خوينا وانا

السلام عليكم ورحمة الله وبركاته

معليش انقطعت عنكم لمدة خمس ايام لا العمل موقفين الانترنت ؟

بس يالله انا واعدكم اني اقولكم قصة البنقلاديشي وخوينا هذي قصة بقدر ماتضحك بقدر ماتدعو لعدم الوثوق في النفس واجد

هذا انا وخوينا راعي الهباله كانكم مابعد نسيتوة الي صفقة راجو هذا مرة انا معه في يوم من الأيام طبعا بعد ماصفقة رجو !

نسولف عن المرجلة والأقدام والشجاعة تونا جايين من المزرعة والواح ثوبة تقول هو الي يعدل الماء من الطمالة الي فية الثوب تقول علية خريطة العالم من الوصخ لو يعضة تسلب استغلث ( يعني اصابة مرض الغلاث) المهم ويقولي خويي عن مراجلة مع الهنود بس ماقالي عن تصفيقة راجو له يحسب عيال الحارة مايدرون على باله

المهم وهو يسولف قال شف تبي تثبت رجولتك لا تضحك في المواقف الحاسمة واكرب وجهك وخل الطراق قبل اي كلمة تقولها لان هذي الطريقة اقوى طريقة لأضعاف الخصم وترويعة

قلت له وشلون قال تبي نجرب (درس عملي) .

قلت معك معك قال شف اذا مر واحد ما تعرفة علمني قلت صار صار (على بالي كويتي )

المهم ويمر دحيم جاي من سكة بيتهم الله من ثقل الدم والبرود

ثمين فيصل هو ما علية جريء شوي بس نذل

المهم ويمر ذاك البنقلا ديشي قال تعرفه قلت لاء قال زين وينادية الحبيب هية هية يوم التفت البنقلاديشي انتا تأل سرعه يجي والله البنقلا.... توة جاي مايدري وش القصة ويقولة انتا مين كفيل انتا سرعه كلام ويوم علمة قالي تأرفة قصدي تعرفة قلت لاء قال زين ويناضر البنقلا..... ويسطره كف الرجال خاف إرتاع وقال خوينا لة يالله انتا يجي سوسو انا أعشان يبقا انتا

ويجي معنا وقام خوينا يحقق معه اكتشفنا انة يعرف خمس شغالات في المدينة والله يلفعه خوينا بكف إحلاقة لين طار المنديل الي فوق راسة

وقاله يالله غسل سيارة يلله ويغسل سيارة اخو خوينا واذكر في التحقيق كنت كل اشوي معطية كف إحلاقة على بالي قوي

ومرة كف بس لو لحالي ماسوي شي من هاذا كلة لأني خواف من الدرجة ألأولى

المهم خوينا قال شف الهبالة انتهت هالحين حنا في الجد والشرع هذا ارتكب جريمة شرعية ولازم نأدبة(الأخ قلب هيئة الأمر بالمعروف والنهي عن المنكر )

والمسائل الشرعية لازم تنفذ والــــــشـــــرع شـــــــــــــــــــــــــــــــرع

والله والشرع من هنا وهو من هناك ....؟ المهم بدت عمليت تطبيق الشرع بعد الأعتراف اكثر من مرة

ونربط الرجال في الماصورة بيدينة

ويدور خوينا يدور شي ينفذ فيه الحكمواثر عمال شركة الكهرب توهم مركبين عداد او مادين سللك

واثر فية ذاك الواير الي اذا شفتة على الأرض تصيح بس شوف واشلون لو تبي تنطق فية

والله ويمحطة خوينا وهو يقول ليش انت يروح شغالة بيت فلان ويمحححط

لين غنى بطنة يوم بق خمس نطل علي الواير قال خذ تمرجل يالله والله وأمحطة خمس الوحدة عن خمس مية أطقة هو ومن قو الطقة توجعني انا

المهم نفذنا الحكم الشرعي وحنا مقتنعين ورحنا وتركناه في الماصورة إلى الحين ماندري من فكة منها !!!

المهم والله ونلعب العصر كوره وانا ارجع للبيت وخوينا راح لبيتهم

ووانا ادخل البيت والله الطراقات ورى بعض لين عضيت الأرض صار واحد شافنا من اصدقى الوالد وراح يعلمة عنا وقالي ابوي والله لو اشوفك مع فلان لأقطع راسك بالعاد يقول اسطرك

الرجال مل مني ومن تصرفاتي ال لا مسؤلة وصرت ماشوف خوينا الا من بعيد في المسجد لمدة شهر

عاد شفته في هالفايت في زواج اخوه الصغير واذكرة الموقف الي صار

احسب الموقف مر علية عادي والله وقام يضحك قال ابوي هو الي قال لبوك وجاني مثلك وازود بس انا الفتوة مقدر اقول اني انجلدت اطيح من عيون العالم ههههه

بس خوينا صار دكتور الحين وانا صرت موظف في .................... الشرقية

وافتكو الهنود منا وصار هو يعالجهم بلاش على بالة تكفير عن الماضي ...والله لوتحج بهم علىراسك ما كفّرت عن الي سويته فيهم

المهم تكفون اذا مليتو من قصصي قولو والله معاد ارص زر واحد في الكي بورد قولو لي انقدو خلو الواحد يطور نفسة عن طريق نقدكم للأرتقاء بهذا المنتدا الجميل

شكراً لجميع من قرأ ء القصة وابدى رأية فية وشكراً لالماستي

اخوكم مغترب الشرقية محب حرمة