مزعلة النسا قام بنشر December 19, 2003 ارسل تقرير قام بنشر December 19, 2003 قصة شعر الشعر اللي بكتبه لازم تعرفون قصته قبل لا تقرونه : واحد اسمه خالد جاه مرض و قالوله انه بيموت كتب الشعر لصديقه يقول له فيه انه يحب حبيبته و يبي من خويه هذا انه يخليها تنساه اقرأ القصيده والله تستاهل ... وراح تعرف معنى الحب الصادق ــــــــــــــــــــــــــــــــــــــــــــــــــ ـــــــــــــــــ وصاتي لك من بعدي ........ تموت فيها على شاني ابيها تعيش و تحيا بك ........ واظل بالذاكره مفقود وصاتي لك تنسيها ........ ملامح وجهي و تنساني وتعزفها قصيدة حب ........ على عكس اللي عزفته بعود وصاتي لك تبعدها ........ عن اشعاري وقيفاني تراها مغرمة بالحيل ........ ويشهد لي عدد الردود وصاتي لك تسايرها ........ ترى فيها من احزاني طلبتك لايضيق بالك ........ طلبتك والطلب مردود وصاتي لك تناديها ........ حياتي..عمري..ازماني انا عودتها دايم ........ ادلعها وانا موجود وصاتي لك تعاملها ........ بطيبه قلب و احساني تراها تذرف الدمعه ........ ودمعتها بليٌا حدود وصاتي لك تحفظها ........ سور وآيات قرآني وتخبرها عن الميت ........ رحل لايمكنه بيعود وصاتي لك ترسمها ........ على قبري وأكفاني ابيها لوحة تبقى ........ على طول الزمن محدود وصاتي لك تمازحها ........ وتشوف الضحكة بأسناني سعيتك ياضحك هالكون ........ طلبتك لاتصير جلمود وصاتي لك تقهويها ........ من دلالي و فنجالي تراها تعشق السمرا ........ ويكفيها دخون العود وصاتي لك تركبها ........ على خيلي و على حصاني وربي فارسة من قلب ........ شهادة ماهي لشهود وصاتي لك تسفرها ........ بلاد الشام و لبناني ترى يحلالها تقطف ورده ........ وردة من بلد الورود وصاتي لك تراقصها ........ على الحان رحباني ترى فيها عرق خالة ........ وفيها من جنون السود وصاتي لك تحببها ........ فأبونورة بعد هاني وتنسيها ندم غلطة ........ انا فيها ترى المقصود وصاتي لك تكرهها ........ في تاريخي و عنواني أبيها تلعن اللحظة ........ وتلعن كل فرح موعود وصاتي لك تكلمها ........ عن المجني وعن الجاني وتخليني انا الظالم ........ وانا من حرق الاخدود وصاتي لك تشبهني ........ بدم أحمر قاني وانا هالقاتل السفاح ........ مجرم من عصر نمرود وصاتي لك تحلفها ........ تتوب تحبني ثاني ترى يكفيها ماعانت ........ ويكفي حيلها مهدود وصاتي لك تنسيها ........ وصية قالها لساني أنا اخبرك رجل موقف ........ وانت قدها وقدود صديقي مالقيت غيرك ........ يعرف وشلون تنساني أمانه ضمها بقلبك ........ ترى خالد....رحل مايعود اعجبتني كثيراً واتمنى ان تعجبكم تحياتي..اختكم ليالي نجــــــــــــــــــــــــــد
مرتـــــــــــــــاح قام بنشر December 20, 2003 ارسل تقرير قام بنشر December 20, 2003 اقرأ القصيده والله تستاهل ... وراح تعرف معنى الحب الصادق بالفعل قصيده تستاهل من يقراهــا .. أبيات من القلب ومؤثره جداً .. أختي ليالي نجد تسلم يدينك على هالنقل الرائع .. تحياتي
الملتاع قام بنشر January 6, 2004 ارسل تقرير قام بنشر January 6, 2004 ما قصرتي ليالي نجد قصيدة حلللللللوة
اسير سدير قام بنشر January 26, 2004 ارسل تقرير قام بنشر January 26, 2004 (ليالي نجد) تحيه عطره ومشاركه موفقه ونتمنى المزيد منك ومن جميع محبي المنتدى وعشاق الشعر الشعبي @ ( اسير سدير )
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان