للشياب بس ...هاه لاتدخلون


Recommended Posts

بسم الله الرحمن الرحيم

السلام عليكم ورحمة الله وبركاته

اقوووول oops.gif انا محذر الشباب اللي يهـــــابون حريمهم ...واللي يقولون (يا الله وحده وتخب علي )... لا يقربون من قصيدتي ، ولا يقرونها mad.gif

خسران يللي تجمع المال خسران

ما تنفعك دنياك والعمر سبعيين

ولدك مرتاح بها وانت تعبان

عندك عجوز وجامع لك ملايين

تجئ من اعمالك الى البيت زهقان

تبي قدوع وقهوه وشاهي زين

تطلب غداك من الفجر وانت جوعان

قطعه دجاج مثلج ورز بصحين

زوجتك عجوز كالهزيله من الضان

تلج وتخاصم تقل تطلبك دين

تشكي ظهرها والمفاصل وسيقان

والضغط والسكر مع منطق شين

وعيال بنتك عندها تقل فيران

تخرب كما خرب سد مارب شياطين

تكسر فناجيل ودرايش وبيبان

وألذ ما عندك لهم وانت بعدين

قم استعذ بالله من كل شيطان

اظهر وخل البيت وانص الديايين

تلقى صماط وكبسه ولحم خرفان

من راس مالك يخصمونه من الدين

تزوج الابكار ما دمت شبعان

وام العيال في بيتها والبزارين

اغنم وخذ لك بنت بكر على شان

تلقى بساتين ثمرها فتامين

الى اقبلت فزت كل ما جيت تعبان

بعطف ولطف وانبلاج الحجاجين

انسامهن عنبر ومسك وريحان

من جرب الابكار عاف ام خمسين

تمتع بدنياك حيث العمر فان

اكرم عيالك والرحم والمساكين

لابد من يوم تحزم بالاكفان

وتحط في قبر على عمق مترين

ينعم بها الوارث بنات وصبيان

وعيال بنتك يوم الاحزان فرحين

وســــــلامتـــــــــكم

مع تحيات

جدكم

الـــــــــشــــــــــــــــــــــايب

رابط هذا التعليق
شارك

أخي العزيز . يقول المثل ليس كل ما يعرف يقال ؟

قصيدتك تحتاج لاعادة نظر في الوزن .. انصحك ان تعرضها قبل النشر على شاعر او متذوق ليساعدك على تعديل صياغتها

. تحياتي لك ارجو قبول النصيحة .. فما انا الا ناصح ... والدين النصيحة

رابط هذا التعليق
شارك

السلام عليكم

smile.gif هــــــــــلا بالغــــــــالين smile.gif

اولاً : أشكر كل من زار ((( وخفف))) sweatdrop.gif

وبالنسبه للأخوان اللي قلطوا وشاركوا فلهم ألف شكر على تواصلهم مع جدهم (( الله ياصل بأعماركم ))

1- السديراوي: الله يسلمك وتشكر ..... بس whistling.gif ..كيف الحااااااااال ؟ .. تراي ما انحشت .. متوزي وراء الجهاز بس ياوليدي .

2- ابن دريس ... هلا بولد الدريس ويشرفني انك تنتقدني ..... خاصة انك تنتمي لأسرة أدبية ومرجع لهذا العلم .... بس ترا رجـــــال المـــرور (( متوزين ورا الكباري .... oops.gif لا تسرع وتستعجل ... امشي وعدي وخلي عين على صحنك ... وتسلملي يا الحــــــبيب thumbup.gif

بـــــس مـــــاقلتووولي وين باقي اخوانكم ... مـــــــــا blink.gif اشـــــــوفهــم ؟؟؟

رابط هذا التعليق
شارك

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان