عشنا وشفنا !!!!!!

اليوم الصباح انقلبت علي الدنيا بشكل ما يتصوووره أحد ...

وشلووون تعااالووو اسمعوووا

قمت الصباح باكراً كالمعتاااد <<< أكبر نصبة

المهم بعد ما جهزت نفسي للخروووج للعمل...

ادور على مرتي في البيت ما لقيتها...

قلت يمكن جالسه تخرف النخل <<< هذا وقت خرف

أو انها تحلب الغنم ... او انها تقرص قرص بر...

فتشت ادورها ما لقيتها

قلت الغايب حجته معاه...

خل آلحق على الدوام اصرف لي

طلعت ابركب السيارة

ومير تطير عيوني ... ما ليقيت السيارة...

وآلف حول البيت وفي البيت ادور على السيارة ما لقيتها ...

قلت مابدهاش... خل ابلغ الشرطة

واوقف ليموووزين واركب معه واقوله بالله عليك اقرب مركز شرطة...

واطالع والا اللي يسوووق مهب رفيق... صار اللي يسوق رفيقه ...

ومير انهبل... واتلخبط واقلو تكفين وقف...

وترد وتقووول (ليش بابا ما يبقى شرطة)...

قلت لا بس خايف تمسكنا الهيئة ...

قالت (لا بابا ما في مشكلة بس انت لازم يركب ورا... ما في يركب قدام جنب سواق)...

قلت في نفسي وش السااالفة ...

وما دريت الا جمس الهية من صبااح الله خير... داااعس ويلاحقنا...

قلت لرفيقة البلا... هذا بلا ابوك يا عقاب... جاك المووووت يا تاارك الصلاة

ومير يتعدوونا ويحدووون الليموزين ويوقفووونا ...

وفجأتن... يزلووون من جمس الهيئة...

ولا اللي ينزلوون حريم بعبايااات على الراس... ولابساتن دسووس على اليدين...

ويجووون لم السواااقة ويقوولوون لها ليش تركبينه بدووون محرم...

ومير ما قدرت امسك نفسي وانهبل عليهن...

واقول لهن مين انا ...

قالوووا لي ايه انت ووجهك ...

قلت لا ما صارت عيشه هذي... وين حنا عايشن فيه...

ومير انزل واقوولهن انتم اللي وشلووون تطلعووون بدوون محرم ...

ويزعلووون علي وتضيق صدووورهن...

وينادوون على العسكرية اللي معهن...

ويقولون لها ركبيه في الجمس...

وما دريت الا وانا متكتف مركب في الجمس. ...

وياخذوووني على مركز الهيئة...

ويحطوووني في الحجز عندهن...

وقالووو نوريك شغلك ... ياللي ما تستحي... يالفاسق

ويتصلووون بالتليفون ومشغلين السبيكر... ومير اسمع صوت مرتي...

ويقووولوون لها... للأسف لقينا زوجتس مع ليموزين يدوووجون في الصباح...

ومير تنهبل مرتي ... وتقولهم... وش هالاخباء الشينة على هالصباح...

بس اذا هذي تصرفاته... فخلووه عندكم... وراح ارسله ورقة طلاقة...

وانهبل واقووولهم اصبروو شوي ابي اكلمها...

ويعيووون علي... وقالوو انت سمعت باذنك...

قلتلهم طيب كلمووا امي <<< خلاص اندمجت في الدور

ويكلمووونها...

واقووولها يمه تراااي ممسوك عند الهيئة... ومرتي تبي تطلقني...

قالت... افااا وش انت مزين...

قالت ولا شي بس كنت راكبن لمووزين...

وترد وتقول افااا... طيب خل اشوف الموووضوووع...

ابي امر على مرتك في الدوواام واتفاهم معها...

قلتلها أي دووام ... مرتي مهب مدرسه...

قالت لا يا وليدي.. بسم الله عليك

وجاك... نسيت وين مرتك تشتغل فيه

ومير تقووولي انها تشتغل في نفس وظيفتي...

قلت هاااا... كيف ...

قالت ما عليك... انا ابي استأذن من دوواامي واروووح لم مرتك اتفاهم معها...

قلت وانتي يمه تشتغلين ... ولها صك الخط.. وما ردت...

وما دريت عقب ساعتين... تجي امي ومعها مرتي...

ويتفاهمووون مع الهيئة... وطلعوووني...

وهات هووواش وتهزيئ ...

ويقووولووون لي هذي عمااايل رجااال ...

فشلتنا عند الله وخلقه...

ويوووم طلعنا... واشووى والقى سيارتي ...

قلت الحمد لله...

واجي ابي اركب اسوووق ...

وما دريت الا الكف اللي يمشي مليون على وجهي ...

ومير اركب ورا... ومرتي تسووق وامي راكبتن جنبها ...

ويودوووني للبيت...

وادخل للبيت... ومرتي تقووول ابي اجيب العيال من المدرسة... وارجع لدواامي

وبدووون احساااس...

وبتصرف تلقائي....

ادخل المطبخ.. وابدا اقطع بصل وطماط... واطلع اللحمة من الثلاجة...

ابدى بالكشنة... واللحمة... والبهارات...

ويدخلووون العيال ويقوولووون ها يوووبا خلص الغدى...

واقووولهم اصبرووو الين ما تجي امكم من الدوااام...

آآآآآه عشنا وشفنا....

تخيل تصير هذي يوه ملل بيصير خطير ياخي الكريم

شكراً

على الموضوع الحلو

تحيايتي