تخيلو العكس الحرمه تقوم بنفس اعمال الرجال والرجال

القروي( نمون عليه) عمرة 26 سنة خلص دراسته وقاعد ينتظر بنت الحلال الي تضفه (الله من واحد بيقعد بها لو الوضع كذا )... القروي: تعبان نفسيا كل ماجو ناس يخطبونه لبنتهم وشافته بنتهم راحو ومعاد رجعو (وجه واحد رايح في خرايطها)...واخر وحده جتهم (متكيه عند بقالة التركي) تبي تخطب القروي لبنتها( المرجوجة) ... المرجوجة شارطة انها لازم تشوف القروي (الحمد لله على النعمة الي انحن فيها )... جت المرجوجة وقعدت في المجلس ودخل عليها القروي ومعه العصير ... حط العصير عند المرجوجة ... وطلع يركض لغرفته ... صك باب الغرفه وتسند عليه وخدوده حمر وهو يدعي يارب اعجبها وتاخذني .. .. وراحت المرجوجة تشوف غيره... وجلس القروي اسابيع ينتظر رد المرجوجة ؟؟؟؟؟

مسكين ياقروي شكلك تبي تبتل عانس

ـــــــــــــــــــــــ

-2-

روفو يقوم من الساعة 6 الصباح …. ويسعى في فطور ( حرماوية وبس) واذا زهب الفطور راح ( حرماوية وبس) يصحيها …

روفو/ قومي يا ( حرماوية وبس)… قومي يابعد عمري افطري وروحي للدوام …

وبعد ربع ساعه من التدليع والتخقيق قامت ( حرماوية وبس)….

التفت عليها روفو وقال/ صباح الخير ….

( حرماوية وبس)/ ردت برومانسيتها المعتاده كل يوم أي خير هو الي يشوف وجهك يشوف خير زهبت الفطور والشاهي يالدبشه والا لا ….

روفو/ يرد ويقول نعم ياحبيبتي كلش زاهب ….

( حرماوية وبس) / طيب اقلب وجهك عني ابغسل وجهي واجي افطر هاالحين ....

روفو/ شوفي يا ( حرماوية وبس) هذي الوريقه فيها بعض المقاضي للبيت

( حرماوية وبس) / هذا الي انت فالح فيه يالثور

روفو / الله يسامحتس يا ( حرماوية وبس) ويخليتس لي ولعييلتس … وش انحن بدونتس.

( حرماوية وبس) / المهم بكره انا عندي مشوير قريب وبوديك عند اهلك يومين .

روفو/ وين بتروحين … (خايف تعرس عليه )

( حرماوية وبس) / ابروح لجهنم … هماني اقولك لا تسالني وين ابروح وين ابجي … وان عاد سمعت كلمة وين رايح منك … ترى والله مايردك الا بيت اهلك …. والا والله لاصك لك جار او ضر اعصر به قلبك .

روفو / العذر والسموحه طال عمرتس … وش تبين اصلح لتس على الغدا طال عمرتس …

( حرماوية وبس) / صلح سم … طرقع (لطخت بالباب وطلعت)؟؟؟؟

ــــــــــــــــــــــــــــــــــــــــــ

-3-

راعي حرمة: قاعد في غرفته ... منسدح على بطنه يقرا مجلة سيدي ولك انتَ ...وفجئه التلفون ترررررررررررررررررررررن

راعي حرمة / الو مين

رزنامة/ هلا ومرحبا بها الصوت .. انا ساره

راعي حرمة / عفوا من تبغيين

رزنامة / ابغاك انت

راعي حرمة/ قلة حيا … مالتس اخوان تخافين عليهم وعلى سمعتهم بعدين ترضين وحده تكلم اخوانتس يا قليلة الادب طوط طوط طوط

ترررن ترررن

رزنامة/ اسمع لاتسكر السماعه انا اعرفك واعرف كل شي عنك … وانت بعد تعرفني زين

راعي حرمة / انا ما اعرفتس ولا ابغى اعرفتس. طوط طوط طوط

تررن تررن

رزنامة /الو اسمع انت تتذكر رسايلك الي عندي وصورك ايام الثانوي … تراها موجوده لحد الان عندي محتفظة بها كل ها السنين

راعي حرمة / ارجوتس انا عرفتس هالحيين ارجوتس انا كبرت وعقلت وذيك الحركات كانت ايام المراهقه … ارجوتس رجعي صوري ورسايلي ارجوتس والله لو يدرون اخواتي ان يقطعون راسي .

رزنامة / انا ابعطيك كل شي بس ابغاك تواعدني في محل اعطيك فيه الصور … والا والله لانشرها في كل مكان …

راعي حرمة / ارجوتس لا تفضحيني … ارجوتس … وين طيب اواعدتس علشان تعطيني الصور والرسايل .

رزنامة/ اسمع انا اعرف ان عندكم زواج الخميس الجاي بتروحون له … سو نفسك مريض ولا تروح معهم وانا اجيب الصور والرسايل لك

راعي حرمة / طيب خلاص الخميس (مكسور الجناح)

وفي يوم الخميس ماراح راعي حرمة مع اهله للزواج تعذر ان هدومه خربها الخياط … وقعد راعي حرمة لوحده في المنزل …. وفي تمام الساعه 10 واذا بجرس الباب

تررررررررررررررررررررررررررررررن ((( يا حظك ياراعي حرمه)))

راعي حرمة بخطوات متثاقله وبصوت يشوبه الخوف من المجهول يرد ويقول / مين

رزنامة/ انا رزنامة افتح الباب

راعي حرمة / لا استطيع لايوجد في المنزل سواي ( لا وبالعربية الفصحى .. اخس يا العاقل)…دخلي الرسايل والصور من تحت الباب

رزنامة/ ترى اذا ما فتحت الباب تبي تندم طول عمرك وبتصير سمعتك على كل لسان هذا اذا ماذبحوك خواتك .

فتح راعي حرمة الباب ( يكسر الخاطر )… ودفعته رزنامه بقوه …. ودخلت المنزل لتستفرد بهذا الضعيف المسكين الذي لاحول له ولا قوه … اخذ راعي حرمة يرجع للخلف وهو خائف من رزنامه حتى دخل الى داخل المنزل هربا منها ولكنها لم تتركه في حاله … وبعد ان اخذت مبتغاها … همت بالخروج … وقال لها راعي حرمة والدموع ملىء عينيه لماذا ليش انهيتي حياتي وش تبين مني ارجوتس اطلعي اطلعي (والعيون ارع اربع) ولكن قبل ماتروحين عطيني الصور والرسايل …

رزنامه / أي صور واي رسايل … هاهاها انا خبله علشان اعطيك اياها ؟؟؟؟؟

لقد اصبح راعي حرمة ضحية استهتاره ايام المراهقة ؟؟؟؟؟؟؟؟؟

ــــــــــــــــــــــــــــــ

-4-

الساعة 3 من الليل …. أبو ذعار سهران ماجاه نوم … ذعار مريض مرتفعه حرارته وملتهبه لوزه … والصغيره حصه جوعانه ولكن ثمها منفر ماتقدر ترضع … وابو ذعار ضام بزرانه لصدره ويصيح معهم مايقدر يسوي لهم شي … يوم جت 3.15 اليين باب البيت يفتح.... (اميرة نت) توها جايه من الاستراحه …

(اميرة نت) / اسمع انت ووجهك ضف بزرانك … ورح نم انت وياهم في الغرفه الثانيه انا تعبانه وواصله معي مافزت في الورقه ولا مره … وابغى انوم وما ابغى احد يزعجني .

ابو ذعار / سمي طال عمرتس ما لتس الا طيبة الخاطر …

وخذ ابو ذعار بزرانه وراح للغرفة الثانيه … وهو يبكي بحرقة على حاله وحال اطفاله … ووضع الصغيرة حصة في حضنه واخذ يهزها علها تنام … وفي يده منديل مبلل يضعه على راس ذعار لخفض الحراره .

(اميرة نت) قبل ان تنام تتكلم مع منقولة في التلفون … اسمعي يا منقولة بكره تكفين لا يفوزون علينا … واستمرت المكالمة اكثر من 20 دقيقه كانت الضحكات تتعالى وكأن المرضى الموجودين في البيت لايعنونه بشيء؟؟؟؟؟؟؟

ـــــــــــــــــــــــــ

-5-

( ليلك ) توها ماخذة لها واحد اسمه AZeeZ ....

اليوم يوم الخميس ليلة الجمعه الساعة 1 بعد منتصف الليل.... AZeeZ يبغى يتزيين لـ( ليلك ) قبل ماتجي … لبس صرواله الطويل المشقق … وفنيلته ام دلاع … وعدساته الفسفوريه …. وطفى اللمبات وولع شمعه وقعد على السرير …. وفجئه سمع صوت الباب … فرح وانبسط وقال / اكيد بتشوفني متزيين لها وبتنبسط .

دخلت ( ليلك ) يوم فتحت غرفة النوم صرخت وقالت اعوذ بالله روعتني انت وهالعيون صاير كنك قطو ؟؟؟؟

ـــــــــــــــــــــــــ

-6-

الوايلي يترجى ( بنتها ) انها توديه لهله …. يشوف اخوه مصخن … ( بنتها ) رافضه ... تقول انا تعبانه وماني فاضيه لك ... وفجئه رن التلفون

تررررررررررررررررررررررررررررن

( بنتها ) / الو مين

MrCoOl / هلا ( بنتها ) انا شاريه نخلتين خلاص من الحسا وابغى نروح انا وياتس نجيبها بكره على سيارتس

( بنتها ) / ابشري والله لو تبين للقمر ؟؟؟؟؟؟؟؟

ـــــــــــــــــــ

-7-

أنشودة المطر جايه من العمل … حطت شيلتها على الكنب … وقعدت تقرا الجريده … ثم صرخت … الأديب سعيدان ... الأديب سعيدان ......الأديب سعيدان وينك فوجع يوجعك وراك ماترد علي ….

الأديب سعيدان / هلا بـ أنشودة المطر كنت في الحمام افرق ركيباتي واشيل يدياتي ورجيلاتي …. مادريت انتس جيتي

أنشودة المطر / وش تشيل وش تفرك يا رامي عياش

الأديب سعيدان/ الله يكرمتس ياأنشودة المطر تقارنيني بذولي الي مايخافون الله .

أنشودة المطر / اقول احمد ربك بس انهم مانعين الزواج من الخارج ؟؟؟؟؟؟؟؟؟

ــــــــــــــــــــ

هـــــــــــــاه وش رايكم ؟ عرفتوا وش قيمتهم ... قال الرسول صلى الله عليه وسلم (( خياركم خياركم لأهله ))