GOLDEN-EYE قام بنشر October 1, 2003 ارسل تقرير Share قام بنشر October 1, 2003 الــــــــــــــــــمــــــــــــــزح هي دعابة بسيطة ممزوجة ببعض الجفاسة وغالبا تبدأ بكلمة وتنتهي برقود في العناية المركزة .. في هذا الوقت الشديد العصيب اللي مليان صبيب والناس تشرب حليب وتراني منيب اداني الزبيب والناس يتعطرون بالطيب وبوري الددسن بيب بيب .. <<======= ماودك تنطم يالحبيب ؟؟ فكرت افتح بيبان مسكرة .. واخذكم معي لنغوص في برابس المزح .. حيث نشاهد الرجول المقطعة والروس المفلقة والعاهات المستديمة وكلة من ورا المزح .. ما معطني مع يدي وخلاني اكتب عن هالمرض المستفحل هو زيارة قمت بها لمستشفى النقاهه لقيت ان اكثرهم مريضين !! <<==== ما شا الله عليك وشلون عرفتا ؟؟ رفع يده واحد شاطر من ضمن الحضور " اي حضوور " وقال : ياايها المتصدي (على وزن مفتاح << انطم :| ) .. هل سبب مرضهم الدخان "التتن" ؟؟ قلت واي تتن تتكلم عنه نعنبوا ابليسك التتن يسوي تسذا ؟؟ <==== افا وين راحت العربية ؟؟ رفع يده شاطر ثاني وقال : اجل اكيد انه من مصالك << صآآآدق .. بس الحقيقة مرررة .. يا جماعة الخير السبب في وجود مستشفى النقاهه هو بعض العينات اللي ما عندها إلى تكسير اليدين وتمعيط الخشوم .. وهو المصطلح المعروف عندهم بالمزح ضحايا المزح واجد ومن ضمنهم : واحد من معارفي مع اني لازلت اشك في قرابته لي خصوصا في تحكم اللوبي الصهيوني بأمريكا واكيد انهم دازينه لي علشان يقنعني ما اكره امريكا ((منيب عاقل يا طنب بن لادن )) .. سبحان الله ما تميز المزح عنده من الجد إلا بالابتسامه المليحة .. هذا الشخص ولا نزكي على الله احد له ضحايا واجد يربون عن ضحايا سفاح اليمن حتى انهم يوم جو يعدمون سفاح اليمن قال محامية (( وش زود ذا الزول الضعيف تعدمونه وخوي الاطخم قاعد ؟؟ )) .. كان في يوم من الايام قالط عن واحد من عيال حارتهم قاعدين يسولفون ومدري كيف .. تهور ذا وحاول يداعب خوينا وفجأة تحولت المداعبة إلا مزح " قايلن لكم الحقيقة مرة " وحسب قانون نيوتن لكل فعل ردة مساوية له في المقدار ((ايه هين قال مساوية في المقدار قال )) .. فخوينا قام وقعد يمازح خوينا فأول شي جاه مسك رقبتة ومصعها إلييين غدا لونه ازرررق زي البردقان :| .. عاد يوم شاف الازرقااق قال شكلي عورتك ((لا يا شيخ اجل صار لونه ازرق من الوناسة )) قام ولد الحارة غسل وجهه وطلع في وجهه نقط صغير قعدت حول ثلاث ساعاات ما راحت عاد قال بيتين شعر : 1 2 3 مزحتن مزحتها بغير قصد " " جت في جبهة ولد الفلاني ابعدت عنه وقمت آصد " " ولو ازبن عند ابليس جانـي قرب لي قلت بدا الجد " " وعرفت ان عمري غدا iiفاني عاد مرة جا لم بيتنا وريته كمبيوتري ومزح معي مزحه وخرب لي الطابعة واحدن آخر نفس خوينا الاول مزوح الله لا يبلانا قاعد يمزح هو ويا اخوه الصغير (( يا حليلة حنوون )) ويلعبة طيارة وهيل هوبه .. المهم قاعد يرجفه على الجدار ( يا عيني على المزح ) يوم تحمس مع اللعب وهو اللي يرجفه ذيك الرجفة يوم قام اخوه يقول " اللحين وراك نايم فوق الثريا ؟؟ " وما هي إلا دقائق ويغمى عليه وما قام إلا بتدخل عدة المطبخ (( من صحون وبصل )) تصدقون مرة كان توه محلق قرعة قلت له " طالع كنك مقاول " مجرد مزحة يعني .. بس ستر ربك جت سليمة وما جاني إلا خمسة بقوسين .. يوم كنت في المتوسط (( ياحليلي )) كان كتفي ازرق طول السنة ويرجع لم لونه في العطلة فقط .. كان في فصلي واحد مزوح وحاط حيلة في كتفي إذا شافني منسجم مع المدرس جا وعض كتفي وما يفكه إلا بوساطت عمرو موسى .. المشكلة يهددني يقول ترا إذا غيرتا مكانك ابنقل مكان المزح لوجهك .. في أيام حرب التفاخ الاولى اللي بعد الحرب العالمية على طوول .. كان فيه اثنين بينهم ثار وشلوون : واحد شال تفاخة فيها موية ويلحق بها خوينا ويصقعها في جبهته .. حقد هذاك ويعبي تفاخة وفي جبهة خوية .. وعلى هالحاال .. عاد واحد منهم زهق من هالحالة وهو اللي يروح يعبي التفاخة زيت " عاد مدري وش نوعه" ويلحق بها خوينا ويصقعها فيه .. اهااا المصقوع تولد عنده الشعور بالثار وراح يشاور ابليس قال مالك إلا هذا عاد قام يسمعه انا مالقطت الكلام زين <<===== يا كثر نصبك .. المهم راح خوينا وشرا تفاخة وهو اللي يعبيها الله يكرمكم ***** (( اللي يسوية البزر وهو نايم .. قالت العرب " لا تكثر شرب الماء علشان ما تسويها وانت نايم )) المهم عبا التفاخة ويلحقبها خوينا وطرررقع فيه .. عاد كبرت المشكلة وتدخلت لجنة الحكام والاتحاد السعودي كله وفكوا المشكلة .. .. يروي لي احدهم .. يقول ثنين اعرفهم راكبين في السيارة ويتمشون وقفوا عند اشارة .. قال الاول للثاني .. اتحداك تتفل على الشرطي اللي عند الاشارة (( تطلع من فمك موية عليه << ياي )) قال عاااادي << على نياااته .. وهو اللي يفتح الدريشة .. " هي هي يا شرطي .. توف على وجهك " ما درى إلا وخوية اللي يسوق يوقف عند الشرطي .. عاد صار جلد ومن اللي انتم خابرينه .. مواصفات المزوح : جسمه زي حسم خويي ذاك .. << وهم يعرفون خويك يالمرض ؟؟ .. إذا دخل المجلس تلقا العالم يقولون .. " يوووه صح امي قايله جب خبز .. " حتى لو انه تالي الليل .. دايما يكون ثقيل دم يحاول يعوضه بالمزح الرااائع .. تلقا اللي يمشون معه وجيهم فيها خرايط العالم السياسية والتجاريه والجغرافية .. بعد المآسي الجسيمة .. خل نتكاتف يدا بيد للقضاء على مثل هذا النوع من الارهاب والله الهادي إلى سواء السبيل .. من قول عبر الأطخم golden-eye رابط هذا التعليق شارك More sharing options...
فتاة سوق السبت قام بنشر October 2, 2003 ارسل تقرير Share قام بنشر October 2, 2003 يا جماعة الخير السبب في وجود مستشفى النقاهه هو بعض العينات اللي ما عندها إلى تكسير اليدين وتمعيط الخشوم .. وهو المصطلح المعروف عندهم بالمزح ^ ^ ^ لهذه الدرجه المزح يسوي تسذااااااااااااااا كان في يوم من الايام قالط عن واحد من عيال حارتهم قاعدين يسولفون ومدري كيف .. تهور ذا وحاول يداعب خوينا وفجأة تحولت المداعبة إلا مزح " قايلن لكم الحقيقة مرة " وحسب قانون نيوتن لكل فعل ردة مساوية له في المقدار ((ايه هين قال مساوية في المقدار قال )) .. فخوينا قام وقعد يمازح خوينا فأول شي جاه مسك رقبتة ومصعها إلييين غدا لونه ازرررق زي البردقان :| .. عاد يوم شاف الازرقااق قال شكلي عورتك ((لا يا شيخ اجل صار لونه ازرق من الوناسة )) ^ ^ احول ولاقوه الابالله مهب مزح ذا صار مصارعه حرررررررررررررررره مصع رقبه زين ماجاه فهاااااق يوم كنت في المتوسط (( ياحليلي )) كان كتفي ازرق طول السنة ويرجع لم لونه في العطلة فقط .. كان في فصلي واحد مزوح وحاط حيلة في كتفي إذا شافني منسجم مع المدرس جا وعض كتفي وما يفكه إلا بوساطت عمرو موسى .. المشكلة يهددني يقول ترا إذا غيرتا مكانك ابنقل مكان المزح لوجهك .. هههههههههههههههههههههههههههههههههههههههههههههههههه يعض مدري بس احس واحد في المتوسط ويعض كبيرررررره اقول انتبه وانا اختك لاياه مسعووووووور همين عاد تصير مثله تعض عض اخوي قولدن سرد راااااااااائع وانتقاء مبدع للكلمات والالفاظ واخيااااااااااااار موفق للموضوع ومقدمه شيقه تخليك غصب تكمل للنهاااااااايه عشان كذا نقول يثـــــــــــــــــــــبت والله وسعت صدورنا بها المزوووح فعلا ظاهره اجتماعيه لابد من القضاااء عليها ولا ماقضينا عليها بيجي علينا الدور وبرووووووح ملح خخخخخخخخخخخخخخخخ الله يفكنا شر المزح ـــــــــــــــــــــــــــــــــــــــــــــــــــــــــــــــــــــــــــــــــــــــــــــ وياجماااااااعه نبي مواضيع مثل كذاا مواضيع من صميمكم <<< حلوه صميمكم اكتبوووووووا واكتبوووووووا وورونا خبالكم وابداعاتكم ووسعوا صدورنا وخلونا منتدى حرمتناااااااااااااا شــــــــــــــي تحياتي لكم جميعا اختكم فتاة سوق السبت تحيااااااااااااااتي رابط هذا التعليق شارك More sharing options...
عو عو قام بنشر October 2, 2003 ارسل تقرير Share قام بنشر October 2, 2003 مزحتن مزحتها بغير قصد " " جت في جبهة ولد الفلاني ابعدت عنه وقمت آصد " " ولو ازبن عند ابليس جانـي قرب لي قلت بدا الجد " " وعرفت ان عمري غدا iiفاني هههههههههههههههههههههههههههههههههههههههههههههههه حلووووووووووه رابط هذا التعليق شارك More sharing options...
عو عو قام بنشر October 8, 2003 ارسل تقرير Share قام بنشر October 8, 2003 تبغا تورينا صور ولا وشلون رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان