قصيدة الشايب في الفياجرا

اليكم هذه القصيده الفكاهييه

بشرونا بالصحافه عن علاج جديد"=" ينعش الابدان ويرجع الشايب ولد

صانعينه بواشنطن ومفعوله اكيد"=" جعل من جابه يوسع بقبره وللحد

قلت فرصه شايبي له زمن مايستفيد"=" من كبر سنه يعاني وروح بلا جسد

له سنين منعزل لا شقي ولا سعيد"=" كل ما شاف العجيز تثاوب ثم رقد

مابيده حيله وانتهى منه الرصيد"=" العظام مهلهله والعروق بها سدد

بندقه ماعاد تنفع ولا تقدر تصيد"=" والسلاح اللي معه والفشق فيها فسد

قلت ابر بوالدي وانفعه حتى يعيد"=" ماضي الامجاد ويصبح بعيشة رغد

اشتريت اربع قوارير بالفين ويزيد"=" الحبوب اللي تخلي من الثعلب اسد

يوم اخذ منها تنافض رجع كنه وليد"=" من نشاطه قام يركض ويصدم بالعمد

وقام مثل الشجاع وقال هذا اليوم عيد"=" ومن تحت ثوبه تبين مثل شكل !!!!!

شهر كامل مانشوفه بعيد الي بعيد"=" منهمك والعجيز كل ماينزل صعد

وبعد مدة قال ودي اسافر للصعيد"=" من مصر ناوي افيز لعمال جدد

غاب يومين وجانا معه شي فريد"=" بنت شمحوطه وبيضاء ومركوزة نهد

عمرها تسعة عشر عام او يزيد"=" اسمها فيفي وابوها الحج عبدالصمد

هام ابوي فيها والحكي ماعاد يفيد"=" حلق اللحية وعن ربعه قفا وابتعد

صار خاتم في يدها ويفعل ماتريد"=" واصبحت تتحكم فينا مثل شيخ البلد

اسلبته المال والعقل السديد"=" وبالمقالب والحيل عيشتنا في نكد

طلق آم عياله اللي لها ساس جويد"=" قال طسي ياعجوز المشاكل والعقد

من يذوق الكيك مايفكر بالعصيد"=" وانتي العيشه معك مثل حبل المسد

اعرف اني سبة اللي حصل ولله شهيد"=" جيت اكحل عين محروم واعماها الرمد

اثر بعض البر وسواس مريد"=" يفسد الاخلاق ويضيع الوالد والولد

..........................................

على طاري الفياقرا يقولك فيه واحد شايب ( ابلش) ولده لازم تجيب لي فياقرا الولد رفض خايف على ابوه قام الشايب وقال اذا جبت الحبوب اعطيك خمس مية ريال الولد ماكذب خبر واطمر وجب الحبوب وعطهن ابوه من بكره عطاه الشايب الف ريال ؟؟؟ قال مني 500 ومن امك 500 ؟

---------------------------------

والله هالشايب اللي ماله خاتمه جحد ام عياله

بس تصدق فطست ضحك على القصيدة

الف شكر ياذيب السهيلات على القصيدة الزينه ولاتقاطعنا ابد

ولاتحرمنا من هالقصائد والمشاركات السنعه

تسلم والله على المرور ولاتقاطع...