ضاعة فلو سك ياصابر

السلام عليكم ورحمة الله وبركاته

حكايتي غريبة ولها ارتباط بالنت ارتباط وثيق في يوم من الأيام رأيت صديقا لي وهو من أقربائي وتبادلنا الحديث عن أمور كثيرة من أمور الحياة وتطرقنا للنت وشد انتباهي ما رواه صديقي الحميم لي ولثقتي فيه فقد شدني موضوعه الذي يتابعه عبر الشبكة منذ وقت طويل ويترصده في كل موقع ويتابع كل كاتب يكتب عن هذا الموضوع الذي لا أخفيكم أنه اصبح هاجساً لي وأنظممت مع صديقي بحكم رفقتي له رافقته في بحثه وفي تتبعه لكوكب نيبيرو الكوكب العاشر

هذه مقتطفات مما قرأته عن هذا الكوكب

(إنذار عاجل لأهل الأرض)

تشير التوقعات إلى انطلاق موجة عارمة من الخسوف والبراكين والزلازل المدمِّرة والفيضانات والأعاصير والعواصف العنيفة والقذف من السماء، وقد تغرق المناطق الساحلية لعدّة أيام، وذلك نتيجة مرور النجم الثاقب أو الكوكب ذي الذنب قريبًا من الأرض، ويُسمَّى أيضًا كويكب العذاب والنجم العظيم والكوكب العاشر ونيبيرو وكوكب X ، حيث أوضحت الحسابات أنَّه يصل إلى أقرب نقطة من الأرض في منتصف ربيع الأول 1424 على بُعد 14 مليون ميل فقط، ويكون تأثيره العنيف خلال شهر ربيع الأول والثاني وجمادى، وربما تنهار الأقمار الصناعية وتتلف الأجهزة الإلكترونية غير المؤمَّنة وقد تنقطع الطاقة الكهربائية في أكثر بقاع الأرض أو كلّها، إنَّه هولٌ رهيب فتوبوا إلى الله وعودوا إليه إن كنتم مؤمنين.

وهذا موقع كنت أتابع أخبار هذا الكوكب منه

http://qk1.com/niburu/index.html

( وهذا أخر حديث لصديقي العزيز لمتابعين هذا الكوكب )

السلام عليكم ورحمة الله وبركاته

بصراحه انا قمت في جميع الاحتياطات والتدابير الازمة لهذه الكارثه

قال اخونا محمد الله يستر عليه ترى يوم الثلاثاء بيتأخر غروب الشمس ساعتين وهذا دليل قوي لوقوع الكارثه طبعا هوماجاب شي من عنده هو ينقل من هالعجوز (غراب البين)

عاد انا قمت بالاحتياطات وسحبت فلوسي من البنك واستأجرت شاحنة ورحت لمحل مواد غذائية كبير مابي اذكر اسمه لاتصير دعايه له كلكم تعرفونه المشكله انه مايبيع بالجمله المهم حملت الشاحنه من عنده اشي اكياس رز وهات من اكياس طحين سرابيل واخذت حفائظ للاطفال الله يكرمكم وبعد رحت لسوق شعبي مابي اذكر اسمه كلكم تعرفونه وشريت دلو لسحب الماء من البير واخذت قربه لتبريد الماء للشرب وشريت حطب ورحت لسوق البقر وشريت بقره للاكتفاء الذاتي من الحليب واللبن والقشطه والجبن واللبنه والروب الزبادي وقلت لأم العيال خوذي كل ملابسكم فقط واتركي التلفزيون والتلفون والجوال وجهاز الكمبيوتر والمكيفات والثلاجة وكل شي يشتغل على الكهرب قالت ليش حنا بنرجع قالت حتى لو رجعنا مانستفيد منهم شي ولا عاد تسوى في السوق شي عاد هي طيبه الله يخليها لي قالت شورك وهداية الله ومشينا لقريتنا وصاحب الشاحنه يمشي ورانا ومذهول لسان حاله يقول هذا ماهوب صاحي المهم وصلنا للقرية وسلمت على الوالد والاخوان وقلت لهم على السالفه قالولي من جابلك ها العلوم قالت صاحبنا محمد التابعي قال الوالد الله يذكره بالخير محمد التابعي وشو من لحيه قالت والله والنعم يعرف شي ماتعرفونه ولا اضنه يكذب بس ان علومه يجيبها من عجوزن بأمريكا قال الوالد بأمريكا هنا والله امريكا وماوراها الا الدمار المهم مادخلت روسهم السالفة قلت لهم انا علمتكم وانتم بكيفكم وانا ماشي لبيتنا القديم المبني من الطين علشان اعيش الحياه البدائيه على اصولها واعلم اولادي عليها المهم جلسنا في البيت القديم وباقي على المغرب حوالي ربع ساعة انا عاد لاحظت شي وهو ان الشمس نزلت وراء النخل مايصير باقي ساعتين اشوي الا اذن المغرب وغابت الشمس قلت في نفسي يمكن الكارثه بتصير بدون تأخير ساعتين عن غروب الشمس المهم صلينا بعد العشاء ماجت الكارثه شوي الا الباب يوم انفتح وسمعت اصوات تنادي من جهت الباب يامساعد يامساعد كأنه صوت الوالد واخواني معه وانا اسمي واذكر الله على فكره تري غلت يوم اني بالرياض ماشريت سراج المهم الا فعلا الوالد واخواني جايين يتطمنون علي ويقولون لي ارحم نفسك وعيالك من ها الخرابه واطلع معنا للبيت الجديد على فكره نسيت اقول لكم اني يوم وصلت البيت القديم جبت عمال ونزلو الاغراض اللي في الشاحنه وحاسبتهم وحاسبت راعي الشاحنه ومشو وكانت الفلوس اللي عطيتهم هي آخر شي معي لأني ماراح احتاج فلوس بعد كذا وتحت الحاح من الوالد واصرار اخواني على اني اطلع رفضت رفضا قاطعا قال الوالد انا لله وانا اليه راجعون وليدي انهبل وانا اقول في نفسي انهبل بكره تشوفون كلامي انه صحيح المهم طال الليل علينا وحنا ننتظر حتى بزغ نور الصباح ولا كارثه ولاشي عاد يوم جاني النوم بس مانمت افكر هالحين وشقول للوالد واخواني قلت مابدهاش مالي الاارجع للرياض واطلع ادور شاحنه وعمال يحملون الاغراض عاد من كبر هالقريه ابلقا شاحنه ومن حسن الحظ القاء عند محطة البنزين راعي الشاحنه اللي جاب لي الاغراض من الرياض ما مشا نام وقال الصباح رباح وقومته من النوم وقلت له ابيك مشوار للرياض عاد هو استغلالي قال ما وصلها لك الرياض الا بالمبلغ الفلاني بصراحه سعر خيالي ولم اجد بد الا ان اوافق وامر السوق واخذ نفس العمال اللي نزلو الاغراض وبسعر خيالي قلت لهم انا ما معي فلوس بس ابعطيكم اكياس رز او طحين واشوا وافقوا حملنا الاغراض وشلت عيالي ومشينا للرياض يوم وصلنا الرياض ابي ابيع الاغراض علشان احاسب صاحب الشاحنه كل ماجيت محل قال هذا سعر فرادي حنا نشتري بالجمله طبعا معهم حق فريت على كم محل وصاحب الشاحنه يمشي وراي وكل ماقلت له معليش تعبتك قال لا كل شي بحسابه المهم انتهى بي المطاف عند محل ابو ريالين قلت له تشتري قال اشتري بس انا ابيع بريالي لازم يكون السعر اقل من ريالي علشان استفيد المهم اقنعني هو وصاحب الشاحنه وانا اصلا دايخ مانمت فوافقت على ان يشتري كل شي حتى البقره والقربه كل شي بسعر الحبه بريال ونصف بعت عليه يوم استلمت المبلغ وعديته قال صاحب الشاحنه بالضبط هذا حسابي كله قلت له يا أبن الحلال ماهوب كل المبلغ خل لي شوي قال اصلا حسابي اكثر من هذا بس الله يسامحك بصراحه رحمته يوم قال كذا وعطيته المبلغ ورجعت للبيت صفر اليدين

وهذي سالفتي مع الكوكب ومحمد التابعي

وضاعت فلوسك يا مسـاعـد

اخوكم

مسـاعـد

==============

ولا أخفيكم أنني أصبحت أشك في كل شي يحصل في كوكب الأرض وأتابعه بدقة مثلاً الدخول على الشبكة والعطل الحاصل في مدينة الملك عبد العزيز للعلوم والتقنية فقد اتصلت على موفر الخدمة لي وقال هناك عطل في مدينة الملك عبد العزيز وزادت شكوكي وما حصل في الجزائر من زلازل

إيماني بالله كبير وليس له حدود

لكن من يتحكم بهذا العقل وأعلم علم اليقين أن لن يصيبنا إلا ما كتبه الله لنا

هل لخوفي وخوف صديقي مبرر من ما يتحدثون عنه وأن كان صحيحاً هل نستطيع أن نعيش الحياة البدائية بعد كل هذا الترف والنعمة والتنعم هل سنواجه حرارة الصيف وهل وهل وهل ؟؟؟؟؟؟؟؟؟؟؟

نحن بالفعل نعيش في زمن مليء بالمتغيرات والعجائب

والله المستعان

شكرا لتميزك في الطرح

الله يكفينا الشر قل امين

اللهم احفظ بلاد المسلمين

شكرا لك اخوي كبرياء الهوى على هذا التوضيح الذي يجهل الكثير من الناس

شكرا لك اخي كبرياء الهوى

انا ماحزني الا مساعد مسكين طارت فلوسه وصدق هذه الخزعبلات

وشر رآيكم ياجماعه نجمع له قطه ونتصدق بها له ونتصل بكبرياء الهوى ويوصلها له

اخوكم ابو شلااااااااااااااخ يقط له عشره

أخي مسفهل أشكر مرورك الكريم

على مشاركتي البسيطة

وأشكر لك كلماتك وأمساكك ليدي لتقديم المزيد

خي باركر أشكر مرورك الكريم

وتسلم على كلماتك ( اللهم امين )

ابو شلاخ تسلم على مرورك وعلى تعاطفك معي ومع صديقي

مستورة والحمدلله أبو شلاخ