مسرحية النمر والقرد باللهجه السودانيه


ريماس

Recommended Posts

كان ياما كان في غابة من الغابات في نمر حقار حاقر بالقرد حقارة شديدة كل مايشوفو يدي ليك كف ويقول ليهو أقلع الطاقية مع أنو القرد ما لابس طاقية فخلونا نشوف القصة ...

النمر : تاااح (يلطش القرد كف) .. أقلع الطاقية يا سجم .

القرد : لكين أنا ما لابس طاقية !!!!!

النمر : تاااح (يلطش القرد كف) .. يا سجم قتليك أقلع الطاقية .

القرد : (يبكي) ... طاقية شنو يا جنابو !! هو دا راس يلبسو ليهو طاقية ؟.

النمر : تاااح (يلطش القرد كف) .. يازول ما عارف لكين تقلع لي الطاقية دي .

وبالطريقة دي كل يوم . القرد المسكين دا لمن وشو بقى زي الطماطمة المدينها حقن فقام القرد مشى واشتكى لي ملك الغابة اللي هو الأسد .

الأسد : مالك يا قرد

القرد : يا سمو الأسد المعظم ياخي النمر دا طلع زيتي كل يوم لاطشني كفوف لمن بقيت آكل كستر

الأسد : بدون سبب ؟!

القرد : بدون سبب بقول لي أقلع الطاقية وانا أصلا ما لابس طاقية

قام الأسد استدعى النمر .

الأسد : شنو يانمر ملك حاقر بالقرد دا وعامل علي مشفتون المسكين لمن جاني ماعرفتو كن جاي بي وشو ولا قفا

النمر : ياخي دا قرد سجمان ساي ... تعاين لي وشو ساي يقول ليك أديني كف

الأسد : لكين ما بالطريقة دي ... يعني لمن تكفتو كفتو بي منطق يعني بي سبب .

مثلا قول ليهو يجيب ليك تفاحة كن جابا ليك حمرة أدي كف وقول ليهو أنا دايرة خضرة وكن جابا ليك خضرة أدي كف وقوليهو أنا دايرة حمرة شفتا كيف ؟ شغل مخك واتلحلح يا جن ما ممكن أفكر ليك أنا كمان .

النمر عجبتو ليك الفكرة سحب روحو ومشى للقرد طوالي .

النمر : يا قرد يا سجمان جيب لي تفاحة .

القرد : دايرة حمرة ولا خضرة ؟

النمر : تاااح (يلطش القرد كف) .. أقلع الطاقية يا سجم .

:wink1.giflaugh.gifbiggrin.gifrolleyes.gif :

MANGOOOOL

رابط هذا التعليق
شارك

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان