يوميات سالم الزلابه

حيالله معشر الساخر وضواحيها

اليوم ابعطيكم سالفة اخونا الطيب (( ســالم الــزلابه )) هالحبيب من ضحايا البطاله ( عويذالله من شرها )

سالم شغلته مقابل هالتلفزيون وهوايته تقليب القنوات

اليوم وكل يوم يجلس سلومي قدام التلفزيون الكبير ( 100بوصه ) ويضغط على زر التشغيل بادي رحلة جديدة 0

تظهرله مذيعه وش ملحها تقدم هذا الخبر المروع مع مشاهد فيديو

((ماتت الطفلة فاطمة الفلسطينية البالغة من العمر ثلاث سنوات بعد أن هجم اليهود على منزلها وقتلا أخوتها وأمها وأبوها ثم داستها دبابة يهودية جعلت عظامها تختلط بلحمه ))

سالم : يوء وش زين ها لمذيعه بس لو أنها ما قصت شعرها تسان طلعت أحلى 0

طوطوطوطوطوطوطو

القناة إلي بعدها :

مذيعه ازين من اللي قبلها ( فاسخة الحياء) وجالسة تقدم مسابقه فنيه على الهواء

( سالم ) يتصل : الو الو الو ( مطيور ومستعجل على رزقه ) : الوووو

ممكن أشارك معكم

المذيعة : طبعا ولو أتفدل بس لو تعرفنا على اسمك

انا ســـــــالـــــــم الـــــــزلابـــــه

المذيعه : اهلين سالم .. السؤيل ألأول مين هي المطربه يلي غنت الأصيده الفلانيه

للشاعر الفلاني ؟؟؟؟؟؟

سالم : سؤال سهل مره هي الفنانه (0000000000)

برافو عليك طيب تنين مين الفريئ يلي فاز بمسابئه كأس العالم للكره لعام (00)؟؟

سالم : فازت دولة ( …….. )

برافو عليك سالم طيب السؤيل التالت :شو هوي آخر أفلام الفنان ( ....... ) ؟؟؟

سالم : سهل مره توني شايفه أمس هو (00000000)

برافو عليك سالم أنتى راح تدخول السحب على الجائزه0

سالم : طيب ممكن أعرف وشي الجائزه

الجائزه تزكره سفر لباغيس ..... (بغا يطق لها عرق وهي تنطقها(

سالم : يارب أفوز

طوطوطوطوطوطو

قناة ثانية :

مذيع ملتحي يطرح مسابقة ثقافيه

سالم ::ألو ممكن أشارك معكم يا الشيخ

طبعا ممكن حياك الله بس وش اسمك يا اخي ؟

انا ...؟ ..... لا اللي جنبك ؟ ايه انت اجل من جعلك للضعفه

يله جاوب على السؤال اللي يقول من هو أول من أسلم من الصحابه؟

سالم :هاه آآآآآآآآآآآآآآ مدري والله 0

المذيع :طيب السؤال الثاني :متى تم عقد وعد بلفور ؟؟

سالم : هاه آآآآآآآآ بلفور ولا بيتفور؟؟

طيب السؤال الأخير :ماهي جنسية القائد خطاب وأين مات ؟؟

سالم : آآآآآآآآآآآآ مدري بس تكفى وش كانت الجائزه

الجائزه تذكره سفر مع ألأقامه في مكه لأداء العمره 0

سالم :مكه .... ايه زين اللي ما فزت .

طوطوطوطوطوطو

: قناة ثانيه :

نعلن للسادة المشاهدين و خاصة (( سالم الزلابة )) أنه قد دخل ألأن وقت صلاة العشاء حسب توقيت مدينة وبيت سالم ولازم يقوم يصلي عشان يدخل الجنه ويفتك من النار 0

طوووووووووووووووووط

قناة أخرى :

مذيعه شبه عاريه ( لابسه من غير هدوووم ) في مسرح تقول :

وستبدأ بعد لحزات ألليله مسابئة ملكه جمال 2005

أخ يا القهر وش أسوي الحين فيه مباراة مهمة لازم أشوفها وش الحل ( وجه ما كله القهر )

يرفع الجوال ألو صالح أبيك تكفا تسجل لي المباراة و أذا مريتك الليله أخذ الفلم

عشان أسهر عليها

طوطوطوطوطوطوطو

والقناة مشفره ماقدرنا نعلنها لكم

هذا هو سالم و كل سنه وانت سالم

المذيعة : طبعا ولو أتفدل بس لو تعرفنا على اسمك

اجل اتفدل ههههههههههههه

يسلم قلبك على سعة الصدر

وبالنسبه لسالم الزلابه مهوب غريب علي

ما يذكرك بالقروي

الزبده يا صديقي انا تشرفت بالتوقيع على موضوعك

واتمنى تعطيني خبر انكانك زعلان علينا نغير اسمك بالجزء الثاني