---- ممنوع دخول الرجال --- للبنات فقط------

هاااااااااااااااي

مثل ما قلت ممنوع دخول الرجال والله من جد لانها اشياء خاصه بالبنات

المقال هاذا فقط للعروسات وتبي تتقضى هالصيفيه

واللي توها صغنونه على العرس لاتقررراء شي (عن البزاعه )

هاذي اهم اغراض العروسات والمستلزمات المطلوبه في اول ايام الزواج

وافضل الاماكن اللي تنباع وتلقينها فيها على طول

فستان العروس وفساتين السهرة:

- فستان الزواج : أفضل محل أقمشة عرايس هو محمد منّصر العسائي وله فرعين فقط في الرياض بوتيك شارع العليا العام ومركز العليا مول ( أنصحك باللي في العليا مول لأنه أحدث وأفخم ) عندهم أقمشة فساتين مشكوك وسادة وطرحة .

- التاج واكسسوارات العروس: (اكسسوار الشعر) في محلات الشرقية في مركز النمر.

- أقمشه فساتين السهرة : ألاندلس – محمد منّصر العيسائي- والعثيم مول عندهم أقمشة حلووووة.

- بوتيكات فساتين السهرة: تلقينها في أوبشن (مركز النمر بالعليا)-روبي مودا( بوتيك مستقل على شارع العليا العام) - لمسات طيبة(عندهم بدل وتايورات سهرة تجنن هو بالعليا بس مدري وين بالضبط) – 4U فور يو (بالعقارية).

الألماس:

الفيصلية فيها بوتيكات أجنبية لماركات كبيرة مثل كارتير وفيليب شاريول وكاريستيان ديور وفيه محلات على أفخم شوي بالفيصلية والمملكة مثل معوّض (هذا مسكّت) وبن خميس عندهم دبل زواج ألماس حلوووة مرة.

: ملابس النوم والبيت:

نصيحة كثري منها مرة لأنك أول شهر بتحتاجين للتغيير كثير عشان ما تبلشين بعمرك

- الحرير والساتان: أفضل محلات في اسواق الناصر عند العساف والريّس (عندهم قمصان نوم +++++

- +++++ التنانير وملابس البيت: بناطيل ساتان – قمصان قطنية ++++.....الخ تلقينهم في لاسنزا – إتام لانجري (في مركز صحارى)

مس سيلفريدج (شغلات حلوة لملابس البيت وملابس الطلعات الخفيفة).

ولا تنسين تختين على رباعيات (شارع العليا العام- صحارى) عندهم أطقم ملابس داخلية دانتيل حلوة بس ما أنصحك تكثرين منها لأنك بعدين بتشترين الطقوم المشجرة والكاروهات والنص كم وهي أرخص لانها موجودة بكل مكان.

البدل والتايورات:

تلقينها في اسوق الشعلة محل إسمه رنّان بالدور الثاني بعد سلم الكهربائي على اليمين عندهم بدل قطعتين حلوة فيها الرسمي وفيها العملي.

البلايز الرسمية اللي تصلح استقبال أو زيارة خفيفة (عقب عصر) تلقينها عند موتيفي Motivi بالفيصلية وبتلقين عندهم +++ اشكالها غريبة وانيقة شي , مشكوك, وشي مطرز, وشي الوان متداخلة –الفريدة في المملكة وصحارى بلازا عندهم بالايز وجاكيتات انيقه.

أشياء ضرورية لا تنسينها:

إذا جيتي تشترين المكياج والعطور لا تنسين تشترين طقوم للحمام – معطر سبراي للجسم –شامبو – بودرة هذي اشتري منها 2 وحدة استخدام يومي بعد الحمام, وتكون فواكه او شي خفيف والثانية ثقيلة مع strass (لمعة عشان ليلة الزواج والسهرات) .

ولا تنسين لوشن اليدين ومزيل رائحة العرق (الله يكرمك) وما انصحك بــbody shop أو نكتار لانهم نصابين على غير سنع, روحي لفرع (مي ) اللي في طريق الامير عبد الله وخلصي أغراض الحمام ومكياجك مرة وحدة.

نصيحة:

انصحك تشترين قمصان بيت قطنية ++++ وقمصان نوم وقطن بعد (بتحتاجينها +++++) ... واذا بغيتي +++++ او قطن او ملابس خفيفة للبيت تلقين الناعم والحلووو في اسواق الشعلة او نادي الاسعار او بمحلات السدحان للملابس بتلقين اشياء حلوة وبسعر مناسب وفيه فرع السدحان للملابس اللي جنب مستشفى نجد الالماني على طريق الدائري الشرقي عندهم ركن فوق يبيعون فيه قمصان نوم تل وحرير واطقم ملابس داخليه نعومه ورخيصة بنفس الوقت .

وروحي بعد لــcity plaza اللي على طريق الامير عبد الله او اللي جنب اليورومارشيه بتلاقين شباشب بيت وقطنيات حلوة مرة للبيت او ممكن بعد تلبسينها لزياراتك الخفيفة لاهلك مستقبلآ ان شاء الله .

ومن قلبي الله يوفق ويكتب الخير للجميع يارب .

اخــتكم نـــوووووف

==========

تم التعديل من قبل

سهم - ادارة التحرير

عزيزتي نوووف .. بدايه شكرا على حرصك واهتمامك لكل شيء يتعلق بامور التجهيز الي الكل وحده فينا راح تمر بهالفتره هذي باذن الله .. لكن يا عزيزتي من وجهة نظري الشخصيه أعتقد أنك ذكرتي اشياء من المفروض انها ما تنذكر حياء فينا احنا يالبنات وانا بسالك سؤال ؟؟ باعتقادك اذا كتبتي خاص للبنات وممنوع دخول الرجال بيسمعون الكلام ولاراح يدخلونه لا يا حلوه انااقولك راح يكون اغلب الزوار

رجال هذا اذا ماصار كلهم من الجنس الخشن .. انتي ما قصرتي واجتهدتي لكن يا ليت حطيتي حدود لكلامك منعا للأحراج .. وهذا كل شيء عندي احب اني اقوله لك .. واختلاف الرائ لا يفسد للود قضيه ...اتمنى ماتزعلين من كلاامي بس وانا بنت صراحه استحيت كأني انا الي كاتبه الموضوع... تحياتي...اختك ليالي نجد