جوالي وماابي فية صفر (كيفي)

لو تبي شركة الاتصالات إني أسحب القصيدة فهذا ممكن جدا ولكن بمقابل خمسة وعشرين ريالا عن كل بيت. وواحدة بواحدة والبادي أظلم.

( غربلكم الله كل شي نهبتوه *** مال الأوادم في الضحى تسرقونه ).

خافوا كريم العرش يا ناس خافوه*** لا تسرقون اللي بحاجة معونة.

مديركم يا شركة ( المص ) معتوه *** محتاج فيفادول حق السخونة.

وان كان عيا لا يفيده فشدوه*** شدوا وثاقه لين تطلع جفونه.

شوفوا مداوي يا جماعة وداووه*** خلوه يصحى بعدها من جنونه.

سووا تعاملكم مع الناس سووه*** من شان باكر مثلنا تكسبونه.

واللي يبيع الناس بالبخس بيعوه *** الشاطر اللي ما يبهذل زبونه.

يا شركة المنشار جَيبي نشرتوه*** منشاركم حاجة غريبة سنونه.

جَيبي وجيب الناس مثلي لهفتوه*** واللي معه قرنين طاحت قرونه.

تفريغ جيبي فن مُتقَن درستوه*** من عهد ابن كيال مُتقَن فنونه.

يا شركة المص اخفضي ما رفعتوه*** مجالكم يحتاج كل المرونة.

رسم الشهر وش حدكم ما خفضتوه*** والانتر اللي سعرها ترفعونه.

غربلكم الله والصفر ليش جبتوه*** جبتوه غصباً والعرب ما يبونه.

لمصلحتكم وحدها قد وضعتوه*** وعقبها بفلوسنا تسحبونه.

مائة ريال الحد الادنى اقترحتوه*** والاقتراح اصلا مجرد رعونة.