مرني طيفه على العاده عجول ..

بسكوت أبقولك قصيده حلوه سامعها اليوم

بسكوت .. أسلم عطناها

ابو عيون .. يقولك .. مرني طيفك على العاده عجول ,,,,

ليتميصل عليه بسكوت قائلاً عجول ولابقر هاهاها

أبو عيون ... أقول الشرهه مو عليك الشرهه علي وإلا أنت وخشتك وجه شعر .. ليمد يده واضعاً أحد الشرائط في المسجل وعندما بدأت المغنيه تغني تنقلب الأشياء على عقبها ويتغير كل ماحولهم

ليجدا نفسيهما على ذلولٍ فيراني ذا جنوط ٍ سود وجناح في الخلف

ويمشيان في صحراء قاحله وتحت شمس ٍ حارقه حتى أضناهما التعب ليبحثا عن بئر أو مصدرٍ للماء يشربان منه جغمة ماء ..ليجدا ذلك الغدير ويصادف وجودهما وجود فتاة ٍحسناء ذات برقعٍ مخملي لتنبادرهم قائلةً هلا والله بولد عمي وحبيب عذاري

ليبحلق بسكوت بعيونه ويوشوش لصديزه ياشيخ أصير لكم سواق مو ولدعم بس

ويرد بقوله .. المهلي مايولي يابنت الأجواد >>>>حافظها من المسلسلات

لينط ابو عيون ناعسه ويحاول أن يذب نغزات على بسكوت بقوله أخس يابسكوت عنده بنات عم زي تسذا ولايعلمنــا

ليلتفت له بسكوت..ياشين أسكت أنت ووجهك وبعدين وراك ماترجع للديره أزين وتخليني مع بنت عمي ولا صرف نفسك --->>> أنواع الجحده

ويرجع يسولف مع عذاري .. شلونتس ياعذاري

عذاري والله بخير بس أنت وينك يالزلابه لك مده ماشفتك وجوالك مقفل

بسكوت ..إي والله طالع مخيم في أم رقيبه عند مزايين الأبل>>>>> أنواع النصب

عذاري .. أجل تسذا تئبرني

بسكوت .. وشو

عذاري .. هههه إيه لاتلومني هذا من تأثير القنوات اللبنانيه

بسكوت .. أجل عندكم قنوات بعد

عذاري .. بسم بالله عليك أنت شكلك منت صاحي أجل مو أنت اللي مركب الدش

عذاري.. يالله يابسكوت أنا أبرجع للبيت تبي مني شي قبل أمشي

بسكوت .. لا سلامتك ..

يالله بس لاتقاطعنا بالرسائل

بسكوت >>>توهق مايعرف الرقم

إيه إن شاء الله بس أرسلي لي رساله عشان أعرف إنك فاضيه ..--->>> ذهين

عذاري .. واالله ودي بس البطاقه فاضيه >>>>>يعني تلمح

بسكوت .. أقول بدينا بحركات البنات ..والله لو تموتين ماشحنت لك وبعدين أنا ما أحتك بحقين بطاقات سوا

عذاري .. والله مدري وش اللي محببني فيك أنت وقعاطتك المهمبس مر على أبوي في الشيخ في البيت تراه يسأل عنك

بسكوت .. إن شاء الله بس وين بيتكم فيه

عذاري وجع .. والله .... شوفه مع هالصوب .

بسكوت أوكي خلاص جايين ..

وتطس عذاري ذاهبة ً إلى البيت ..

ويعود بسكوت للبحث عن صديزه أبو عيون ناعسه ليجده فاغراً فاه

ويصرخ بسكوت أبو عيون صديزي شفيك

ويرد أبو عيون ياخي جالس أتأمل

بسكوت نعنبوا بليسك وش تأمل فيه يالرومانسي كلها صحراء

المهم قم خلنا نروح لبيت عمي .. طلع هو الشيخ وأنا مادري

وعندما ذهبا إلى بيت الشيخ وجداه مكتضاً بأفراد القبيله متحلقين حول التلفزيون وعلى قناة روتانا .. والشيخ ممسكاً بجواله ليتصل ببرنامج شبيك لبيك ليس حباً في الأغاني ولكن الشيخ المهستر يبي يكلم أحد المذيعات الفاتنات اللي رايح معها وطي

ليسلما ويجلسا .. وبعد هنيئه يقوم الشيخ بطلب العشاء من أحد المطاعم القريبه اللتي تقوم بتوصيل الطلبات ويطلب للشله أفراد القبيله وجبات سريعه من الهمبرجر والبروست والبيتزا على حسب رغبة كل واحد

وعندمــا تأخر الوقت ومضى كل الموجودين لحال سبيله أخرج ابن عم بسكوت الدب الداشر عبيد لعنه الله اللاب توب حقه ليقوم بوضع سلك الهاتف ويتصل بشبكة الأنترنت

ويقوم بجوله على ماسنجراته المليئه بانواع البشر اللي يستهبل عليهم ثم يذهب للبالتوك وغرف مال أمها داعي ويقوم بتدشير بسكوت وصديزه أبو عيون --->> إيه هين بس يدشرهم

ومع مضي الوقت يأتي راعي غنم الشيخ وهو يطلب النجده والعون لمواجهة الحنشل

ليأتي الشيخ لبسكوت وهو يقول .. بسكوت ياولدي أنت فارسنا واليوم يومك يابعدي

ليلتفت بسكوت لصديزه قائلاً إنا لله ياخي ياشين الواحد إذا صار فارس

ليقول أبو عيون .. ياشيخ لاتصدق نفسك الله يذكر أيام التصفيق في الحاره بس .

بسكوت .. أقول إنطم لاتفضحنا

ليذهب بسكوت ويمتطي صهوة جواده بكل عنفوان

ليقول مصيول مندهشاً بالعون إنك فارس شجاع

ليعود بسكوت لمصالته قائلاً : فارس شجاع ولا فارس مهدي ....... هاهاها

ليرتفع ضغط مصيول ولسان حاله يقول .. والله إني داري إن مافي راسك أنت ودميجتك اللي تقول دميجة مستر بن

وينطلق بسكوت بجواده وأمله الوحيد اللحاق بالحنشل

وعلى بعد مسافه قريبه يجد هولاء الحنشل الذين لم يكونوا سوى عرابجة ودشير القبيله ولم يسرقوا من الحلال سوى تيسٍ على قدهم ليقوموا بعملٍ مندي ٍ يحبه قلبك

وأن الراعي الخريشه ماصدق يسمع صوت إلا وهو منحاش .

ليقوموا بالإصرار على الفارس بسكوت ليقلط عندهم ويتعشى معهم مندي

ووافق بسكوت بالطبع ليكمل سهرة تلك الليله معهم

إلى أن أشرقت الشمس ليعود بسكوت لقبيلته وبينما هو يمشي K . M إعترض طريقه شئ مــا ... ليحاول تفاديه .. إلا أنه صدم في أقرب ماصوره

ولم ذلك الشئ إلا تريله حاول تفاديها وهو مسرع عندما كان يسبح في بحر خياله ,,,,

إ . هـ

أشياء مدري وش اسمها

أول شي وش رايكم في اللغه العربيه الفصحى

ثاني شئ أحداث هذه القصه حقيقيه

v

v

v

v

v

v

v

v

v

v

v

v

قال وش دراك إنها تسذبه قال من كبرها

,,,

المهم قبل لأنسى ,,, طحياطي

بسكويت مالح ( اثرك عندنا في سوق السبت )

...مشاء الله من اول مشاركه موضوع يفلش الراس والله ...

هذا التفاعل ولافلاااا .. الله يوسع صدرك بالعافيه

وتستاهل عذاري بنت عمك وترى مهرها شحن بطاقتها خخخخخخ

ابداع فمنتدى حرمه في بوابه الساخر .. يفخر بامثالك يافارس القبيله

وماقصر مشرفنا حميان ثبت الموضوع لانه يستاهل

تحياتي ... فتاة سوق السبت