حبّه يخج القلب ما يوجع اوجـاع

هذه القصيده نعود الى عصور مضت مع فراق الاحبه , في أيام الربيع عندما يرحل البدو الى المراعي العشبيه , وللشاعر في هذه القصيده هم وإبداع في نفس الوقت ..

الا وهو الشاعر : فهيد بن عويد المجماج ..!!

لا والله الا شـدو البـدو نجـاع

كـلً هـدم مبنـاه وارتـد زملـه

شد الشديد وقوضوا عقب مجماع

وراعي الموده فـرّق الله شملـه

شدوا ودنوّا للحني كـل مطـواع

كل أشقحً يعجبك لا شـال حملـه

غدا لهـم دون الرفيعـه تمـزاع

كلً بغى دربً عزل وانقسـم لـه

اقفوا كما نوًّ نثـر مـاه وانـزاع

برقه يرفرف والسدا يرتـدم لـه

يا بكرتاه اللي غدت بين الاقطـاع

ويابعد دورتها على اللي جهم لـه

الهقوه انه يـم دخنـه بالاوقـاع

والا مع اللـي سنـدوا مستهملـه

ماهيب لاحاشي ولاهيب مرجـاع

عفرا فتاة وراعيـه ماوسـم لـه

يا غصن موزً ناعمً لـه تمريـاع

إمنين ماهب الهـوا مـال حملـه

راعي هدب عينً مضاليل ووساع

خرسً عيونه والمحاجيـر جملـه

عليه ماوقفت عيونـي بالادمـاع

هجسً يلاحقني على طول سملـه

أعوي عوا ذيبً ورا النزل لا جاع

يقنب إلين الله يجيـب اللحـم لـه

يامل قلبً من هوا الزين ينصـاع

كما يصوع الصيد رامً خطـم لـه

.

.

حبّه يخج القلب ما يوجع اوجـاع

لكن قلبي مودعـه بيـت نملـه ..

وســـلامـــتـــكــــم

بارك الله فيك اخوي راعي العودة ... أبدعت الاختيار والنقل .. صح لسانك ولسان شاعرها

بارك الله فيك اخي راعي العودة

صح السانك اخوي راعي العوده على القصيده الاكثر من رائعه للشاعر: فهيد بن عويد المجماج ..

وبارك الله فيك على الجهود الكبيره المبذوله في النقل والاختيار الموفق

تحياتي لك اخوي ابو حسن

تسلم اخوي ويسلم الشاعر

يعطيك العافيه على النقل ولاتحرمنا من تميزك

وانت سالم ،، صح لسانك

ويعطيك العااافيه اخوي راعي العوده

تحيااتي