ريماس قام بنشر August 11, 2003 ارسل تقرير قام بنشر August 11, 2003 قصة البنت ومطعم كنتاكي..(قصه حقيقيه) بسم الله الرحمن الرحيم ..... كان في وحده نايمه عند بنات خالتها ....وهالبنت خبله ومفوته ...المهم جاعوا البنات وتبي تطلب من كنتاكي ........ هو الوحيد الظاهر اللي يفتح الفجر ويوصل في هالوقت...كانت الساعه 4 الفجر المهم انها كلمت الاستعلامات وقالت ابي رقم كنتاكي...هو حق الاستعلامات نص لفه وفاضي راح عطاها رقم جوال وقالها هذا كنتاكي.... قالت كنتاكي ورقم جوال!!!!! كيف؟؟؟ ..قالها ايه توهم فاتحينه فرع جديد وما بعد وصلهم خط .. البنت صدقت وراحت دقت على الجوال قالت كنتاكي..... قال نعم<===متفق مع خويه قالت ابي اسوي طلبيه ..قال كم رقم اشتراكم؟؟ ..قالت ما عندنا قال طيب وصفي لي البيت...وراحت وصفت له ..وسئلها باسم مين وعطته الاسم والرقم ..... الرجال انبسط عليها..راح لكنتاكي وطلب طلبيتها وراح لها لبيتهم بعد ما غير ملابسه ....... لبس بنطلون وتيشيرت وكاب ..ووقف السياره بعيد شوي..ونزل رن الجرس....قال كنتاكي فرايد تشيكن بلهجة هنود.. جت البنت تركض ..وعطته الفلوس ...واخذت الطلب هي الاخت مشرعه الباب...تحسبه هندي <====الدعوه فري عندها هو انبسط وقام يتفرج...البنت حلوه مره..واعجبته<===حب من اول نظره صارت كل ما دقت عليه على انه كنتاكي سوى نفس الحركه...ولو كان بالثمامه رجع عشان خاطر عيونها في الاخير الولد مره حبها....و تقدم لها وخطبها...وصاروا زوجين سعيدين بعد ما تزوجها قالها السالفه وصار كنتاكي مطعمهم المفضل القصه حقيقيه
سكر قام بنشر August 11, 2003 ارسل تقرير قام بنشر August 11, 2003 هلا سمااااوي صدق القصة حقيقية والا لا ؟ وبعد أذنك طبعا اكمل من عندي الملح والبهارات ....... وبعد ما تزوجها قالها السالفة وبعد كم يوم زوجته تعبانه من شغل البيت وما لها خلق تدخل المطبخ ! ويوم منه جاء زوجها يببي يتعشى لقاها ما سوت شيء وقالت ما ودك تعشينا في كنتاكي ؟ قالها : اقولتس : قومي عطيني عشاء . قالت : تكفى عشنا في مطعمنا المفضل . قال لها انتي اكيد ما تسمعين قومي لا والله ..... !! ثمين قالت تكفى على حسابي العشاء بس قوم ! قال لها وانتي من وين لك القروش ميب كلها قروشي وانت اذا بغيتي شيء تاخذين من مخباتي ( تلطشين ) اي من طحانت امك والا ابوك ! قالت لا والله انا باقي عندي قروش من المهر ما صرفته . قال لها بعد بعد يعني انتي وابوك تنصبون علي تاخذون المهر اللي المفروض يكون لملابسك واغراض العرس و.... ونهايته تتعشون بقروش انت واهلك ونامت المسكينة بدون عشاء حسبي الله عليه بعد ماكان يطامر مطامر قبل العرس صار ينومها بدون عشاء ! شكراً سماء النسيان ....... بدون زعل
ريماس قام بنشر August 11, 2003 الكاتب ارسل تقرير قام بنشر August 11, 2003 مشكوره سكر على مرورك وترا القصه حقيقيه أختك سماء النسيان
راعي النزية قام بنشر August 12, 2003 ارسل تقرير قام بنشر August 12, 2003 شكرا اختى سماء النسيان على هذه القصة الجميلة . فلا عجب في هذا الوقت الحاضر فكثير مانسمع من الحكايات والقصص التى يتعجب منها المرء مرة اخرى شكرا على المشاركة ونأمل المزيد من عطائك . تحياتي : راعي النزية
ريماس قام بنشر August 13, 2003 الكاتب ارسل تقرير قام بنشر August 13, 2003 مشكور أخوي على تشريفك الموضوع
العربي قام بنشر August 13, 2003 ارسل تقرير قام بنشر August 13, 2003 الأخت / سماء النسيان قصة جميلة وليت كل القصص المشابهة تنتهي على هذه الشاكلة اي ( زواج ) بس بصراحة من سردك للقصة أحسستينا بأن البنت عزوبية ولا يوجد بالبيت سواها ليتك تذكرين لنا وقائع الخطوبة والعرس وهل كان بمطعم الكنتاكي حيث أنه صاحب الفضل في هذا التعارف وهل كان موظف ال( 905 ) من ضمن المعازيم أم لا وهل .. ولا بلاش أخاف أكثر الأسئلة تقولين ماني مصدقك عموماً كل شيء ممكن يصير في هل زمن ؟؟؟؟ تحياتي وأمل الا تزعلي من غلاضتي ........ أخوك العربي
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان