مرثية طلال الرشيد

بنت اخت طلال الرشيد ترثيه ( رحمه الله)مرثية ابنة اخت الشاعر طلال الرشيد في خالها

يادمعتي ارثي طلال برحيله000وارجي له الغفران من عند مـولاه

يارب من غيرك برتجي له000في رحمه اللـي ماتحملـت فرقـاه

من موتته يارب نفسي عليله000راضي لكن حكم الاقـدار ماقسـاه

اخفي هموم القلب لو هي ثقيله000ياقوي صبر القلب عليـه ياقـواه

ياناس كن الكبد فيها مليله000من واحـد فـي ايـام العيـدفقدناه

ياناس راح اليوم راعي الجميله000الله يعين القلب على كبر بلـواه

ياعل روحه في جنانك نزيله000ياخالقـي تكـرم مقامـه ومثـواه

اللي زرع دروب الفضيله000وعلمني ارضي خالق الكون واخشااه

وعلمني امشي في الدروب النبيله00وخلاني اتبع في حياتي سجاياه

دايم عيوني في خياله تخيله00في كل نظره وين مـااروح القـااااه

ابكيه انا وتبكيه كل القبيله000وجاره ومن قام يعرفـه قـام ينعاه

كم شيخ صارت دموعه هميله000ويجاوب الونات من حر ماجاه

ومن جا يعزيني بفرقا خليله000ربي عساه من الصواديـف تاقاه

مرحوم ياشيخ يمينه طويله000ليت القدر خذانـي بدالـه ولاجاه

الموت حق وكلنا نستـوي له00ولابـد مـن يـوم تجينـاا مطايـاه

يالله طلبتك يامنجي دخيله0000انـك تخلـي جنـه الخلـد مـااوااه

يالله طلبتك يامنجي دخيله.........0انك تخلي جنه الخلد مااوااه

يعطيك العافيه ياراعيها بصراحه قصيده مررررره حلوه.

بس ماقلت ياراعيها اسم الشاعره؟

اخي راعيها

والله انك راعي الزين وكل مايجي منك زين

تقبل تحياتي وتقديري

الاخت رهف شكرا لك وبصراحه مااعرف الاان طلال الله يرحمه يكون خالها.

الاخ السديراوي شكرا لك وانشالله اوعدك بالمزيد؟

شكرا لكم مره اخرى