المرجوووجين

هلا بربعنا وهلا بحبايبنا الحلوووووين ... تصدقون احس ان اليوم غير ....

صحيح ذبحوني ( اهل الرجه )

قلت اول شيء ناوي اصنفهم علشان نشوف لهم حل ... وعلشان كذا

....إللى يشك ان فيه شوية من الرجاجه....

....إللي ينتظر رجه وما صارت له بس يتوقع وصولها .

...إللى يحلم بالرجه ..و ما تحققت رجته.....

..إليكم يا المرجوجين و الغير مرجوجين ؟....

هل أنت مرجوج ؟

واذا صرت مرووج .. وش مستوى رجتك ؟

للإجابة على هذه الأسئلة ماعليك سوى اجراء هذا الاختبار النفسي

السؤال الأول

انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة

تبي تدخل خشمك ..!!!!!

وش ردة فعلك ؟؟

1-

تمسك النملة وتفعصها بإصبعيك وأنت تكركر ومستانس و تقول : والله يا أنتي نملة

منسمة تبين تخترقيني .. هع هع هااااااي .. بس على مين أنا أبو جلمبو والأجر على الله

2-

توخر النملة عن وجهك و تنتفها وانت تشتمها

3 -

تخلي النملة تدخل خشمك

خلصنا من هالسؤال ...وتعالوا معي للي بعده( ممنوع الغش )

السؤال الثاني

رااااجع من المدرسة أو الكلية او العمل .. المهم وتلقى الواااالدة

حاطتن رجل على رجل وقدامها براد الشاهي

وسرحانة في الصالة ( صارت حبيبه ) تفكر وش ناوية تصلح بكرة

اذا جت تسيير الضحى على أم صويلح .. ماذا تفعل ؟؟

1-

تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي ..

واذا انهبلت الوالده وصارت ماتدري هي تبي تدق تلفون والا تطلع الشارع تجيب من يساعدك تقول لها : قلبي تولع في الرياض .. حب ورثته من الجدوووود

هع هااااااااااااااااااي والله تسحيبة يمة ( والله ياشكلها تبي تعطيك طراق يوديك للعراق )

2-

تجي بشويش من ورى أمك وهي سرحااانة وتصرخ في أذنها وتقول : مساااااتس الله

بالخير .. وطبعاً هي بتنفجع وبتقول وجع جعلك تماء بعصا خيزران على هامتمك يالبوووومه

3-

تطلع غرفتك وماتسوي شيء

السؤال الثالث

انت توك مقيل وماخذ لك قيلولة على كيف كيف كيفك

ونازل للصاله تبي تطلب براد الشاهي

وتشوف اخوانك الصغااار عند سبيس تون.. طااايرة عيونهم .. ماذا تفعل؟

1-

تمر جنبهم وتسولف معهم وانتمغطي التلفزيون ومسوي نفسك ابله ما تدري

2-

تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف

3-

تقعد تتفرج معهم

السؤال الرابع والأخير( اللي عنده شغل ينبسط)

بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة

1-

تنسم كفراته الأربعة ( هذا راعي طويله)

2-

تسلم عليه وتلزم عليه يعزمك على العشا (لا حياء ولا بعضه)

3-

تشتري له تويكس معك ( مهوب الظاهر)

النتيجة

أعط نفسك لكل اجابة رقم واحد 3 درجات

ولك اجابة رقم 2 درجتين

ولكل اجابة رقم 3 درجة وحدة

9 - 12

أنت مرجوووج جداً ..

حالتك خطيرة .. وقد تتحول رجتك إلى هبااال رسمييصدر عليها شهادة من اتحاد شهار للهبال .

الحل :

خل امك تهمز راااسك وتدهنه بزيت خروع مع علبتين زيت ابترومين اكسترا سوبر ( ولا تنسى تاخذ الكوبون ) وإن شاء الله ماقدامك إلا العافية .

5 -8

أنت مرجوج بس على نذااالة شوي ..

مستوى رجتك معقول لكن لا تستخف دمك كثير لأنك تبي تجيب العيد ، احذر من التسحيب خصوصا من تلفونات اخر الليل .

الحل :

خل عنك النذالة ..وغير هالشله .. والا والله لاخليهم يعلمونك ان الله واحد

ولازم تؤمن إنك تعاني من الدلاخة في مراحلها الأولى ..

لاتسوي شيء ...ابداً خلك مجلم قدام التلفزيون ومركز على المسلسلات المصريه الى ما تطقك ام عشيش .

4 - 5

يا أخي انت منتب في الدنيا .. ميت والناس حيين ..يا اخوي ترا العالم وصلت القمر وشفيك مقدم بوزك حبتين

انتبه على نفسك لأن أهلك احتمال يضيعونك في ملاهي .... واذا جابك حارس الامن ...يبون يقولون ما نعرفه ولا قد شفناه .

الحل :

يبغالك كورس رجة مكثف عند أعلام الرجه وتراهم كثيرين في بوابة الســـــاخر .

وسلامتكم يا ناس

المهم الان انتهت الاسئله ... وناوي اخذ اجابات اعضاء البوابه

لان ادارة هالبوابه ناويه تسوي سياسه على بعض المرجوجين

خصوصا اللي يدخلون ومايشاركوووون

انتظر اجاباتكم

عندي ملاحظه : شيء غريب بوابة الساخر راحت فيها يبيلنا نسوي اجتماع نرجع الحياة لها ...

مع تحياتي

حميااااااااااااان بــــيتش

ذرب

ابوحسن

صحيح طحتوا من عيني ولا واحد جاوب .... بس بعد التحليلات صرتوا منتب فيه خلقه

يعني ممكن اللي يسال عن واحد منكم تردون عليه ( غير موجود بالخدمة مؤقتاً ... ويمكن الله يسر امره وتضبط اموره )

جــنتل :

امرك مستعصي ويبيلك نتسويك مع هامتك اما رحت فيها والا عاد رحت فيها ....

وين الــــــــــبــــــــــــــاااااااااااقين والا خايفين من النتااااااااااااااايج