أنا والاسد

السلام عليكم

قبل لا اكتب القصه ابي وعدين بس منكم

1- ماتقولون وش ذا النصاب لاني نصاب

2- تتفهمون شعوري بالقصه

3- خلاص بس ذولا اللي فوق

هذا انا يا عيال يوم كنت شباب

مره شباب

جالس اتمشى واتمشى لين دخلت سوق اسمه (الخبر هاوس) <-- واحد بيسوي دعايه لسوق ولد عمه خال خوي خوييه

اتمشى واتمشى زي ماقلتلكم .. الزبده ... لقيت واحد ابو هنود وكلنا هنود لله يبيع بطايق ... وزي العاده انا موب ملقوف ولا شي بس فيني فضول اكثر من الزياده بشوي

عرفتوا ؟ ( الحمدالله) رحت لابو الشباب وقلتله وش ذا البطايق ؟ ... قالي بابا روح روح .. من شكلي باين علي طفران وماني براعيها ( يعني مافي امل اشتري ) .. وتوصل معي وتحمر وجنتاي ... واعصب وقلت لازم اشتري ..... قلتله بكم وانا اطلع البوك اللي مليان ريالات حديد ...... قال عشره ريال .. عطيته وانا دمي بيحترق موب على البطاقه ولا على ابو هنود .. لا نت ذا الفلفل اللي ماكله من البوفيه قبل لا اخش السوق .. وعطاني البطاقه ومكتوب فيه فوق ........ اكـــــــــــــشط واربــــــــــــــــــــح

رميتها انا لاني داري مافي امل اربح عارف ان ماعندي حظ ( رحم الله امرء عرف كبر قدر امه )

وهنا انقهرت على العشر تريل .... طلعت للكورنيش والقى نفس الهندي .. واتصدد عنه .. لان لو حط عينه بعيني تصافقت مع اللي بجالس جمبه ... لانه كبير مره وضخم

واتمشى لين وصلت العزيزيه اللي تقول عنها جـــود ... والضاهر اني كنت بشاليهات النخيل مدري الصن سيت .. مدري كنت مضيع وقتها .... والقى ابو هنود هناك بعد ... و ضاقت بي الدنيا

وقلت مالي الا اصرف تن من الريالات مره ثانيه كود اربح

واناديه واجاني

قلتله : عطني كرت يا صديق

قال : بابا انا مافي اسم صديق اسم مال انا محيي الدين

قلتله : طيب هات ولا يكثر وانا خايف يعصب

قال: طيب بابا .. وعطاني ومن اللقافه هو اللي كشط وربحت

مش معأووووووووووووووووول

مش مسدأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ

مش مممممممممممممممممممممممممكن

بغى ينحاش الهنيدي وامسكه بسنوني

وخذيت البطاقه واشوف الجائزه الىىىىىى وهي .. غمضوا عيونكم

رحله الى الموزنمبيــــــــــــــــــــــق

وانا تشققت من الفرحه والى الان الاخ قرناس خويي يلصق فيني ..

واجمع ملابس ( مكسر وفنيلتين بنيه ... وبنطلون قيس تقليد)

واحطهم باكبر شنطه عندي وادز المطار ............( رحلتي بعد اسبوع )..... واتكي بالمطار ماغير دف شاهي وشرب خبز

لين اعلنوا : تعلن الخطوط السعوديه عن موعد اقلاع رحلتها الى موزنمبيق .. الرجاء الى الساده الباسنجرز التوجه الى بوابه ( اخر بوابه بالمطار)

وانقلع لهناك وانرز بالكرسي لين اقلت الطياره وريحتها كلها كنها ريحت سمكه توها مصيوده ومنقهره ........ ( قد شميتوها ؟ ) ...... المهم ونوصل بالسلامه الحمدالله

وانزل والا الدنيا شمس وليل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!

استغرب اثر هم مشالله بيض مره لدرجه انك ماتعرف متنهو الرجال منهو المره .. منهو الاب منهو الابن .. منهو الاخ منهو الاخت .. الخ .. يعني سود وكلنا سود لله

واتمشى واطيح بعائله فاتحه شوي ... من الرعيان هناك

واخ بعينهم .. واثر محد عندهم يتكلم عربي ( توهقت)

وارطن عليهم جميع اللغات اللي اعرفها عربي وعربي ورعبي يرعب وكلشي ولاحد فاهم ولاهم فاهمين .. لين مسكت صخر صغيره وصخره كبيره( لان ماعندهم اقلام واوراق هناك صدقوني) وقمت ارسملهم اللي ابيه وباليالله يفهمون ..

ومرت الايام والليالي وانا ماغير البس بذا الملابس اللي عندي واكشخ عليهم .. لين جااني واحد مرسم مره ولابس خرقه طويله شوي من تحت السره لين الارض ( لان لبسهم هناك كلهم من تحت السره للركبه ومشققه شوي اذا صاروا مهتمين بملابسهم ) .. ونصاني .. قالي السلام عليكم باللغه العربيه الفصحى .. وقلتله وعليكم السلام هلا وغلا .. قال المهلي ما يولي<-- موب كنه عنوان موضوع جود ؟ .. ماعلينا

قلتله سم امر .. انت المرشد السياحي حقي ؟ .. قال لا انا امير هذي المنطقه وخاش على الله ثم عليك .. قلتله امر سم ماذا تريد يا هذا

هلم جرى بالموضوع بسرعه تكفى ( علقني ابيه يتكلم ) .. مسكني على جمب . وسردلي قصته

كسر خاطري وبيني وبينكم خوفني ........ (جا وقت الاسد)

طال عمركم هذا يحسبني اللي جاي من هنا لهناك عشان انقذهم من اسد مغوار كان يكره ان احد يسكن بذيك المدينه وكل ليله يذبح منهم عشر نفرات من هناك

قلتله ورني الاسد ........... لاني متعود الاسود اللي نشوفها بالغابات وبالتلفزيون كبرها عادي .. يعني كبر الاسد

مسكني مع يدي .. لين طبع طبعه سودا عليها .. لانه موزمنبيقي اصل .. ووداني لجحره .. وهو نايم ... خلوني اوصفلكم جحره

جحره يا يا سامعين الصوت .. مجنون انا فيها .. ماهي بحلوه موت .. بس ميت فيها .. جبل .. وفيه فتحه كبر فتحه المملكه .. بس مافيها سكورتي يمنع الشباب من الدخول

ومطلع راسه والا هو وشكبره ............. ورجعنا

جلست افكر فكر يا جالس متربع فكر يا جالس متربع وشلون اقضي عليه وشلون

وتفرجت على كل مسلسلات الصيادين ولا طلعت لي فكره

وجا الليل وانا بنام منهك من المشوار

والا اسمع صووووت

اسمع صوت يقرب

واطلع راسي من الخيمه والا هو الاسد بعيد كيلو بس من كبره تحس انه قريب

وجلست احك ذا الفهره واحك ذا الراس لين وصلت مخي من كثر التفكير وتجيني ذا الفكره

واطلع لابس الثوب ومرسم بشماغ العقل ....... وامس نعالي بفمي ....... والعططططططططططططططططططططططططططططططططه

ومن سوء حظي قزني ذا المحترم ....... وانا اعط وهو وراي .. وسبحان الله قدرة قاااادر والف عليه واصفق ام امينه .. لصقت وجهه بالزفلت وافرك راسه وافركها بقوه واشوته وامسك الزبيريه ..... وافقع عيونه ...... شوي والا مطلع المطوا من جيبي ( السكينه ) اللي مافي امل تفارقني لاني انسان صياد جح بشراهه ......... واغرسها بفمه واقلبه واصفقه زي ماقلتلكم الا شوي ويطيح بالارض ميت ............ يوم شفته كذا واجيب عيال المدينه كلهم ........... واوريهم الاسد وهو ميت .... واشوت راسه برجولي .. لاني قوي

ويصفقون لي ويصفقون وسوولي حفلات وعشوات انواع الغزلان وانواع الجواميس اللي مسدحه على الارض والرز النثري من تحتها ... واكلت وانبسطت .. وجا وقت رجعتي للسعوديه ....... وودعوني اهالي المدينه ويقثولون تعال وانا اقول مقدر مقدر وهم يقولون تعال تعال وانا اقول مقدر مقدر ..

وخنقتني العبره بغيت اصيح .. بس يالله كذا الدنيا تدور .. وارجع السعوديه وانا مرفوع الراس واستفدت من هالسفره وياريت تستفيدون انتوا بعد التالي :

1- لا تسافر ابد هناك

2- اول ماتشوف هندي ماسك بطاقات اكشط واربح لاتشتري عشان أ- ماتخسر عشر تريل .. ب- ما تربح زيي ذي المناطق

والله يخلي الهارديز و واكوابهم الهديه .. وربي فيها خير

ومعذور على الاطاله .. قايلكم جالس متربع يعني .. غنوا ياليل مطولك

واحد من جد بينطق

بايزون .. والى لقاء قريب

ملاحظه:ارجو من الاخوان المشرفين نقل الموضوع لقسم الساخر

لأن هذا (المصفوق)غشيم في شغل المنتديات

///////////////////////////

المهم

ههههههههههههههههههههههههههههه

ههههههههههههههههههههههه

هههههههههههههههه

هههههههههههههه

هههههههههههههههههههههههه

هههههههههههههههههههههههههههههه

هههههههههههههههههههههههههههههههههه

يالجحود ليه ماقلتلهم اني كنت معك يوم اني ماسك ذيله وافره وافره وافره لين بطحته على الرصيف ....وخليتك تكمل الباقي

من جد جحوووود

هههههههههههههههههههههههههههههههه

عيال تراه نصاب (هذا انا الي ذبحت الاسد)بس المزنبيقين ماميزو بيني وبينه لانه كان لابس قميصي المعركش بعد الهوشه وشافو الدميان عليها

وفكروه هو الي ذبحه

هو بس قاعد يقول ويغني (طاطا بطاطا)

وفرحان يوم شاف صديقه الصدوق قوي ....

------------

يعطيك العافيه صديقي على هذا الموضوع المهم والقيم

يالمصفوق(اذا تبغى تكتب موضوع)كلمني على الجوال علشان اعلمك في اي قسم تكتب لاني تعبت وانا اربيك ياولدي يازلمه

تحياتي

يابعد قلبي اخوي مرتاااح

شفت كيف جحدني .....وخلاني وحداني

بس معليه مرده يرجع لي

والعشره ريال متسلفها مني وليومك مارجعها لي

وهذا المصفوق بعد شوي بيكتب قصيده في قسم الساخر اعرفه مصفوق

ههههههههههههه

اقول قرناااااااااااااااااااس لا تعلمهم عيارتي اني مصفوق

معليش ياخي انا نصاب قايلهم بدايه القصه هههههههههه

اقول مرتاااح .. ودك تخش بسالفه قريب ؟

باندنويسيا صارتلي قبل سنه ونص .. بس صدقيه .. وابحط شويه بهارات واخششك انت وقرناس ؟؟؟ عادي ؟

المهم مشكورين على هذا الاهتمامن وانشالله اشوفكم مشهورين مره قريب وتطلعون بالعرب نيوز .. والا الشرق الاوسط يارب يارب

بايزون