GOLDEN-EYE قام بنشر June 3, 2003 ارسل تقرير Share قام بنشر June 3, 2003 وتزوجت ...بنت الوزير . . . . . . تسيف حالكم ..يالله ان تحيي ذا الخشش كلن بخشته <= =حاس ام الشغلة والله اني مشتاق لكم شوقن مهب صاحي <= =لا تصدقون ترى قسنب بالله ماضرب لكم كرت عاااااااااد خلوني اطمر لكم بسالفتي الصدقية .... <==لحوووووول حد قال شي يابن الحلال ابطال القصة 1- محاكيكم..مخاوي بن خويه ليمتيد المحدودة <= ذا كله اسم وش بقيت للصناعية 2-بلد الهشك والبشك...البيت بيتك..والنيل مهب نيلك لا توصخه علينا ( مصر ) 3-بيجو موديل 55 لونها اسود وابيض 4-بنت الوزير <== ياحياة الشقا صدز 5-سطل مليان مويه <= ماله دخل في الموضوع بس قطية بس قضينا....لا بعد فيه واحد... لا امزح ..مافيه احد.... لا تكفى مسكنا خط... <==ملحووس احداث القصة : <= تكفى يا 11 سبتمبر قدر الله علي...ونجحت من الثانويةالعاااامة بنسبة كنها وجهي يعني ما تاكل عيش توضيح للي مافهم المثال الاول يعني معدل كنه ريااااااال وانت تملك ميتين مليووون <= هيا وش يساوي الريال عند ذي <= ماودك تخلص وبلاش فلسفة وطمار حواجز مالك فيها طبعا زي ماقلت لكم اني جبت نسبة مهيب زينة دخلت العسكرية ... ويوم جاااااا فترة التقديم تلاقطت انا وضابط... يقلي... اسمك مخاوي ..وإلا مخاوي اسمك ... عاااااد انا اخلاااااقي دااااايم على البزي يعني داااايم مهيب زينه خاااااااصة لاجا واحد يستخف دمه وانا منيب ناقص اصلا المهم ان الساااااحة اللي جاء فيها التقديم شهد ملاقطة ودعثة جاااااء على اثرها السيول والأمطار جعلها الله سقيا رحمة <= ياحبه للطمر فوق الشبوك حاااااااولت بكل قصاااااارا <= صح كذا جهدي اني ادرس في ديرتنا ولكن ماسهل الله .... كل دااااايم يطردوني ... ليه ياربي وش سويت عشااااااان كنت احجر للقطااااااوة في حوش بيتنا القديم المهم<= عشان اختصر عليكم وإلا ترى ماعندي مانع افصفص لكم قدهي خرباااانة خربااااانة رحت ودرست في مصر ..... اول مارحت متهنتك ومتفنتك وشغلى آخر حلااااوة مرت الأياااااااام والسنووووون <= كذا يقولون في زورو قضت فلووووووسي ...يعني صرت مييييييييح على الصفففففر <= ياحليلي صدز : كنت آكل فول وتميس...بالسمنة <= هم يسمونها كذا صرت آكل فول من غير لا سمنة ولاتميس كنت اركب تكسي وادفع له خمسة جنيه صرت اركب باااااص بربع جنيه كنت اغسل هدومي بتلاتة جنيه صرت اغسلها في عزبتي ودقاق يدق وجهي كنت ساكن في شقة في المهندسين صرت ساكن مع شلة صعايده في شبرا المهم ياجمااااعة الربع ان حالتي تردت .... وكل يوم ازفت من الثاني <= دخل جو مع السالفة الله يرجني صدز صرت اتصل على ابوي ...يعطيني مشغول ارسله رسايل..اقوله ودلك مقطوع والدنيا لا عبه في سستمه يرد علي ويقول ترى جوالي مفصول لاتزيد ترسل<= يصرف ابوي المهم ان يوم من الاياااااااام وجهى صار تسنه رقعه بنشري وريحتي خيااااااااس ...وملابسي رايحه في رجلها ... جيت وجلست على القهوة وانادي يامعلم ..حجر زغلووول بالله ... <= الله ايام العز كنت اشيش معسل فراولة كككك والله وجالس اسولف مع نفسي اقول هااااه وش تسوي يامخاوي اقلبها طراااره وعلى ماتوااااجه ...وإلا اشتغل طقاااقة في مرقص ...<= الله من زين الطموح والله شوي إلا وجاء واحد جلس جنبي... كل شوي يخزني بعينه وانا ساكت شوي إلا شفت الرجااال كل شوي يقرب صوبي صراااااحة انا خفت على نفسي <== ليه يا نجوى كرم شوي إلا يوم تشجعت وقمت الزخه بعين مهيب صاحيه إلا يوم قام فأقوم وامسك هوز الشيشة قلت علي وعلى اعدائي قال :مالك يامخاوي مش فكرني وإلا ايه قلت:لا مش ولا زبادي... اخلص وش تبي قال:انا صاحبك هشام اللي معاك في القامعه قلت ياخي انا بطلت جامعه وبطلت كلش قال:مالك الدنيا بسعة ياخي <= ايوووك ياللهجه قلت : ياخي الدنيا ضاقت بي والحالة شينة قال: بص عندي لك اقتراااااح وحل مش طبيعي قلت : اخلص هاااااات قال :انا عندي عربية اقره إيه رأيك تشتغل فيها وتحسن اوضاعك قلت: قدااااااام اشتغل فيها.. والله واجلس ابوس في دمجت خويي ذااا واشوته خبركم امون والله واليوم الثاااااااني واتروش والبس ازين ماعندي قميص اخضر مقلم ببني...وبنطلون برتقاني...وجزمة كحلي لماعي واملد شعري بدهااااااان لين طلع يلق كني حاطن عليه فيري وانزل واستلم العربية ...واول ما انطلقت المهندسين...واجلس افر فيها واتذكر زمان اول...اياااام النعمة يوم كنا نطرد البنيااات ونرقم <= ياخي محد جاب طاري الترقيم والله واشتغلت في ذا التكسي...واحواااالي بدت تزين .. واموري بدت تاخذ مجراها الطبيعي <= زارف هالجملة من تمثليه فوق بشت السمرمدي اللي يجيبونها في قناة النيل حتى كان يمر على اوقاااااات من زود الطخطخة وقوه الدراهم صرت اوصل الناااااس واعطيهم فلووووووس <= ياشيييييييييييخ والله وانا يوم مدرجها ادور زبااااااين وتجي في بالي فكرة اني اعرس ايه ليه لا..خلاص ربي انعم علي بفلوس وسمعتي عند اصحاب التكاسي مثل الجنيه الذهب <= هم يقولن تسذا لا قد الواحد طخمة عندهم :chirs: والله وماقطع حبل افكاااري إلا ذا الصوت الناعم اللي شل تفكيري وبغيت اصدم الله يلعنه من صوت يسسسسسسسسسطه <== بالسين عشان الدلع بعدين انتبهو للسحبه واللي ما اوقف ...هلا وغلا قالت بكاااااام تودينا شارع العوليا <== ايه حتى عندهم شارع العليا وراكم قلت اركبي وما بنختلف قسنب بالله لا كان ادفع من جيبي والله وتركب ورا...واجلس افرفر بها... وكل شوي اقزها في المراية وهي مستانسة تبي تتمشي يوم طفشت من اللفلفة قالت ..انت سوااااء مش كويس اللااااااه اماااال شارع العوليا فين قاتك نيله قلت معليش يابعدي بس اني ضيعت قالت ياللا بسرعة وراي ميعاد قلت عسى مهب مع رجال بس <== بدا يغااار لزخه الحب من اول نظره قالت : وانت مالك... حوووووش حوووووووش <= مدري وشهي هي سبه وإلا طنازه المهم وصلتها... قالت حسابك كاااام قلت خلااااص خليها علينا... قالت ..لا والله مهيب هي عييييب عليك افاااا وين اودي وجهي من بنااات الحتة <= مصرية كانت ساكنه بحريملاء المهم خذيت منها فلووووس ودرجتها وانا قلبي يطرطع ..على ذا المزيونة ... والله بدت الهواجيس من كل حدب وصوب <= قسنب بالله اني زارفها بعد قلت يامخاوي ورا ماتوقف وتاخذ لك راس شيشة وكاس شاي كشري <= سبق وشرحته لحد يتفلسف والله يوم جيت ووقفت واللي ما انااااظر ورا إلا البنت ناسيه شنطتها .... عاااااد انا وش جا في بالي قلت زين خلني اكتب رقمي واحطه بالشنطة وارجع ادور لها واعطيها شنطتها <= الله من زين النية والله واجلس اقلب بشنطتها...والاااااقي بطاقتها المدنية واقرا اسمها لين ابوها وزييير واهي طلعت بنته <= زود فلسفة وتوثيق والله وادق سلف وانبرش على شارع (اخاف اقول العليا ماتصدقون )واكنس ام الشاااااارع شوي والاقيها والدموع اربع اربع ..واصفط جنبها.. قلت هااااااااذي الشنطة يابعدي.. عااااد البنت تشققت من الفرحة ..وصمختني ببوسة اعمتني وقالت والله انك رجااااال بحأ وحأيأة والله ماتروحش إلا لين تسلم على بابايا قلت ليه يالوزير يوم اسلم عليه <= فضيحة مايعرف يسكت قالت انتا تعرفووووه اه ببايا وزير قلت لا ماعرفه ولا شي وقسنب بالله مافتشت في شنطتس ولا ناظرت بطاقتس ولاشي <= وجه النكبه قالت يالله نمشي على البيت عشان تشوف ابويه والله قلت مهيب شينه وادرجها لم بيتهم واجي ابي ادخل إلا ذولا ثنين بودي قاردات كل واحد يقول الزود عندي قال واحد: ماتقيب بتاع الكولا ياراقل قلت: انقلع انا معزوم قال :والله منتا معدي من هنا لين تقيب بتاع الكولا والسقاير قلت: اشوفها كثرت كانت كولا ودقاااااق قال: متخلص ياقدع قلت: لاقدع ولاقهوة ... انا معزوم ماتفهم شوي إلا بعد عمري <== خلاص صرت امون تصايح عليهم وتهاوشهم الاه خلووووووه دا صاحبي انا يوم سمعت صاحبي بغا يجيني شلل ماضريت بنت تقولي دا صاحبي والله واجي لمها وتمسك يدي وقالت تعالا افرقك على اوطي .. قلت: لا يابنت الحلااااال تونا ..وبعدين ما احب هالحركات القديمة قالت: والله أنتا طالع <= يعني نذر ان تطلع معي قلت: طيب بطلع بس بشرط اغمض عيوني <= ياحليله صدق قالت :الاااااه اما حتشوف اوطي إزاي ها ماتوريني قلت: طيب بطلع والله واطلع واشوف ذا الغرفة شي مهب صاحي آخر انتكة وفنتكة والصراحة ماخقيت إلا مع ريحة الغرفة .... بغيت اتشقق صدق والدببة منثرة بالغرفة كني في محمية .. قالت عقبتك اوطي .... <= الغرفة زينه <= ياخي يفهمون حسبالك جايين من الصين قلت والله إنها مهيب شينة قالت ماتناااام ؟؟؟ انا بدا الشيطان يلعب في سستمي وقالي ياخي عادي العب انت وياها غميمة <= امزح ترى شوي إلا يوم قلت لا لا ...اخاف ابوتس يلعن سنسفيلنا خلينا نطلع متشقق على بوتس ودي اشوفه وبعدين في سؤااااااال يقرقع بمخي..وش لون انتي بنت وزير وتوقفين تكسي اجل ابوتس توه جديد وما امداااه يلهط...<= طقها في وجهها مايستحي قالت اااااه عليك نور انا بباي لسه نيو شوي إلا صياااااح عجوزها من تحت .... متنزلو يالله الغدا زااااهب يوم نزلنا إلا بوها ...عاد انا خفت قلت بيلعن ابو جداني وبيقول وش مرقيك فوق يالسمرمدي شوي إلا يوم نط وقال انا اشكرك اوي اوي على اخلاصك ونبهتك <= يشلخ علي قلت وانا اعفوك اوي اوي على مجاملتك <= يوم شاف الدعوا شلخ ماقصر معه ونفخ راس الوزير قالي الصراحة انت ولد زوووووء واللاهي ... قلت وانت ازوء من الزوء ياقميل ماتقيب بوسة ...<= طيح الميانة شوي إلا يوم لزختني البنت قالت اللاه ماتختشي يا اسطه انا استحيت وقمت اناظر واتحرا صحن وإلا شي ينصى دمجتي إلا والوضع فري باللوز الشايب والعجوز يضحكون ويقولون لبنتهم الله يرجك صدز <= ابوك ياللهجة المهم اني تشجعت وقلت للوزير .... انا طالبن يد بنتك على سنة الله ورسوله البنت جنبي استحت ..الام قربت سحلة الشربة تبي تلزخني بها الابو قااااام يناااااظر بنص عين ويقول في نفسه اما بنت وزير تاخذ سواق تكسي كثر منها ... قلت هااااه وش قلت ياعمي <= حشرته وطيحت المياااانة عشان مايمديه يصرف قال انت انساااان شهم ونبيل ومصطفى وحسني لكن معااااااك شأه من مقاميعوه<== اهم شي عندهم قلت افاااااااا سواق تكسي ومامعي شقة ليه شايفني سواق تكسي <=لحست مخ قال طيب انا موااااافأ والأم قالت خلاص وانا موااافأه وانااااااظر البنت إلا يوم ذرفت الدمع <==زي مايسوون في التمثليات وقااااااالت انا مواااافأة كمان يامخاوي قلت انا امممممم طيب انا منيب موااااااااافق ...مابي بنتكم ولاشي يالله انقلعو انهنهنهنهنهنهنهنهنهنهنهنهنه لا لا امزح ياعمي والله اني ابي بنتك صدز والله واسوي ذااااااااك العرس اللي تعاااااالمووووووبه اهل مصر كلهم حتى لا بغو يطرون سالفة قااااااااالو ذيك السنة يوم تزوج مخاوي بنت الوزير والله ونروح انا وياها شهر العسل في الأسكندرية بس والله مهيب شي الأسكندرية ماعجبتني <= يارجال حدك كبري الفحص ويخب عليك والله ورزقني ربي بشقلة عياااااااال فطااااافيط وصارت عمتي ترسل لي كل يوم مرقووووق لحم عجوووووول وشربة بطة.... عشااااااان عياااال بنتها.... لااااااااا والصبح انوااااااع البيض والفوووووول والقبنة <== ترسله مع واحد من البودي قارداااات اللي صرت اطسسه كل ماجااااااء عشاااااان يبطي مايزيد يقول كولا وزقااااااير . . . . . . مايستفااااد من القصة 1-افصل النت عشاااااان ماتصرف <= انواع النذالة طيب قلها من بدري 2-ادرس بديرتك يامال الشوزن وفكني من البربسة بالخارج 3-خذ لك تكسي واشتغل عليه يمكن تطيح لك في بنت وزير تنسى شنطتها <= ليه حلاو 4-ياخي خل شهر العسل في المزاحمية يقولون ازين من الأسكندرية 5-حلالااااه على صحن ببسي وعلبة تبووووووولة <= انواااااع لحست المخ 6-تندمت اني رحت مصر وصااااار اللي صاااااار ودي اعيد السااااالفة بس في لبنااااان ( بناتهم طخم ازين من بنات مصر) طنبببببببببببببببق رابط هذا التعليق شارك More sharing options...
7armawy قام بنشر June 4, 2003 ارسل تقرير Share قام بنشر June 4, 2003 هههههههههههه .. شكرا اوي اوي موضوع ولا احلى ... يا مال الشوزن يا مال الثانكس يسطه متأثر رابط هذا التعليق شارك More sharing options...
Recommended Posts
من فضلك سجل دخول لتتمكن من التعليق
ستتمكن من اضافه تعليقات بعد التسجيل
سجل دخولك الان