السلام عليكم تراني جيت فيذا .. والله تطورت حميدة

أخواني أخواتي أبناء وأهالي حرمة ..

السلام عليكم ورحمة الله وبركاته ..

صراحة ماشاء الله وش هالزين وش هالمنتديات الزينة والله وتطورت حميدة

تراني توني جديد فيذاااا واحب اني ارحب بكم وان شاء الله نقدم لكم المفيد << اول مرة يصير رسمي !!

هذا وحيث أنه كبرنا وصرنا رجاجيل << مختنه ابو فهد الله يرحمه سجلنا لديكم لنقدم لبلدتنا الحبيبة (( حرمتن تنادي .. هيا يا أولادي )) .. المزيد من ذكريات الطفولة هنا وهناك عندما كنا حافين وبعد أن أنتقلنا للرياض عاد تطورت وصرت ألبس كنادر

هذا مشاركة وحيدة ابيكم عاد ترحبون فيني زين والقهوة تراها فيذا في هالموضوع بس جيبوا القدوع !!

وانا ابجلس فيذا وأي واحد من أهل المجمعة يدخل أبرجمه وأقوله

تراي احب المزح عاااد والتنكيت ولا تواخذوني في نخابيقي يامالكم من خثرتزة ( وفي قول خثرقة )

يالله عاد هجوا الباب ابنكس لمكاني

حياك يالقروي

بس اهل التويم ترحب بهم ولا نتوزا عن حصاك يابعد حيي====>تويماوي من حايل

وش جابك ياكثرك في كل متسان أحصل منك نسخة ههههه

ياحبيلكم يا أهل التويم تعالوا كلكم وعندنا ترا مكان للحريم يسولفن فيه ويقشمن حب !!!

والله شكلك توسع الصدر جب العزبة فيذاا خل نزين مكرونه <<< ياحبنا للمكرون يالسديراوية هههههه

ابطلع وخر رجلك عن دربي هههه

هلااااااااااااااااااا هلاااااااااااااااااااااااا والله وسهلا

هلا بالغالي ولد الغالي؟؟

<<<<<<<< على باله يعرفه؟؟؟

بس الصز.. احس انك مصرقع وجزتلي قلت خل نطيح الميانه معه..؟؟

ههههههههه حياك الله وعاد لاتقطع والله الله بالمشاركات السنعة....

تحياتي .............

راقي ..

حياك الله .. أكيد عندك كاشف والا وشلون عرفتا أبوي

أمش يالاقشر يالكاشف

تسلم يالغالي يا ولد الغالي << يقالك ركبنا كاشف !!