وينهــــــا ؟؟؟((معايده)

وينها ؟اللي لحظرت فرحي يزيد

وينها؟ اللي وصفها فوق الخيال

وينها ؟قولو لها ذاليوم عيد

قولوا أنه يوم للقاطع وصال

من فرح هاليوم غنوا بالنشيد

والحزن ماعاد له فيهم مجال

وانا واقف بينهم كني وحيد

حاير(ن) مدري تجي؟ أوهو محال

وألتفت لصاحبي أبغى عضيد

قلت (تكفا ) .. ماتهز إلا الرجال

قال أنا خابرك رجال(ن) شديد

ماتفوز إلا بكاملة الخصال

مير شفها تجت تهادي من بعيد

كنها ظبي(ن) علي روس الجبال

قلت أجل خلوني أكتبها قصيد

وأشعل القيفان لعيون المنال

ياهجوسي أبدعي وصف (ن) جديد

يِعجز الشعار عن وصف الجمال

شف نحرها لو لبس عقد(ن) فريد

يخجل الألماس من عنق الغزال

والشعر شلال لليل (ن) فوق جيد

ضلمتن غطت علي سود الليال

والخشم في سلته سيف الوليد

كنه اللي منتصر يوم القتال

والعيون اوقف .ولا ودي ازيد

خايف(ن) وصفي يعديها الكما ل

وتدري أنه كل وصفي مايفيد !!

يوم قالت لي لقيت أبن الحلال !!

يخجل الألماس من عنق الغـزال

صح لسان يا هوى