باتسر والناس مصبحين على خير والا عمال المحل يلقون كمرتين مجدوعه فوق الطاوله اللي مصورين فيها هالمهبل وباين من الكاميرا ان فيه احد مصور منها . وبعد ما حمضوا الصور ( حلوه حمضوا ... وهي رقميه ... بس مشوا حالكم ) اكتشفوا الشرطه انهم اعته الحراميه في الصين من أرباب السوابق وقدروا - بفضل الله ثم هالصور- من إدانتهما وإثبات التهمة عليهم ..... وعلى ماقالوا اخواننا المصريين ( لابساهم لابساهم القضيه ) مهوب كذا وخلصت القصه لا ازودكم من الشعر بيت صرح رئيس شرطة بكين ( زميل دفعه ) اللواء / طق فق رق بن مانيب قايله في تصريح خاص لبوابة الساخر :- (( هذه الصور أثبتت أنهما توأمان متطابقان الأمر الذي يفسر استمرار السرقات حين نقبض على أحدهما ثم نطلق سراحه معتقدين اننا على خطا )) ... دليل على ان الزملاء هناك دلووووخ من نفس فصيلة ربعنا ************************************ دعايه غبيه ومن الصين رحت مسير على ربع لنا في المكسيك وانا اتمشى في الديره انا وواحد من هالخواجات والاقي دعايه مهيب صاحيه .. صحيح اني قعدت اركز و اركز على الدعايه ( بس مافهمتها ) تدرون ليه ..... لا غلطانين عندي لغه بس ما اقتنعت من هالدعايه كاتبين فيها :- يعلن المطعم عن استعداده لتقديم وجبة مجانية طوال العمر لكل من ينقش على عضده شعار المطعم ( شكل راعي المطعم رايق يوم طلعت هالدعايه في باله ) المهم العالم تحمسوا للموضوع واحد من زود الحماس فتح له محل ( نقش و وشم و يوجد لدينا بطاقة سوا ) جنب المطعم .. تصدقون من الاسبوع الاول تقدم 50 شخص موشمين انفسهم بشعار المطعم وفي الاسبوع الثاني وصلوا الى 100 وإلى 129ثم إلى 233 وصارالمطعم يستقبل عائلات كلها موشمه انفسها وصار شغله مجااااني .. الأبله مهوب راعي المطعم، الا الزباين وشموا انفسهم بوشم مهوب رايح طول عمرهم اما بالنسبه للمحل يقولون انه قفل من الخساير وراعيه المسكين في السجن ... الله يعقله !************************************ حركات مكاتب في ألمانيا هناك دار نشر قديمه ومعروفه يسمونها : "شيراند" معروفة و متخصصة بالخرائط والأطالس الجغرافية الدقيقة ( الدقيقه حطوها بين قوسين وتحتها ثلاثة خطوط ) . ومره وهم جالسين يراجعون خرايطهم ركزوا على اعلى قمه عندهم اللي هي ( جبل بروكن ) أعلى جبل في ألمانيا ، (ما ودك الا تجلس فوقه وتقزز في هالعالم) .. المهم ان القياسات الاخيره طلعت تقول أن ارتفاع الجبل هو 3747قدما وليس 3741مثل ما هو مكتوب في الخرايط اللي ناشرينها ، وعلشان ما ينقال ان ما عندهم سالفه على دقة معلوماتهم وصعبه يسحبون كل الخرايط من الاسواق واللي وزعت برا ( مساكين توهقوا ) تعرفون وش سوو ؟؟ اتفقوا مع مقاول انه يرفع قمة الجبل ستة أقدام اضافية باستعمال كومة من الصخور الطبيعية( هذي حركات المكاتب اللي يوصون عليها ... ما عندهم وقت ) *********************************************************** شــرارة هذا مره وانا مسير على ربع لنا في ديرة الانجليز بريطانيا ركبت لي قطار وبالصدفه جنبي واحد طاقته العبرة ووده يصيح بس شكله مستحي مني ما يدري اني ما افهم صياحهم ... المهم قلت هالمسكين خلنا نشوف وش قصته ويضيع علينا وقت هالمشوار .... ومير اقوله يو سبيك انقلش قال لا .. قلت ابرك حتى انا مانيب اسبيك .. قال اجل انت من الربع قلت ايه انا عريبيا قال انا برازيليا بس اعرف عربي ... قلت مهيب مشكله عربي والا انجليزي المهم وراك طاقتك العبره وودك تصيح عسى ما شر ؟ قال شف انا دكتورفي الجامعه وكنت طالب من شركة امريكيه انها ترسلي جهاز لكشف الاعصارات ابي اشرحه للطلاب ... المهم وصلني الجهاز وقعدت احورف فيه شوي ومير القى ان ابرة القياس اللي في الجهاز تقول ان فيه اعصار .... مع ان الجو صحو وش زينه ولا هبت شمال ولا شرق يعني الدعوى ركاده قلت هالجهاز اللي مرسلينه خربان طلبت حق البريد وقلت له الله لا يهينك لو ترجع هالجهاز للشركه اللي جبناها منه قال : عندك عنوانهم قلت انه على الظرف .. جلسنا ندور الظرف ما لقيناه قلت ما يبيلها الوقت يطير وانا ما نيب فاضي خلني اروح ازرق على الشركه واخذ الجهاز بنفسي احسن ... رحت للشركه وجربوا الجهاز عندهم ما لقوا فيه شيء قلت طيب علشان هالمشوار بالله عليكم غيروه ... رحموني وماقصروا وغيروا هالجهاز .... ..قال مهيب هذي المشكله قلت اجل وش فيك ؟ قال يوم اني رجعت لبيتي لقيت الديره جايها اعصار وبيتنا لقيته متعلق فوق شجره ومرتي و ولدي يطلبونك الحل قلت اقول انت شكلك شراره .. عن اذنك ورحت لمكان ثاني ************************************ غرام و انتقام وهذي سالفه وانا رايح لتايون انا ورفيق دربي (( القروووي )) ومير امر انا وياه واحد من الزملاء في الشرطه قلنا خلنا نتقهوا عنده قبل ما نجيب البضايع اللي موصينا عليها الدختور المهم وحنا عند خوينا في قسم الشرطه ولا الهيئه حقتهم مسحبين لهم ولد (وش ملحه من زود ملحه صاير خانس) المهم سلموه لخوينا وراحوا الهيئه ، قلت لرفيقنا وش قصة هالادمي شكله مهوب راعي مشاكل ( رحمته ) قال زميلنا : - هالادمي مرسل إلى حبيبته 1320رسالة حب بس في سنتين تصدقوووووون ( يعني رسالتين كل يوم ... حشا هذا دواء مهوب رساله ).. لا والمشكله انه حياوي ( يا ربيه ) تصدقون انه ما كتب اسمه على أي رساله بس انه مواعدها يعلمها من هو اذا وافقت البنيه على الزواج . وبسبب كثرة الرسائل اللي ضيعت وقت البنيه في قرايتها و وسخت غرفتها رفعت البنيه دعوى قضائيه على اللي كاتبها .... تدرون من طلع اللي كاتبها زميلها في المكتب ( مسكين .. حبيب ) المشكله هي ان البنيه تزوجت من ساعي البريد اللي جاز لها بعد ما شافته 1320مرة في سنتين وسلامتكم مع حميان وكل ديره وانتم بخير رابط هذا التعليق شارك More sharing options...
شنطة فسحه قام بنشر February 21, 2005 ارسل تقرير Share قام بنشر February 21, 2005 هههههههههههههههههههههههه الله يسلمك ويعافيك يا حميان على ها الجوله الي وش زينها.... والله انك احرك واحد في ها المنتدى.....تدري انك تكسب فينا اجر على الاقل تمرن خششنا..... مشكوووووووووووور تحياتي رابط هذا التعليق شارك More sharing options...
نوير بنت عبيد قام بنشر February 21, 2005 ارسل تقرير Share قام بنشر February 21, 2005 ههههههههههههههههه جوله ولا اروع يسلمووووووووو حميان بيتش رابط هذا التعليق شارك More sharing options...
حميان بيتش قام بنشر February 22, 2005 الكاتب ارسل تقرير Share قام بنشر February 22, 2005 الاخت الكريمه (( شنطة فسحه )) على المسيار وعسى الكراث اعجبكم وتسلمين على رفع المعنوياااااات ... صغرت الطاقيه ترانا نحتري ابداعاتك ...... لو تجيبين صامولي بالطحينيه يكفي . **************** الاخت الطيبه (( نوير بنت عبيد )) هلا بك وشكرا على التواصل و ولمي جوازك وخذي من ابو نوير ورقة سماح بالسفر : ناوين نمر على جزر الواق واق ..... لا تنسين الفروه رابط هذا التعليق شارك More sharing options...
نوير بنت عبيد قام بنشر February 22, 2005 ارسل تقرير Share قام بنشر February 22, 2005 هههههههههههههههههههههههههههههههههههههههههههههههه ملقيت الا انا ههههههه رابط هذا التعليق شارك More sharing options...
ربص جمش قام بنشر February 22, 2005 ارسل تقرير Share قام بنشر February 22, 2005 يثبت <<<<<<<< مهوب عاقل مشرف بيتش على غفله لي عوده رابط هذا التعليق شارك More sharing options...
القروي قام بنشر February 25, 2005 ارسل تقرير Share قام بنشر February 25, 2005 أخس يالأقشر أثرك مركب صفر دولي في جوازك لعنبوا بليسك ما وديتني معك إلا لتايوان زااااد أنا قايله حظي ردي قبلي تقليد حتى في السفر تقليد وش هالموضوع هاللي تقل تبسي فاكهة مشكلة أقتباس : هذا مره وانا رايح للصين ( تايبيه ) تافل العافيه وجالس في الفندق حتى عندهم تتفلون اقول خل عنك الحتسي بس والله يا أنك جرجرتنا في هالعالم ولو انه حتسي بس الواحد يحس انه لابس كرفته << يحسب انها شغالة مادرى انها خرقة تدودل أقتباس : ( هذا اقتباس العجازين ) ومره وهم جالسين يراجعون خرايطهم ركزوا على اعلى قمه عندهم اللي هي ( جبل بروكن ) أعلى جبل في ألمانيا ، (ما ودك الا تجلس فوقه وتقزز في هالعالم) .. امش حتى في ألمانيا تحب الطعوس وشلون طعوسهم مثل طعوسنا شهب والا فيها فتسرة ( يعني شفاقة ) عز الله انك منتب صاحي انت ومواضيعك ابثبته وحيل الله قوي واللي ما وده او يعارض الوعد الطلعة رابط هذا التعليق شارك More sharing options...
فتاة سوق السبت قام بنشر March 12, 2005 ارسل تقرير Share قام بنشر March 12, 2005 مشاء الله حميان طالع ابن بطوطه هههههههههههههههههههههههههههههههههههههه بس والله مافيك خير تصدق .. مغير تمغط في كل ديره ولا خذتوني معكم هذا وانحن راعين بوابه وحده عفاك الله ياحميان .. على هالحتسيات اللي توسع الصدر على خبال اللي حولنا . نشوفك في موضوعن اخر ويستاهل التثبيت رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان