وش الدبره ؟؟؟؟

طافي (بيني وبينك اللمبه خربانه ) المهم قاعد اغني بيني وبين نفسي وداخل جو مادريت الابذا القطو اللي

صبخ في رجلي ولله يا هو غرف قلبي وقفت مدري وش اسوي ابي ازعق ابي اتحرك عجزت ودي اقوله

لعنبو جدك ماتشوف وعجزت ارفع حنتسي من الخوف وقفت لي نص ساعه لين استجمعت قواي وكملت

طريقي للغرفه والمشكله يوم دخلت الغرفه ولا ذيك الريحه فاااايحه قلت من اكيد القروي جالس في الغرفه

أعرف ريحته مخيس الله يهديه وما يتروش الا في السنه حسنه جيت مالقيت احد قلت يا ولد ادوره اخبره

ساعات يستخف دمه ويبي يروعني قلت اطلع ترى القطو ما قصر المهم دورته تحت السرير مالقيته ويوم

ناضرت في سريري لقيت قطعه صغيره حسبتها شكولاته ويوم ناضرت فيها زين ولا القطو حسبي الله عليه

كان يقضي وقتاً من الراحه علي سريري والله يا ني حقدة عليه المهم مع ضيقت الصدر لقطت الشوزل ونزلت

أدوره ناويه ذابحه ذابحه ونزلت للحوش واشوف شي يتحرك وامحطه ويوم جيت ولاه ديكنا (هذي والله النشبه وش يبي يفكنا من أمي ذبحت ديكها ) وزاد حقدي عليه اكثر قلت مانيب مخليه يروح بعد كل هذا وقعت

ادور في البيت وسمعت صوت القطو عند غرفة الشغاله وقربت من الغرفه واسمع صوت الشغاله وعندها القطو وفتحت الباب بسرعه ومادن البندق ناويه وهي اللي تصرخ الشغاله ماما ماما ماما (يا حول وراهي ذي قامت تصارخ تالي الليول ومادريت الاامي نازله عندي يؤ وانا في غرفة الشغاله ( عاد الحين وشلون بتصدقني أني قاعد ادور علي القطو ) قالت سديراوي ووجع وشجايبك هنا عند الشغاله عاد الشغاله أستغلت الوضع كانت تتلزق فني وانا اكرشها وحقدة علي قالت ماما انا في خوف سديراوي في يجي دايم في الليل عند غرفه (لاحول ولا قوه الابالله هذي والله الورطه ) أنا سكت مدري وش اقول المشكله اني نازل وما علي الا

سروال وفنيله يعني ما فيه امل تصدقني أمي

قلت يمه قسم بالله أني ادور القطوه

أمي: قطوه في غرفة الشغاله ؟؟؟

سديراوي: سمعت صوتها هنا

أمي : ليه شغلتنا قلبت قطوه وحنا ما ندري !!!

سديراوي : لابس يمه انا انا وتلخبطت ماعرفت احتسي والعبره خانقتني من القهر

أمي : أنقلع عن وجهي ولاتوريني وجهك يا راعي ..........

سديراوي : يمه اصبري بفهمك

أمي : ما أبي افهم أنقلع قبل لاأقوم ابوك واعلمه

سديراوي : طيب طيب ومشيت وما ادري وين اروح له من القهر ورحت لغرفتي وقلت خل أخذ لي دش اريح

بعد هالمشكله وانا في الحمام ما دريت ألا أبوي يطق الباب

أبوي : سديراوي افتح يا مال الشقاق اللي يشق بطك لا وقاعد تتروش وش انت مسوي؟؟؟؟

سديراوي : طيب يبه ومن الخوف فتحت الباب ونسيت البس هدومي

أبوي : عمى يعميك يا حمار ماعد فيك حيا ياللي ما تستحي علي وجهك ياقليل الادب

سديراوي : وانتبت لنفسي والتلفلف بالفوطه

أبوي : فصخ العقال هات يا تمحيط وانا مغير مزاعق برئ يا بابا برئ بررررررررئ

المهم انه محطني لين غدا ضهري تسنه لون فنيله عندي ( عاد يبي يجي واحد ملقوف يقول وشلون فنيلتك بقوله لقافه )

المهم مع الوجع جيت بنسدح علي السرير ويوم انسدحت أحس ان فيه شي يتلازق تحتي قلت وجع وشو ذا

أثره الشكولاته اللي قبل شوي (أدري بتقولن حومتا تسبودنا بس عاد وش اسوي هذا اللي صار)

المهم واقوم وأطلع برا البيت وأول ما شغلت السياره ومشيت واشوف قطو في الشارع قلت جابك الله وألف عليه ابي اصدمه وما دريت الا وانا صادمن في سيارة ابوي وأنزل من السياره دايخ شوي

وقعدت أشوف وش صار في سيارة أبوي ليقيتها رايحه وطي قمت رقيت لغرفتي أبي فزعتكم وش أقول

لأبوي أقوله القطوه مهوب انا تهقون يبي يصدقني ؟؟؟؟

علموني وش اقوله ؟؟؟؟؟؟؟؟

وش أنت مزين بعمرك .. مزدي فيك والله هالقطو <<< مدري قطو والا قطوة ههههه ( حب استطلاع يابالقطاوة )

شف وانا اخوك ..... خذ فلشة من الشكولاطه وحطها في مرتبة السيارة وخل أبوك اذا جلس عليها ينسى أمر الصدمة .. يبتلش بشين أكبر

قصة محبوكة ونحتري جديدك

هلا سديراوي الياباني

وش رجيليه << طايرتن بوهته مايدري وش السنع

انا هالحين صرت مشرف وابجيب طبل واقعد اشجعك بس أنت عاد ورنا زيرانك

<<<< حشى حلوه لمرقص