وشو حشيشه !!

ايه المهم لقيت صديقتي يوووه وشجاني قصدي صديقي ((صويلح)) ولد جيرانا متمسك في الماصوره وقاعدن يجّغف فيها ( يجّغف جمع يجغف ويجغف يعني يبوس ) قلت وش جاه ذا الولد أنهبل واقرب من عنده و القاه متحظن الماصوره ويقولها يا بعد عمري يا بعد قلبي .

ويا بعد طوايفي ليه ما تردين علي وكل شوي ينزل يده عند الصبه حقة الماصوره ويقول ايه هذي ولا بلاش

المهم قالت له صويلح وجع وش عندك قاااال اسكت بس انت تشوف اللي انا اشوفه قلت له لا انت وش تشوف قال اشوف مناير مصر وادخلن جو قلت وش انت مسوي قال توني جاي من عند دحيم ابو نشقه وعطاني تتن وشربت منه الين تعنقدت في هالماصوره

ولا ودي افكها تصدق اني اشوفها اطلق من هذيك اللي تدوخ معها اللي طالعه مع راشد الماجد في الفديو كلب حقه في اغنيه ويلي (( اقول بدينا نخرخر عن اللي دايخن معهن اقول لاتشرهون )

المهم هو يوم قال اسمها قلت طيب وين هالتتن اللي شربت منه قام وطلع لي زقاره شكلها غريب ملفلفه ومتينه وريحتها تختلف عن اللي انحن خابرينه قلت خل اولعها اشوف وش بتسوي فيني واخذ لي مزه ونفخه وكل ما مزيت مزه أحس ان راسي يثقل ورجليني تراقل لين بديت احس اني ملك علي عرشي وبديت اشوف صويلح تسنه ذباب

يوم بدت الماصوره تغير أشبها وانا اللي ارجف صويلح عنها قلت جا دوري قال أنا حابها قبلك المهم قلت في نفسي انا أقعد علي فضلة صويلح ومشيت من عنده ورجلي تصافق ومدري وش اللي جاني أحس بتنميل في راسي قلت ابروح احط راسي .

المهم رحت للبيت ودخل الغرفه والقا أخوي منبطح علي سريره ونايم انا شفته من هنا وتسني اشوف باسكال وش باسكال انا وجهي قصدي هذيك اللي مع راشد الماجد لازم اعيد السالفه لكم كل شوي ترى اسما ندي المهم اعرفوها انتم اذا قلت ندي ترها ذيك اللي مع راشد الماجد في الفديو يووووووووووووه يا شين المسكات .

ا لمهم وأجيك امشي مليون واطير طيرت سنوكا سابقا وانا اللي أدحج علي كرشته وأخمه واعطيه ذيك الخشه اللي يحبها قلبك

يوم قام اخوي وهو منهبل وش هاللي هجده في الليل ولا عطيته فرصه يتكلم وهاك يا خمخمه وشفشفه لين رجفني مع منطقه حساسه ويوم صكني ذيك الصكه قمت أ تلوى من الوجع وقام وهو يتفل حايمتن تسبده ومسك بطنه ومغير متاوع ماينلام المسيكين من شين جاه

قال وش فيك انهبلت عاد انا بدا يستعدل راسي وبديت افتح قرب من عندي وقعد يروحني قال وش هالريحه اللي فيك وش معك قلت وشو تتنه مامعي تتن قال تتن يالحمار أنت خبل وش اللي جاك قلت مهوب انا هذا صويلح هو اللي يتتن المهم تمردغ في بطني قال وين التتن اللي معك ؟؟

وخذ مني زقاره وقال وش هذي قلت تتن قال هذا موب تتن من وين جايبه وانت كل ماشفتا شي جربته باتسر بشوفك مدمن الضاهر من السموم اللي تشربها قلت وشو سمومه الناس ميتين برد وانت تقول سموم الظاهر انك شاربن تتنه مثلي المهم خذني وهو يستغفر وانا ميتن من الضحك عليه (تعرفون ليه اضحك وجه طلع كنه واحد يويز في زمزميه تغدي خشته مايله )

وداني للسرير قلت له لحفني وخل الجاريه تجي عندي ابيها تهمزني وقعدت اخربط عليه وفليت السبحه عنده وطلعت فضايحي وفضايح كل الشله وسدحني علي سريري وبديت احس ان راسي بدا يكبر ويكبر لين ما عاد اقدر اشيله قلت له أتصل علي النجار ابيه يوسع الباب ودي اطلع بس أخاف ينشب راسي قال أخوي ولله لو ما تسكت بنادي ابوي عليك

قلت ناده ودي اصارحه بموضوع خاص من زمان وانا موزيه عنه قال زين وراح قوم ابوي وعلمه وش أنا مسوي وجاني يصارخ اول ما دخل علي قال وش انت مزين يالداشر بديت اسمع صوته كنه يغني وصوته طلع مثل عبد الحليم حافظ وهو يغني.. جانا الهوي جانا...

قلت احلا يبه و ش هالصوت وهو يهوش علي وانا قاعد اتهزهز علي نغمات صوته واقوله غرد يابابا قلت له ليه ما تروح تنزل شريط ولله حتكسر الدنيا يخرب بيت جيرانكم شو هيدا شوبنا يازلمه فين رايح يا حبيبي تعال أولك .. قام رد علي حتأول أيه ... قلت لازم أاولك...

قام اخوي مسك ابوي وقاله تراه موب صاحي يعني ما يدري عنك ابوي تروع علي وقال انهبل يعني قال له اخوي لا بس عقله موب معه قال يعني انهبل قال لا هذا من اللي شاربه قال وشو ماخبرنا التتن يسوي تسذا

قال اخوي: هذا موب تتن هذا حشيش الله يكفينا شره قال ابوي حشيش وش جابله الحشيش الحشيش نعطيه الدبش قال هذا مهوب حشيشكم اللي تعرفونه هذا شين يخلي الرجال يفقد عقله ويقل قدره هذا من المخدرااات ابوي سمع المخدرات وطاح .... مغمي عليه

( اقول وش رايكم اقلب النهايه مأساويه )

يوم طاح ابوي بديت اصحصح شوي قالي اخوي جب بصل بسرعه من الخبصه قمزت مع الدريشه قلت أسرع لي وما دريت الا وانا في المستشفي وحاطيني في العنايه المركزه وانواع الفلوق و الكسور

و مافتحت شفت حقت المغذي فوق راسي حسبتحها البراده اللي في المطبخ عندنا والتفت يمين والقا ابوي قال لي حسن هذا جزاتك يالهيس الاربد

المهم اياني وياكم تشربون شي ما تعرفونه ترى تكسر رجيلكم وتروحون في خراايطها ....

منتب صاااااااااااحي ياااااااااخي

وش ذاااا الحتسي والخنبزة <<< طايرتن بوهته داخل جو

وش ذاااا المراج .. ذكرتني بواحد مروجي مررررة

تصدق عاد ولا حلفني حميان ... لو هالموضوع ماله نهاية ونصيحة كنت شته بوز مع دريشة الساخر

بس ياااخي مدري وش جاني وانا أقراه حسيت أن راسي صار مثل راسك كبير ويالله أني أشيلة

ونطلته على الوسادة وناظرتها .. ويوم لقيتها مخدة قطن كشرت في وجهها عقب سالفتك

هههههههههههههههههههههههه والله ياعليك سردن مهوب صاحي ياللي تحرج المشرفين

...... رغم حقدك على المشرفين ونشر المنشورات المضلله عنهم

الا ان هذا الموضوع اجبرني اقولك (( تسلم يمينك ))

واحمد ربك على السطر الاخير ..... والا كـــــــــان علووووم

بس تراي ما قصرت انا وزبرقته.. ( لا تنسانا بحق االتجليد )

لاني ناوي احطه ...فوق مع المتفوقين ... قصدي المثبتين ... مهوب عاد ترزرز خشمك عند كل عــاير وتشوف نفسك حبتين

.. لا... نبي موضوع ثاني حلو بس الزبرقه عليك

يـــــا قــــروووي .... اسمحلي الزق هالموضوع فوق ... الولد يستاهل

مع راشد الماجد في الفديو كلب حقه في اغنيه ويلي

اثر عريبيا كلهم دايخين عندها

سديراوي الأصلي

الله يهديك مزعت قلوبنا من الضحك

بس ابسألك سؤال

انت يوم كتبت الموضوع كنت تحت تاثير الزقاره ولا لا؟؟؟؟؟؟؟؟؟؟؟