عزيمة !


سكر

Recommended Posts

السلام عليكم ورحمة الله وبركاته

ما شاء الله بوابة الساخر هي البوابة الوحيدة اللي راجه المنتدى (يعني حليله )... عشان كذا قررت أسوي لكم عزيمة فاخرة ( أنبسطوا ) .( بوفية مفتوح ) ( واحد نفر مجاناً ) .

يالله يالله تلقى في المنتدى أثنين أو ثلاثة وكل واحد قاعد في غرفته (ههههههه )

موعد العزيمة : بالتصويت ( لازم نجتمع في المنتدى في ساعة محددة ) نبي أكبرعدد من الاعضاء في وقت واحد على الاقل الاعضاء النشطين في الفترة السابقة .

مكان العزيمة : منتدى مدينة حرمة . ( كل البوبات مفتوحة وقت العزيمة ولا فيه تفتيش )

واقتراحي للموعد

هو يو م الاربعاء القادم 15/12/2004م الساعة من 3.30 وحتى 4.30 مساءاً

انتظر اقتراحاتكم عن الفكرة وعن الموعد وأن شاء الله يحدد اكثر من موعد ويتم التصويت عليه ................. والسلام عليكم ورحمة الله وبركاته

رابط هذا التعليق
شارك

فكره رائعه فعلا

ولكن يوم الأربعاء صعب

لازم نحلي المده أطول علشان ناخذ أراء الأعضاء وموافقتهم

وأتوقع ان اليوم المناسب هو:

1/1/2005 ميلادي............؟

وش رايكم

تحياتي

رابط هذا التعليق
شارك

نعم حرماوي . نت وأبو ناصر

التواجد في وقت واحد مهم خاصة بعض الاعضاء يمل وهو في المنتدى لحاله ويضيق صدره واذا نجحت الفكرة صدقوني بعض الاعضاء بيرجع يشارك زي أول إذا لقى فائدة من المنتدى كلنا مشاركين في منتديات اخرى وهذه المنتديات عامره ماشاء الله بالاعضاء وحنا هدفنا واحد وهو رفعة شأن هذا المنتدى لسبب واحدة هو ديرتنا . . حرمه ..

حرماوي . نت نعم كل ما صار الموعد بعيد يكون احسن ليصل صوتنا الى اعضاء أكثر والمشرفين بعد عليهم إدارة الفكرة والتنسيق لها............

ترى الدعوة عامة ....... والمسئول عن الدعوات اخوي ابوناصر

حرماوي . نت كل المواعيد والموافقة على احدها سوف يتم التصويت عليه لضمان الحضور والتفاعل وعلى فكرة فيه ورقة حضور وإنصراف " يعني توقيع للاعضاء اللي بيحضرون "

ارجو التفاعل من الجميع ..

تم تعديل بواسطه سكر
رابط هذا التعليق
شارك

حرماوي . نت

كيف الحال ؟

أي موعد يتوفق عليه الاعضاء هو اللي بيكون موعدنا .

بس حلوه منك كل يوم خميس يعني بتصير المسألة دورية ....... ههههههههههه

بعد ما يتفاعل الاعضاء مع الفكرة سوف تكتمل بأذن الله .

تحياتي

أخيتكم / سكر

رابط هذا التعليق
شارك

طيب سكر اسمعي ليه مايكون اليوم الي تتفقون عليه من السبت الى الثلاثاء

يعني واحد من الايام لان الاربعاء او الخميس يمكن الواحد مشغول

فيه ناس الي من سكان حرمه يمكن يجي الرياض او العكس وصعبه يمكن يكون مشغول

مثال: انا كل اسبوع الغالبيه اكون في الديره ( حرمه ) بس ماهي مشكله

حددو الموعد

تحيااتي

رابط هذا التعليق
شارك

ابو ناصر تحياتي

انت اقترح موعد وبعدين كلنا نشوف الموعد المناسب للجميع ولو كان موعد بعد شهر مو مشكلة وبعدها نستطيع أن نعلن عن الموعد المتفق عليه بوقت كافي .......

شكرا على مرورك

رابط هذا التعليق
شارك

طرح راءع اختي سكر

اما انا اقترح ان الموعد يكون اخر يوم في الاختبارات النهائيه وهو يوم الاربعا مدري كم التاريخ

والوقت يكون الساع 1 الضهر لما 3 العصر

اتمنى يعجبكم اقتراحي

ودمتم سالمين

رابط هذا التعليق
شارك

خلاص اوكيه انتم اتفقو على الموعد،، وخلو الموعد هذا على طريقة موضوع

يعني اكتبي موضع بس الموعد الي فيه عشان الي نسى او مايعرف السالفه

يشد انتباهه

تحيااتي

رابط هذا التعليق
شارك

  • 2 weeks later...

الفكرة جدا جدا جدا تهبل

والموعد بيكون كل اربعاء ما بين الساعة 3 إلى المغرب وش رايكم smile.gif

وتكون كل أسبوع بدون تحديد تاريخ واحد خن نخليها كل ربوع

وتبدأ بعد الاختبارات زي ما قال ابوناصر

رابط هذا التعليق
شارك

لا سكر لا غير

الموعد ياجماعة فين

خلصت اجازاتي الاضطرارية ونا كل ماشفت موعد طلبت عليه اجازة اضطرارية

المهم انا اشوف أحسن موعد يوم العيد نسهر سوا وكل واحد يطرح أطرف موقف مر عليه مع خروفهم

وش رايكم ؟؟؟ bye1.gif

رابط هذا التعليق
شارك

السلام عليكم

صحيح فكره منتازه بس ناقصها التفاصيل يعني منهو المعزب و هو غداء والا عشاء والا قهوة بين عشاوين ؟؟

عجلو علينا لا يربطنا احد غيركم (( وسيع وجه ))

رابط هذا التعليق
شارك

  • 2 weeks later...

biggrin.gif

هماه ترى علي الزلـــــــطه والفاكهـــــــــه wub.gif

والله فكره راااااااااااائعه لو نتفق على موعد محدد.. هو المفروض يكون يوميا مثل ماقال القروي لانه بيعطي فاعليه في المنتدى اكثر.

لكن موب مشكله نحدد يوم في الاسبوع وبعد كذا اكيد راح نخليه يوميا اذا شفنا التفاعل والحركه في المنتدى .

من رأيي أن نخليه كل يوم ثلاثـــــــــاء لانه وسط الاسبوع ولااحد يقول بروح للرياض ولابجي لحرمه ولايكون فيه ارتباطات مثل الخميس والجمعه .

هاه عطونا رايكم نعتمد الثلاثاء ولالا عشان الثلاثاء 7/12/1425هـــ يكون هو اول دايره بينا وطبعا اول وحده بتكون قطه tongue.gif

عقبها عاد كل ثنين يشيلونها مره .

ياله ننكس لكم مرتن اخرى عشان نشوف الموعد

انهجوااا biggrin.gif

رابط هذا التعليق
شارك

و الله الفكرة حلوة و لو نخليها يومين في الاسبوع

يعني يوم السبت و الثلاثاء (( مثلا))

لكن الاربعاء و الخميس فيه ارتباطات

و نخليه كل اسبوع

فيصير فعالية و حماس في المنتدى ..

و شكرا يا سكر على طرحك هذي الفكرة

رابط هذا التعليق
شارك

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان