شاعر من شعراء حرمة

بسم اللة الرحمن الرحيم

صراحة في عجوز لي كبيرة في السن قالت لي قصيدة صراحة حلوة بس مع الاسف ما حفظت منها الا تقريبا اربع ابيات سألتها من هي القصيدة يا جدة قالت هاذي قصيدة لشاعر من اهل حرمة . قلت منهو

قالت!

الشاعر محمد بن ناصر الضاوي

قلت وش مناسبة القصيدة قالت ان محمد الضاوي كان مريض وسافر خرج البلاد لتلقي العلاج واخذ لة فترة وهو يتعالج وسمعت انا ماكان يزورة الا ولد لة اسمة عبداللة الملقب بي (عـــبــيد) تدليع لة وكان لة بنات يرسلون لة رسايل علي وقتها ويتطمنون علي حالتة وصحتة مع ان اللي سمعتة لة عيال كثير!

ومرة من المرات سألة الدكتور قال انت مالك عيال يزرونك كلمت الدكتور كسرت خاطر محمد الضاوي وحزت في نفسة وقال هاذي القصيدة اللي مع الاسف اني ما قدرت احصل منها الا كم بيت يقول فيها.

كـــبدي شوها لهــــــيب النـــار

كلــــــة علي شـــــــوف بدر يـــــة

والقلب لولا الحنايأ طــــــــــــار

علي مـــــــــضاوي وفوزيــــــــــة

(عبــيد) اللة يجيرة من الاقدار

وجــــة الرضــــــــا فية ماريــــة

قالوا لك اولاود وقلت كـــــــثار

لـــــــــــــو كان كلن لة نحــــــــية

هاذي الابيات اللي حصلتها وياليت اللي يعرفها يكمل لنا الابيات

مع العلم ان (مضاوي وفوزية) هم بنات محمد الضاوي وبدرية علي ما اعتقد انها بنتة أيضا واللة اعلم.

وسمعت انا الشاعرة هيا الضاوي تصير مضاوي جدتها اللي مذكورة في القصيدة واللة اعلم

ولكم خالص تحياتي.

مشاركة مميزة شويش عطية .. نتمنى أن نرى مثل هذه المواضيع التي تسلط الضوء على بعض من شعراء مدينتنا الغالية .. لك كل الحب والتقدير .. وكلنا امل ان لا ينقطع هذا التواصل

يعطيك العافيه اخوي شويش

اللة يعافيك يا أبوحسن ويخليك ربي ومشكور علي كلامك الحلو وعلي مرورك.

الاخ مسفهل يعطيك العافية ومشكور لك ومثل ماقلت لازم نسلط الضوء على بعض من شعراء مدينتنا الغالية وفية الكثير منهم بس يبيلهم بحث وأنشاء اللة التواصل دائما ومشكور علي مروروك.

ابــــــــــــو ناصر اللة يعافيك أنت ويعافي كل ما في هالمنتدي ومشكور علي مروك ولك خالص تحياتي.

واللة انك صادق يالسعودي الا عندهم مستودع كامل بس اللة يطول بعمرهم اللي راح راح واللي عايش ماعاد يحفض اللة يعين ويعطيهم الصحة.

تحياتي لك يالسعودي.

مشكوووووووووور والله يعطيك العافيه

اللة يعافيك يالذيب ومشكور علي مرورك