بعض الصفات الي تكرهها المرأه في زوجهها حسب وجهة نظ

هذه بعض الصفات الي تكرهها المرأه في زوجهها حسب وجهة نظري ونظر النساء :

1- انحرافات الزوج الأخلاقية وعلاقاته المشبوهه

2- كثرة الخروج من البيت لأسباب غير مبرره

3- التدخين في المنزل ....خصوصاً اذا كان الاطفال متواجدين في نفس الغرفة ((انا اكره المدخنين ))

4- الأنشغال بمتابعة القنوات الفضائية والفيديو والانترنت ...ولا تنسون البلاي ستيشن

5- كثرة الدعوات للضيوف في أوقات غير مناسبة

6- البخل ... البخل .... البخل

7- ( بعض الرجال يغازل وزوجته معه ) والله عيب

8- ضعف الشخصية خصوصاً أمام الاهل والأقارب ( تبعية الفكر )

9- عــدم الاهتمام بالمظهر والنظافة والشكل داخل المنزل

10- سطحية التفكير وضعف الثقافة وقصر البصيرة

11- الأنانية

12- محاولة فرض الامر الواقع على الزوجة بدون ذكر أسباب مقنعه

13- عدم أظهار المحبة لأهل الزوجة ومحاولة الانتقاص منهم بشكل او بأخر ( واللي يبي شوري يطيب خاطر ام زوجته ... تراها مفتاح عقلها )

14- عدم الأهتمام بالمناسبات الزوجية مثل ذكرى يوم الزواج وذكرى يوم ميلاد الزوجة .

15- قيادة السيارة بشكل مخيف ( فيه واحد يقول ان زوجته حلفت انها ما تركب معه في السيارة ......ليش ؟؟؟ الأخ مسوي فيها ثلاث حوادث في سنه) ياساتررررر

16- التهديد المستمر بالطلاق او الزواج ( مثل واحد متزوج اربع كل ما يزعل عليهم يجمعهم ويقولهم : والله اني شايف لي عروس جديدة بس ما ادري مين أطلق فيكم.... وهن على طول يمشون على العجين ما يلخبطونه) الشره مي عليه على اللي يزوجه ههههههه

17- أكل بعض انواع الطعام ذات الروائح المكروهه ( تخيلوا عاد ....ثوم وبصل )

18- التشخير المستمر دون البحث عن علاج ( بعضهم صفارة حرب كميائية)

19 - عدم الاهتمام بترتيب المنزل ( المسكينه ترتب لين تتعب والاخ يجي يحوس الدنياء فوق تحت ... مجلات وجرايد منثرة ومنديل مرمي هنا ومنديل هناك مع ان السله قريبه منه )

20- بعـــدين ... ( بعدين هذي مشكلة كبيرة كل ما تطلب شيء المسكينة تلقى الأجابة المعتادة ... بعدين ... والسبب واحد الأخ كسلان )

21- عدم مراعاة الحالة الصحية .... ( سخونه وزكمه وكحه ... والاخ يقول : يا فلانه سوي الغداء ... رز وكم صنف ايدامات على كم صنف معجنات وحلويات وعصير ... واذا انتهت المسكينه وتغداء الاخ قال : اعطينا قهوة وشاهي ولا تنسين المكسرات ودخاني وطفاية الدخان وقربي معك ريموت التلفزيون ... والله شيء يحزن وقلة ادب وقلة ذوق )

22- إكراه الزوجه على زيارة من لاترغب بزيارتهم ... ( يعني لازم تجامل زوجة مديره حتى لو انها ممله وترفع الضغط ... وزوجات أصحابه وجيرانه ... الأخ يتقرب بكل الطرق )

23- الهدية مفتاح قلب الزوجة حتى لو كانت بسيطة ( مو كثير في ام العيال وست الكل ... طيب خاطرها بشيء الله يطيب خاطرك )

24- النوم خارج غرفة النوم ( أركدووووا ... انا قصدي أن بعض الازواج ما يحب ينام في غرفة النوم لأن الاخ ما يحب أزعاج الطفل الرضيع والا الصغير ... الأخ نسي انه طفله بعد )

25- الكتمان ( انا ما اقول قولها على كل شيء بس مو تصير مقفول بأرقام سرية وحاط على فمك أقفال بنك الراجحي ... حسسها انها صديقتك وزجتك والاخت والحبيبه وكل شيء ... مو مثل بعض الزوجات تسمع أخبار زوجها من الناس )

26- اللعــب ... ولنا في الرسول عليه الصلاة والسلام مثل أعلى كان عليه الصلاة والسلام يسابق أم المؤمنين عائشة رضي الله عنها( بس مو كل مره انت اللي تفوز مره انت ومره هي ... ولا تغش يا مجرم ههههههههههههههههه حلو يكون روح المزح بالبيت )

27- التعالـــي ...اها قلتوا لي وش قصدك يا مزعلة النسا فيهاا !!؟ ( بعض الازواج كاشخ على زوجته بكل شيء ودايم يسوي مقارنه بينه وبينها وبينه وبين اخوانها وبينها وبين أخواته )

28- الماضي ... ( الحين شيء انتهى ليش نتكلم فيه ... يعني المثل اللي يقول : حكي ٍ في اللي مضى نقص ٍ في العقل .... يزن عليهاااا )

29- تظخيم المشاكل ( الحبه تصير قبه ... طيب المسكينه أخطائت وأعتذرت وحبت راسك وانت باقي زعلان ومكبر السالفة ... ياخي دور ترى حولك جدار والا بحر ... وش تبيها تسوي لك يعني ؟؟؟ )

30 - طبعا اذا طلع معاها ... ما كنه معاها .... مشوووووووت الرجال ماشي قدامها ( مفتشل ... ليه ما عندك ثقله ... بالذات في الاسواق )

31 - في المطعم ...( يحتل كل البارتشنز اللي بالمطعم .... مثل طاش ما طاش " تستف امي ظاهر " هههههههههههه وبعدين يالله بسرعه كلي على طول الحساب يالله البيت ) !!؟؟

32 - لا يشوفك صديقي ... ((( الحرمه نتستره بعبايتها ؟؟؟ ليه طيب )))

اممممممممممم وش بعد في اشياء كثيره بس ناسيتها

ايه تذكرت ...

33 - جيت من الخارج الدوام ... عزيمه ... اللي هو ... ( سلّم على زوجتك قبلها مافيها شي ... صدقوني بتصير الزوجه تنتظر رجعت زوجها عشان تستقبله بكلمه حلوووه وابتسامه احلا ) .

34 - المصلحه ... ( مشاق لها ... يؤؤؤؤه يازينها زوجته ... مو مشتاق .. وخري عن وجهي !!! طيب ليه ؟؟ )

وش بعد وش بعد والله فيه اشياء كثيره بس غايبه عن بالي ايه صحححححححححح

35 - الســــــــــــــــــــــفر ... ياربيه الطامه الكبرى ... ابو الشباب يبي يسافر لحاله ويدج مع ربعه والضعيفه ما تروح معاه .... طيب ليه لانه صاقط له على بلا طبعا . هههههههههههههه

36 - أســـــــــم الزوجه هههههههههه الوحده اذا تزوجت تنسى اسمها ... الرجال ما يعرف اسم زوجته ولا يمكن يقول اسم زوجته قدام رجال ... ليه حـــــــرام ؟؟؟ ولا عــــــيب ...

( المسكينه لوحدها تصير الاهل ولا عيالي ؟؟؟ ههههههههههههههههه طبعا هذا اسميه عدم ثقه بالرجال اسم امي ولا اختي ولا زوجتي محرم ؟؟؟ الله يرحم ايام اللي ينتخون بحريمـهم . (( شيء جدا يضايفقني انا شخصيا ))

امممممممم كني ثقلت المعاير شوي ... والله بصراحه هذي المشكل 90 % من الحريم يعانون منهااااا ،،، طبعا الرجال الحين حاسين اني ظلمتهم لالا والله الاغلبيه كذا انا مااااااااااا اقول كل الرجــــــــال .

واتمنى من اللي فيه من هذي الصفات يغيرهــا .. وبيعيش حياة افضل من قبل ((( وعـــــــــــــــامل الناس كمــــــــــا تحـــــــب ان يعامـــــــــلوووك )))

واعذروني ولكن هذي الحقيقه

موضوعك حلو .. واعجبني .. لكن مشكلة الرجال انهم طفرة .. يطفرون ببنت الحلال وبعد مدة يناظرونها مثل مايناظرون المسند .. يعني باختصار ما يملى عيوننا الا التراب وانتي بكرامة

عموما الكلام عن هذا الشيء بدري عليه بالنسبة لي .. خليني اجرب واشوف

من وجهة نظري كرجل فأنا اكره المرأة الغيورة والتي تنساق وراء التقليد الأعمى ..

هذي بنتها لابسة ساعة جيفنشي ليش ما اشتري لبنتي مثلها ... هذي مع ولدها البزر جوال .. ليش ما اشتري لولدي

للأسف عامة النساء تجد فيهن هذه الصفات المتعبة .. إلا من رحم الله

ذرب..الف شكر على مرورك وتشريفك واهنيك على صراحتك ..

جنتل..اتوقع ما كتبت هي الحقيقه..وكتبت هذا الموضوع ليستفيد الجميع..وزي مافي رجال ماعندك احد فيه حريم بعد كذا انا ماعميت..عموما الف شكر

تحياتي

السلام عليكم ورحمة الله وبركاته

أختي مزعلة النسا .

أشكرك بعنف !

ما قلتي إلا الحقيقة . ولو كانت تزعل بعد الرّجال . ولكن نقول مع الاسف كل هذي الصفات في موجودة فعلاً ونسمع عنها في مجتمعنا ...يعني هم معنا وبيننا .

وبعد أذنك أختي مزعلة النسا إضيف شيء :

لغة الحوار مفقودة بين الرجل وزوجته ( ليه ما أعرف ، يعني طرف يأمر وطرف ينفذ !! بدون مناقشة ، الحلول الوسطية معدومة ، قرارات دول لم تنفذ لكن المرأة تنفذ كل القرارات عجب ولا يعجب بعد ! ) .

تقديم مصلحة الاصدقاء على مصلحة الأهل . وقال رسول الله صلى الله عليه وسلم " خيركم خيركم لاهله وأنا خيركم لاهلي " وكما قال عليه أفضل الصلاة والتسليم " أكمل المؤمنين إيماناً أحسنهم خُلقاً والطفهم بأهله "

بعض الرّجال تجده يضحك مع صديقه ويرتاح معه وإذا رأى زوجته تغير حاله ( عقد حجاجه) ليه ؟ الله العالم .

بعض العوانس أفضل حال من بعض المتزوجات ( اللي متزوجة من رجل به بعض هذه الصفات أو جلها .)

شكرا على طرحك مزعلـــــــــــــــــــــــــة النـســـــــــــــــــــــــــــــــــــــــــــــــــــــــا .... والله يصلح الحال .

مشكورة يا مزعلة النسا ..

و الموضوع جدا رائع ... و كل الكلام (( أغلبة )) اللي قلتية صحيح ..

و حتى الحريم .. ما يقصرون .. فيه البعض <<<< منهم مزودها بكثير ..

و اسئلة ما لها داعي ..و طلبات مهيب صاحية

حتى الرجال .. يسوون اشياء خطأ × خطا

يعني زي ما قلتي (( انه يغازل وحدة و زوجته قدامة ))

يعني كل الطرفين فيه منهم صفات (( زينة )) و فيه صفات (( شينة ))

و الف شكر على طرحك للموضوع ..

سكر..مشكوره حبيبتي على مرورك..وتشريفك..

عقد اللؤلؤ..مرورك هو الاروع تحياتي..

موضوع حلوووو بس ليه ضد رجل فقط ؟

ليه طيب ما تعطينا ما يجب على المراة تجه زوجها من احترام وغيره

شفتي انك قاسيه على الرجل

سانتظر موضوع ما يجب على المراة تجه زوجها

موضوع فعلا رائع

اخوك مسستركوووووووووووول

MrCoOl..مرورك زاد من حلاوة الموضوع..

ابد تامر امر مااخليها في خاطرك بس اهم شي لاتشيل علينا..

تحياتي..

كل يوم تزيدين لمعننا فى هذا المنتدى

يعلم الله كم احب كتباتك المميزه

فعلا تستحقين جائزة القلم الذهبى

حلوووه قلم الذهبى

ترانى انتظر موضوعك

اخوك مسستركوووول

MrCoOl..ثانكس على ذوقك..والطلب نفذته..

تحياتي

موضوع مهم والله ..

ولا يهون الرجال اللي يتدير في غرفة النوم والصالة والمقلط وهو بفنيلة صفراء وصروال ابوسنة هههههههه وكرشته تقل راوية والسر من زود الأناقة طالع طرفة تسنة جخر ضب

المهم الأناقة مثل ما قلتي بصفة عامة والتطيب للزوجة شي مهم مرة ,, يكفي ان الزوجة تحس لو مرة أنه متطيب لها ،، على الاقل تحس انه مهتم بمشاعرها

وعدم المكابرة ,, يعني إذا أجتهدت الزوجة وتزينت ولبست لازم يعطيها كم كلمة يرفع من معنوياتها

ونفس الشي إذا طبخت واجتهدت يعني ياكل ويتحمل الملح الزايد ويقول يازين طبختس ،، ولا ينسون الرجال تراها أم عيالهم وتهيئة الجو المناسب لها يعني العيال بيتربون في منزل آمن ويكون لهم شأن في المجتمع