القعده.... حبها رعده

هاااااااااااااااااي

في الحقيقه والواقع تفرقعت القواقع

وقريت موضوع ونال أعجابي<<<هذا أهم شي

وقلت احطه عندكم وأخذ حسنات لأني رسمت الضحكه على وجيهكم المغبرة

اخر العنقود .. والطيب عود ..

ومـــــــا عقب العود .. قعود !!

يقولون الدلع كله لاخر العنقود !! مساكين مادروا انه ضيحه و مقرود!!

الكبير لاعصب حط حرته بالقعده !! والثاني لا خرب قال هذه سوات حبها رعده

قصتى تبدا قبل مولدي بفتره وجيزه.. يوم اني برحم امى اسيره !!

كانت لامي كرشه تكبر يوما عن يوم وشهرا عن شهر .. معلنه قروب الفرج وتسريح الاسر .. وفى احدى اليالي الموحشه وفي رحم امي متبطحه اساير وقتى القاسي .. وبرد فيه اضافري .. واشوف الامعاء الغليضه محاوطتنى..

كنت استمتع بهذا المنظر وامز كم مزه من شيشه الوالده اقصد من سرهاا الله مير يحفضها ..ولم يعكر مزاجى سوا ضربات موجعه من الخارج .. بعد التحرى سمعت صوت ارهابي صغير يخطط ويقول

يمااااااااااااه وراه كرشتس كوره.. تبين انسمها لك تراه هين بدبووس صغير وتنسم

وكانت هذه اول المحاولات لابادتى وقصفى ..

لاكن هين انا لك ياصويلح الوعد بالطلعه ( هذا ما قلته وانا امز عدده مزات متتابعه من شيشه الوالده لينفس عن غضبي )

..

بعد عده ايام من الحادثه اعلاه .. وانا مجبره على تناول ما يحلو لسجانتي من مطازيز وجريش .. فقدت الصبر .. واعلنت خروجى للملئ .. وانا املئ الدنيا بصراخ وجزع .. >>

سبحونى و عطرونى ولبسوني . وحطونى بسرير وقالوا هذا المقر !! >>

تقلبت بعيونى يمين ويسار .. وكل ما قلبت عين شفت عيون متخرعه .. تتطالع وهي متعجبه ..!! >>

.. قلت وين ياجماعه !! ما تفقنى على كذا انا بختار الاهل !! لاكن اكتفيت بالبكى اعلاننا لاعتراضي وتذمري !!>>

وبين وناتي>>

سمعت صوت من حولي .. يقول وش نسميها يالربع ؟؟ >>

اردف واحد صوته مو غريب ..الظاهر انه زوج سجانتي.. >>

قال هذه اخر العنقود وقضت الاسامي !! >>

قالت سجانتى .. بسميها على اسم بطلت مسلسلي .. >>

قمت اصيح بلا شعور واقول فى خاطرى ( لعنبو دارك ماصدقت اطلع وافتك من شوفته الحين عايزه تسمينى باسمها ) >>

تنويه : المسلسل مصري !!>>

لاكن وش نقول ..حكم القوي!! >>

طلعت من المستشفى .. ورحت لبيتنا .. استقبولنى بزارين اشكالهم مروعه.. الاول جاي مسرع يقوول حلي حقتي !!

وثاني يقول .. غش غش ابى لعبه زيهاا

والثالث يجر عبايته سجانتي ويقول قوووه المستشفى نجيب مثلها

وانا في خاطرى اقول ( لعن ابووو هالمبزره )

........>>

بعد ايام من جيتى .. وكنت في سريرى اقيل .. ولهي نفسى بمصاصتى .. الا يجى واحدا سخيف نذل ويجر مني مصاصتى .. سكت على امل يطالعها و يرجعها .. لاكن ماحولى احد!! وحقى لزمن بيدي اخذه.. وسمعتهم سيمفونيتى من صياح وزعاق لين مارجعت مصاصتى .. >>

ومن يومها اصبح سلاحى فى هالحياه صرختى .. وكل ما بغيت اروح دوره الحمام اقصد يغيرون حفاضتى (اكرمكم الله ) صحت وصارخت .. واذا جعت هم بعد صايحت ..وان جيت انام ونيت لجل صدر حنون يضمنى !! ( من يومي ناقصه حنان خخخ)>>

ومرت ايامي .. وبديت اخطى .. وكل ما شفت شي بارضى .. صار ملجئه فمي !! >>

وبين العابي كنت اقضى وقتي .. ولاكن الطيب ما يسلم .. ولا ينجي .. >>

وفى مرتن كنت اهوجس مع نفسي .. واحوس فى قشى .. جاني واحدن يقول لبليس استريح انا على نهجك بخطي .. >>

جاء ومن شعرى شدنى .. ومن يدي اخذ لعبتى .. وقال ياحلوه طامري .. والصياح قضى مفعوله !! وش

الدبره !!

لاكن هين يا صويلح !! تاخذ مني لعبتى .. وقبلها تبي تنسمني !! الحين جاء وقتى .. وبنتقم منك وبضفر بنصري ..>>

رحت لزوج سجانتي ..الي صار صديقي .. وادلعه بابي >>

قلت اسمع يا بابي .... تري نفذ مني الصبر.. >>

قال .. وش فيك يا بنتي .. مين الى على زعلك قدر .. >>

قلت .. واحد مخفه قذر .. >>

يحسب حياة مثل اول وهو فى البيت ملك !!>>

غاثنى ومطفرنى .. ومن طوري مطلعنى !! >>

.........

طار سوبر بابي لصويلح ومن قميصه رفعه وعلى السقف علقه >>

وهمس بصوت حنون.. زاعق وصيح ... لجل تسكت هالبزر .. >>

وانا فى مقعدي .. اطق صبعي وردد>>

لا توقف .. لا توقف >>

وفى يوم جانى صويلح مطيور .. يقولي الحقي . الربع بيطلعون .. >>

ركضت.. واخذت حذيانى .. وعند باب البيت احتريت .. >>

شفت اصدقائى مبسوطين .. يحسبون انهم مني بيشردون .. >>

لكن محال .. وانا قبلكم بالسياره باخذ مقعدي .. >>

رحنا لسوق كبير .. فيه من الناس الكثير .. >>

ياربي .. كل ذولا فى الوجود ..>>

وليه فى ذيك الزاويه متجمهرين .. >>

سرحت يدى من بابي .. ورحت اسابق رياحي .. >>

شفت واحد صغير .. طوله مثل طولي .. وبلا شعور.. عطيته كف علي خده .. يعبر عن مشاعري نحوه ..

قعد يصيح ويزاعق .. وجو اهلى واهله .. >>

ناظرونى يستفسرون .. ويمكن ودهم يهاوشون .. >>

قلت بثقه .. هذا وصخ .. شوفوا لونه .. ليه ماسبح .!! >>

وانتبهت لابوه .. وامه .. كانوا بعجب .. ولا يمكن مطنقرين >>

يبه العائله كلها ما يسبحون ؟ >>

ومرت الايام .. ووراها الايام ... >>

ودخلت المدرسه .. لجل اصير مدرسه !! ولا طبيبه .. اسنان .. >>

ولا يمكن مهندسه .. والارجح عاطله .. >>

اول ايام فى المدرسه .. كنت انبسط واستانس.. واكره ايام العطل .. واقول دايم .. ليت كل الايام مدرسه فى مدرسه .. >>

و اول رحلتى .. كانت فى روضتى .. كنت مبسوطه ومين قدي !! >

لعب وناسه ومطرسه .. قصص خاثره ومسخره>>

كان لى رفقان .. كبري بالسنين والسانتى>>

من بينهم كان سالم .. الى يسلم بدخلتى وبطلعتى .. وفى مرجيحتى يدفنى .. >>

وبعدها بسنه او سنتين ما يضر .. دخلت الابتدائى .. وصرت اكره المدرسه .. و دايم اقول ليت كل الايام عطل فى عطل!! >>

لكن وش نسوي .. يوم اتهاوش ماابى اروح المدرسه .. ويوم اقول زهقت من مريولى كل يوم البسه !!

ومرت الايام ودخلت المتوسطه .. وتخرجى منها اكبر معجزه !! >>

وفي الثانوي ... قلت مع الشله يا قلبى .. ادبى وفل الحجاج .. بلا كرف وانبسطي يا نفسي !! >>

تخرجت ادبي .. قلت ياهووووو مين قدى .. بدخل الجامعه وبصير حره نفسي !! بس وش ادخل يا حظى .. كل البيبان تقفلت فى وجهى .. محد رضى بنسبتى .. !! ولا فكروا بجبر بخاطرى .. >>

دورت توقيع صغير .. يمكن يساعدنى .. >>

ومثل توقعى .. بتوقيع صغير .. انفتحت الابواب .. وهلو فيني ورحبو .. وقالوا السموحه .. وش تبين اي قسم انتى بس تدليلي !! >>

قلت اممممممم ما يضر .. اي شي .. ودخلت الى اختاروه اهلي .. >>

وبعد دز وتفحيط خرجوني .. وسلمونى وثيقتى .. >>

هللت امي .. تخرجت اخر العنقود يا حظى !! >>

وبشري يا ميمتى .. اول راتبى تحت يدك.. بس دبروا لي وظيفه على قدي .. >>

بس وين الوظيفه !! هي تنشرى .. ولا تنهدي !! >>

ومن ديوان الى ديوان .. تقطعت جزمتى .. >>

وبعد سنين ..ويمكن سنه .. >>

رن هاتفي.. وقالوا انتى فلانه .. >>

قلت سم انا المذكوره .. كان صدق سمعي ! >>

قالوا عجلي تعالي .. اختبار قبولك بعد ساعه .. >>

ومن فرحتى .. لبست دراعه فوق دراعتى .. ورحت اجرى لجل الحق على موعدي >>

وصلت على وقتى وبدا الاختبار .. وقالوا النتيجه بعد ساعه .. >>

ساعه !! >>

عجلي ياعقارب واسرعي .. وبعد ساعه ياعقارب وقفي !! >>

كانت العقارب تعاندتنى .. لكن مشت .. وصارت بعد ساعه .. عددوو كل الاسامى الا اسامي مانذكر .. قلت عادي .. يمكن اسمى بين هالزحمه سقطت .. ولا يبونى احاكيهم لجل كذا تناسوا وماذكروه >>

رحت وانا شامخه راسي .. قلت وقفى لو سمحتى . . اسمى ليه بلقائمه ما نذكر !! >>

قالت انتى فلانه ؟؟

قلت بلحمهاا من غير شحمها .. >>

تغير وجهها وبالوان القوز قزح انرسم .. >>

قالت انتى الوحيده الى رسبت

مااذكر انى بلحضتها بكيت ... او حتى ضحكت .. بس اذكر انى تبسمت >>

وقلت .. خيرها بغيرها >>

وسلاااااااااااااامتكم

هاااة وش رايكم

أختي شنطة فسحة ..

أهنيك على هذا الإبداع ..

إلقاء وإنتقاء للكلمات خياااااالي ..

بس أحس محد هبل بك وإستقعد لك ..

تسلم يمينك على القصة الرااااااااااائعة ..