ربص جمش قام بنشر February 20, 2005 ارسل تقرير Share قام بنشر February 20, 2005 منول كان ابوي ما يجلس على الصحن على الغداء او العشاء الا اذا كنا كلنا ملتفين حوله يعني كانت الوجبات نقطة التقاء افراد الأسره الي لا يمكننا النحشه منها وكنت بصراحه اتضايق وانواع الزهق والقهر ودي اكل في مطعم زي العالم ودي افلها واكل متى ما بغيت وعلى كيف ما اشتهي لأني بصراحه من اجلس مع اهلي وابو يهوش علي وامي تقبصني كل زين لا تحتسي وانت تاكل ولا تبدد فكان صحن ( ابو ورده ) نقطة التقاء مهيب بسيطه لأفراد العائله ============ تعالوا نشوف سوى وش صار في جيل (( اغرفلك في صحين )) تعالوا نشوف سوى وش صار في جيل (( خل البزارين ياكلون مع الرجال او قبلهم )) تعالوا نشوف سوى وش صار في جيل (( بسمالله عليهم لا يموتون جوع ))القصه المضحكه المبكيه فعلا ((( شر البلية ما يضحك ))) مره من المرات قلت يا ربص تراك كبرت وراك ما تقلط مع الرجال اكيد فيه مكان يكفيك معهم وتترك احترام 30 سنه تراه يكفي واول ما دخلت ابي اتغدى عرفت ان فيه مكان لأن كل بزارين العائله قالطين قبل الرجال الله يرحم الحال المهم جيت على بلم الجنب = ( مهوب مفطح ) ولقيت اخوي الصغير جنب ابوي على المفطح وكل ابو من الأبوان في الجلسه متحضن بزره معه يلقمه وتذكرت ذيك الأيام الي كنت فيها انا وعيال عمي ما نقلط الا بعد الرجال علشان المكان يوسع الضيوف والكبار ونقضي وقتنا في المطامر واللعب حتى ينادوني الرجال ويقولون الغدى تعالوا المهم اني من جلست لقيت باقي البزارين على يميني ويساري قلت في نفسي هذي التربيه ولا بلاش اكيد يبي يعودونهم على مجالسة الرجال لكن ما امداني اهوجس الا واللي على يميني سمير ولد ابو سمير كاح في شنقي = ( مكان اكلي ) وانواع التفال والسعابيل قلت مسيكين منيب مفشله اكيد انه ما قصد الين لحقها = ( اتبعها ) بعطسه على كيف كيفكم وفي نفس المكان عاد انتم تعرفون وش يلحق عطسة البزر الله يهديك يا سمير ويهدي ابوك ما خليتوني اتغدى اما الي على يساري سعيد ولد ابو سعيد الله يصلحه من جلس وهو يسولف ويضحك ولا يحلاله الضحك الا اذا كبرت اللقمه في ثمه = ( فمه ) يروح نصفها على السماط = ( السفره ) او على التبسي = ( صحن الوليمه ) الله يهديك يا سعيد والله يهدي ابوك الي ما ( لخك ) = (صنك ) = ظربك بكرتون لبن على الغدى اذا تكلمت اما الي قبالي داني ولد ابو داني ما يحلاله الرز الي عنده ولا يحلاله اللحم الي عنده ينط الين يوصل شنقي وياكل من مكاني ولا الومه هو انا الوم ابو داني الي خلاه ياكل ( بصحين ) في البيت الله يهديك يا ابو داني ولدك يحسب التبسي ( صحينه ) ومغروف له فيه اما فؤاد ولد ابو فؤاد الي جنب داني من جلس وهو يصيح ( يبااااااااااااااه ابي ببسي ) ( يباااااااااااااااه شف داني خذ بيضتي ) وانا اقوله خذ يا حبيبي هذا بيضه وهذا ببسي وهو يصيح ( لاااااااااااا ابي الي مع داني ) الله يهديك يا ابو فؤاد كان خذت بزرك معك مثل باقي الرجال وفكيتنا =============================== اليوم وانا اجلس بين اخواني وعيال عمي في مناسبه معينه على وجبه اعرف اقول لبوي شكرا والله على كرتون اللبن الي صكه في راسي اعرف اقول لمي شكرا على القبصه الي جلست اتلوى منها اسبوع اخيرا قام ربص بن جمش وهو ما تغدى ووالله انه ما يلوم البزارين لكن يلوم عيال عمه الي ما عرفوا ليه ابوانهم يحرمونهم منول من الأكل قبل الرجال ((((( والله يذكر ايامك بالخير يا صحن ابو ورده علمتنا آداب الطعام ))))) رابط هذا التعليق شارك More sharing options...
الحرماوي قام بنشر February 21, 2005 ارسل تقرير Share قام بنشر February 21, 2005 أضم صوتي لصوتك يا ربص جمش ..........................................ايه أيام زمان رحت الحين ما يقهرك الي اذا شفت البزر جلس ومترزز في المجلس فى صدر المجلس ولما يجي احد كبير ما يقوم واللا مثل ما قلت عند التقليط تلقهم يسابقون الرجل على الدخول وكل واحد عند بابا ((((((((((((((((((يخف دمهم ))))))))))))))))))))بس مثل ما قلت الشرهة مو والله عليهم الا على اهلهم وبذات الابو واين اول الواحد لجلس مع الرجل يالله تسمع له حس الحين يلبط وصوته يسمعه الى في اخر المجلس (((((((((((يعني ما فيه وسط)))))))))))))))))))) ولا وبعض الرجل يخاف من حرمته تقوله خل العيال عندك تراهم يصجون ويخربون فشولني عند الحريم ((((((((((((((طيب وانا ما يخلف اتفشل عند الرجل,,,,,,,,,,,ولا بعضهم تلعب عليه وتقوله خل عشان يطلع رجل يجلس مع الرجل لالا لالا يقلط مع الحريم,,,,,,,,,,,,,,,ما قلنا شيء كلام صحيح ,,,,,,,,,,,مو حلو ولد عمره 7 سنين او 6 او 9 يجلس مع الحريم او يقلط معهن ,,,,,,,,,,,,,,,,,,,,,بس يجلس محترم ولا يقلط الا اذا فيه محال عموما موضوع جدا حلو ويمس جانبا نشوفه دائم ايام زمان روحت ورح معها الرجل ,,, ,,,,,,اخاف نتطنز بهم ونطلع ارد منهم بس رابط هذا التعليق شارك More sharing options...
حميان بيتش قام بنشر February 21, 2005 ارسل تقرير Share قام بنشر February 21, 2005 .... زين انك ساكت ولا قلت لداني شيء والا لحقك بالسلطه على علباك . زمان يا زمان ..... مهوب في العزايم الا وانت مع ابوك وجدك و اخوانك ... لو يقلط معكم واحد من عيال عمكم ... اضمن انك خارج التشكيله الا اذا عندك واسطه والا تعرف ( ناصر الجوهر ) لا الان تجي تلقى المبزره جالسين على المفطح واذا لقيت محل تبي تجلس فيه نط عليك واحد منهم وقــــــــال المكان يا خوي الحمد الله على النعمه هذي اثار النعمه علينا .... هذي من جهة بزارين هاليومين ...... مــــــابالك بـــــــــ (( )) اقول ربص ... كيف الحـــــــــــــــــال المهم الموضوع يبيله رابط هذا التعليق شارك More sharing options...
ربص جمش قام بنشر February 21, 2005 الكاتب ارسل تقرير Share قام بنشر February 21, 2005 اخوي الحبيب الحرماوي انا شاكر لك الرد الأول الي رفعت به معنوياتي المحبطه من البزارين أضم صوتي لصوتك يا ربص جمش ..........................................ايه أيام زمان رحت اشكرك على هذه الثقه الي منحتها مرشحكم ربص جمش وان شاء الله احط لكم بساط الريح بدال السيارات <<< صدقت الحين ما يقهرك الي اذا شفت البزر جلس ومترزز في المجلس فى صدر المجلس ولما يجي احد كبير ما يقوم واللا مثل ما قلت عند التقليط تلقهم يسابقون الرجل على الدخول وكل واحد عند بابا ((((((((((((((((((يخف دمهم )))))))))))))))))))) انا معك بسالفة يخف دمهم 100% ايام زمان روحت ورح معها الرجل ,,, ,,,,,,اخاف نتطنز بهم ونطلع ارد منهم بس والله انك صادق في سالفة نطلع اردا منهم ههههههههههههههههه انا من ناحيتي ما اضمن اخلي عيالي برى وعيال خلق الله متربعين جنبي رابط هذا التعليق شارك More sharing options...
راعية جبل عسره قام بنشر February 21, 2005 ارسل تقرير Share قام بنشر February 21, 2005 والله انك صادق ... ( موضوع هادف ) وتبسي ابو ورده هذا لنا فيه ذكريات جميلة مع الجح ====== ألأ على فكره ======= ما تلاحظون ان عيال عم ربص جمش ( ابو فؤاد / ابو داني / ابو سعيد ... الخ) تسنهم اسماء مصاريا ؟؟ ===================== على الموضوع اللي يستاهل التثبيت رابط هذا التعليق شارك More sharing options...
ربص جمش قام بنشر February 22, 2005 الكاتب ارسل تقرير Share قام بنشر February 22, 2005 اخوي الكبير حميان بيتش المحترم الموقر الرئيس تسلم يا قلب ربص وآل جمش كلهم على ردك واهتمامك يا بعد روح عيال أل خيشهزين انك ساكت ولا قلت لداني شيء والا لحقك بالسلطه على علباك . انا لو اقدر اقول شي كان علوم يا خوي الحمد الله على النعمه هذي اثار النعمه علينا .... والله انك صادق والله يديمها من نعمه وبيض الله وجهك على هالتثبيت وعساي اقدر اعطي ولو بالقليل مشكور وما قصرت رابط هذا التعليق شارك More sharing options...
ربص جمش قام بنشر February 25, 2005 الكاتب ارسل تقرير Share قام بنشر February 25, 2005 راعية جبل عسره لا تراهم سعوديين كلهم لكن الي حصل يوم سماني ابوي ربص صرت عبره انا لمن لم يعتبر وصاروا خلق الله يدورون اسامي زينه لعيالهم والله يصلحهم من الحماس شطحوا هههههههههههههههههه يعطيك العافيه وشكرا جزيلا على ردك رابط هذا التعليق شارك More sharing options...
القروي قام بنشر February 25, 2005 ارسل تقرير Share قام بنشر February 25, 2005 حياك الله يا جدي أثرك لاحقن على صحن ابووردة والسفرة الخوص بعد تصدق موضوعك رجعني وراء وجلست أهوجس في هالأكل والمفاطيح والجح واللبن اللي في الغضارة المشجرة وكل واحد يغط شنبه في اللبن قبل الاثم اما عاد الموضوع فهو جدا منتاز ويجسد الواقع اتذكر اني اجلس مع ابوي يوم اني صغير وكنت الله يصلحني سمين ومدربح واذا جلست تجيني حساسية من الدسم واجلس اعاطس وتعرف السمان الدببه ولا اعير نفسي كل ما عطست نقز ابوي واذا عطست مرة ثانية نقز المفطح ومرة كنت مزكوم واجتمعن عطست الزكمة وعطسة الحساسية وصارن 2 × 1 ويوم عطست بقوة وفتحت عيوني ما لقيت أحد عندي وادورهم واتلفت وأثرهم تعلقوا فوق المروحة ايه يا زمان اول اذا وطوطنا عند الرجال نجلس نفلي شعرنا وبدل ما نطلع قمل نطلع الزبيريات من روسنا وهالحين لو تقول شي لبرز يا ويلك يثبت ونص في الطاية وخلوه منشور لين يصير المفطح اللي على الصحن قفر بعدي والله يا ربص جمش مبدع متميز رابط هذا التعليق شارك More sharing options...
ربص جمش قام بنشر April 3, 2005 الكاتب ارسل تقرير Share قام بنشر April 3, 2005 والله ما قصرت يالقروي ردك بحد ذاته موضوع بلحاله اجل تفلي شعرك من الزبيريات يالأقرع ههههههههههههههههههه وبعدين مسألة انك مدربح يالمعصقل يبيلها جلسه هههههههههههههههههههههههههههههههههههه ويبيلها ضحكه طويله مررررررره يا حبيلك متميز في كل المجالات وباد على الجميع الله يخليك لنا رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان